كوماندا جاتتىقتىرۋشىسى رۋسلان رەۆياكين ب.الەكساندروۆ اتىنداعى سپورت سارايىندا جۇمساق ويىنشىقتاردى جيناۋ شاراسى ۇيىمداستىرىلعانىن, قايىرىمدىلىق اكتسياسىنا قالا تۇرعىندارى بەلسەنە اتسالىسقانىن ايتادى. «بالالارعا شاتتىق سىيلاۋدان ارتىق باقىت جوق شىعار. يگى ءداستۇردىڭ جالعاسىن تاۋىپ جاتقانى قۋانتادى», دەيدى ول.
جاڭا جىل قارساڭىنداعى يگى شارا بارىسىندا حوككەيشىلەر بىرنەشە ءبولىمدى ءبىر ساعاتقا جۋىق ەرىنبەي ارالاپ, جۇرۋگە, سويلەۋگە شاماسى كەلەتىندەرگە سىيلىقتى ءوز قولدارىنا تابىستاپ, وپەراتسيادان شىعىپ, تىنىعىپ نەمەسە وپەراتسيا جاسالىپ جاتقان بالعىنداردىڭ سىيلىعىن توسەكتەرىنە قالدىردى. «ورتالىقتا ەم الىپ جاتقان بارلىق بالالار مەن ولاردىڭ اتا-انالارى ءدان ريزا. دارىگەرلەر مەن مەدبيكەلەر بالعىنداردىڭ تەز ساۋىعىپ, قاتارعا قوسىلۋى ءۇشىن ايانىپ جاتقان جوق. اكتسيانى ۇيىمداستىرۋشىلارعا العىسىمىز شەكسىز», دەيدى انا مەن بالا ورتالىعىنىڭ ديرەكتورى ەرمەك وماربەكوۆ.
ازامات قاسىم,
«ەگەمەن قازاقستان»
وسكەمەن
