ستانتسيادا بارلىعى جانارمايى, گاز جانە ديزەلدىك وتىنى بار 16 باعانا ورناتىلعان. ولاردىڭ تورتەۋى ەلەكتر كارلاردى قۋاتتاۋعا ارنالعان.
«جاڭا جانارماي قۇيۋ ستانتسياسىنىڭ كليەنتتەرى ەلەكتر موبيلدەردى قۋاتتاي الادى. قۋاتتاۋ ۋاقىتى 40-تان 60 مينۋتقا دەيىن جالعاسادى», - «اstana اكك ۇك» اق-نىڭ ينۆەستيتسيالىق جوبالار دەپارتامەنتى ديرەكتورىنىڭ ورىنباسارى ارتەم كۆاشۋك.
ەلورداداعى جاڭا جانارماي ستانتسيالارىنىڭ قۇرىلىسى «اstana اكك ۇك» اق مەن «Autogas Retail» جشس اراسىنداعى بىرلەسكەن جوبانىڭ اياسىندا جۇرگىزىلىپ جاتىر.
«جوبا جاڭا فورماتتاعى جانارماي قۇيۋ ستانتسيالارى كەشەنىن سالۋدى قاراستىرادى. مۇنداي ستانتسيالار كوپتەگەن قىزمەتتەردى كورسەتەدى. كليەنتتەر بۇل جەردە, سونداي-اق, وزدەرىنىڭ ەلەكتر موبيلدەرىن دە قۋاتتاي الادى», - دەدى ا. كۆاشۋك.
سونىمەن قاتار, جانارماي قۇيۋ ستانتسياسى بىرنەشە كۇن پانەلىنىڭ ەسەبىنەن جارىقتاندىرىلادى.
«مۇنداعى قۋات كوزدەرىن تۇتىنۋ ەنەرگيا ۇنەمدەۋشى شامداردىڭ ەسەبىنەن ءتيىمدى بولماق», - دەپ اتاپ ءوتتى ول. جاڭا جانارماي قۇيۋ كەشەنى - بىرلەسكەن جوبا اياسىندا اشىلعان العاشقى ستانتسيا. كەلەسى جىلدىڭ قاڭتارىندا وسىنداي ەكى ستانتسيا جۇمىسىن باستايتىن بولادى.
