دەپۋتات جالاڭاش اۋىلىندا 150 ءمۇيىزدى ءىرى قارا مالىنا ارنالعان «تاتتىبەك» شارۋا قوجالىعىنىڭ بورداقىلاۋ الاڭىندا بولدى. ر. ابدىكەروۆ شارۋاشىلىق باسشىسى گ. مەيىرمانوۆامەن ءوندىرىستى ۇلعايتۋدىڭ جانە مال شاۋرۋاشىلىعى سالاسىنىڭ ەكسپورتتىق الەۋەتىن ارتتىرۋدىڭ كەلەشەگىن تالقىلادى.
سەناتور جيدەباي اۋىلدىق وكرۋگىندە بىلتىر اشىلعان وتباسىلىق امبۋلاتوريانىڭ جۇمىسىمەن تانىستى. اقتوعاي اۋىلىندا ك. بايسەيىتوۆا اتىنداعى ورتا مەكتەپتىڭ مۇعالىمدەر ۇجىمىمەن كەزدەستى. جۇزدەسۋدە مەملەكەت باسشىسى ن.نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسى باستى تاقىرىپ بولدى. ر. ابدىكەروۆ مۇعالىمدەرگە پارلامەنت قابىلداعان جاڭا زاڭداردىڭ مازمۇنى تۋرالى دا ايتتى.
سەناتور سول كۇنى اۋداندىق ءماسليحات دەپۋتاتتارىمەن, اتقارۋشى بيلىك ورگاندارىنىڭ وكىلدەرىمەن, قۇقىق قورعاۋ ورگاندارىنىڭ قىزمەتكەرلەرىمەن, ارداگەرلەرمەن جانە قوعامدىق ۇيىمدار باسشىلارىمەن دە كەزدەستى.
