باسقوسۋعا مەرەيتوي يەسىمەن بىرگە جۇبايى جاقان سۇلەيمەنقىزى, بالالارى مەن نەمەرەلەرى كەلىپ قاتىستى. ەرجۇمان سمايىلمەن بىرگە قالامداس, قاناتتاس بولىپ ۇزاق جىل جۇمىس جاساعان جازۋشى جانات ەلشىبەك, قايسار ءالىم, جۇماگۇل سولتى سياقتى «ەگەمەننىڭ» ارداگەرلەرى ارنايى ات باسىن بۇرىپ, ەستەن كەتپەس ەستەلىكتەرىمەن ءبولىستى. ەرجۇمان وتەش ۇلىنىڭ قىزمەتتەگى قاراپايىمدىلىعىنا, قامقور باسشى بولعانىن ايتىپ, شىعارماشىلىعىنا جوعارى باعا بەرگەن زامانداسى جانات ەلشىبەك ونى «ەگەمەن قازاقستاننىڭ» قارا نارى» دەپ اتاسا, قالامگەر قايسار ءالىم ەر اعانىڭ ەڭبەكقورلىعىن «ەڭبەكتىڭ جاۋىر تورىسىنا» تەڭەدى.
جۋرناليستيكادا, اسىرەسە ءباسپاسوز سالاسىندا ەڭبەك ەتىپ جۇرگەن قالامى ۇشقىر تىلشىلەردىڭ كوبى ەرجۇمان سمايىلدىڭ مەكتەبىنەن وتكەنىن ايتقان دراماتۋرگ جۇماگۇل سولتى زامانداسى جايلى اسەرلى ەستەلىكتەرىن اڭگىمەلەدى. «ەرجۇمان دوسىنا, ىسىنە ادال جان. ەڭ باستىسى ول «ەگەمەنگە» ادال بولدى, ءبىزدى ەڭبەككە ۇيرەتتى. ەرەكەڭنىڭ ارقاسىندا شىڭدالدىق, جاۋاپكەرشىلىكتى تۇسىندىك. ءوزى نەشە جۇزدەگەن شاكىرت تاربيەلەدى. قانشاما جولىن جاڭا باستاعان جۋرناليست وسى ەرجۇمان اعاسىنىڭ ارقاسىندا قالامىن تۇزەدى. گازەتپەن شىڭدالعانداردىڭ بارلىعى ءسىزدى جاقسى كورەدى», دەدى ج.سولتى.
كەشتە ەراعانىڭ جولىمەن ءجۇرىپ, ونىڭ قامقورلىعىنا بولەنگەن جانبولات اۋپباي, سۇلەيمەن مامەت, جاقسىباي سامرات سىندى ىنىلەرى دە ءسوزىن سويلەپ, مەرەيتوي يەسىنە ۇزاق عۇمىر تىلەدى. «ەگەمەن قازاقستان» رگ» اق باسقارما توراعاسىنىڭ ورىنباسارى ايبىن شاعالاق ەرجۇمان سمايىل اعاعا ۇجىم اتىنان گراموتا تابىستاپ, يىعىنا شاپان جاپتى.
مايگۇل سۇلتان,
«ەگەمەن قازاقستان»
