قاسقات پوسەلكەسىنەن 20 شاقىرىمداي جەردە اڭشىلىق شارۋاشىلىعى اۋماعىندا قاردىڭ ۇستىنە تامعان قان بايقالعان جانە ماشينانىڭ ءىزى تۇسكەن. وسى ءىز پوليتسەيلەردى قاسقات پوسەلكەسىندەگى ءبىر ءۇيدىڭ اۋلاسىنا الىپ كەلەدى. 59 جاستاعى ءۇي يەسىنەن ەلىكتىڭ بۇتارلانىپ, جايعاستىرىلعان ەتى, ەكى اڭشى مىلتىعى تابىلدى. مىلتىق ونىڭ سەرىگى 65 جاستاعى براكونەردىكى بولىپ شىقتى. ماشينا زاڭسىز اڭشىلىق قۇرعان 51 جاستاعى تۇرعىندىكى ەكەن.
پوليتسەيلەر انىقتاعانىنداي, اۋىلدىڭ ەكى تۇرعىنى «تويوتو» ماشيناسىمەن ورمانعا بارىپ, ەكى ەلىكتى اتىپ العان دا, ونى اۋىلداعى باسقا تانىسىنىڭ ۇيىنە تىعىپ قويعان ەكەن. ولاردان ەلىكتىڭ ەتى, قارۋ, وق بارلىعى تاركىلەندى, ەندى ورماننىڭ سۇلۋىن اتقاندار سوتقا جاۋاپ بەرەدى.
ءنازيرا جارىمبەت
«ەگەمەن قازاقستان»
قوستاناي وبلىسى,
مەڭدىعارا اۋدانى
