جىر كەشىنە اقىننىڭ ونەردەگى زامانداستارى مەن قالامداس ىنىلەرى, جەرگىلىكتى جازۋشىلار, جالپى جىر سۇيەر حالىق قاتىسىپ, رۋحاني ءسوز ونەرىمەن سۋسىنداتتى.
ادەبيەت سۇيەر قاۋىمعا ەتەنە تانىس اقىن, مەملەكەتتىك سىيلىقتىڭ لاۋرەاتى يرانبەك ورازباەۆ, فيلولوگيا عىلىمدارىنىڭ كانديداتى ەۋرازيا ۋنيۆەرسيەتىنىڭ دوتسەنتى وڭايگۇل تۇرجان, ت.ايبەرگەنوۆ اتىنداعى سىيلىقتىڭ لاۋرەاتى, قازاقستان رەسپۋبليكاسى جاستار وداعى سىيلىعىنىڭ جانە حالىقارالىق «الاش» ادەبي سىيلىعىنىڭ لاۋرەاتى گۇلنار سالىقباەۆا, فيلولوگيا عىلىمدارىنىڭ دوكتورى, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى جانات ايمۇحامبەت, ء داستۇرلى ءانشى گۇلميرا سارينا, قازاقستاننىڭ ەڭبەك سىڭىرگەن قايراتكەرى, "دارىن" مەملەكەتتىك جاستار سىيلىعىنىڭ يەگەرى ايگۇل قوسانوۆا, اتىراۋلىق اقىندار باقىتگۇل باباش پەن ءاليا داۋلەتباەۆا, سونداي-اق اتىراۋ وبلىستىق اكىمدىگىنىڭ دەلەگاتسياسى شىعارماشىلىق كەشكە ارنايى كەلدى.
رۋحاني كەشتى اقىن جانات ايمۇحامبەت پەن اقىن-جۋرناليست ەربول الشىنباي جۇرگىزدى.
شارادا ءسوز العان وبلىس اكىمى ەرالى توعجانوۆ: ء«سوزدىڭ كيەسى قۇرمەتتەلگەن مەرەيلى دە مارتەبەلى, رۋحاني كەشكە كۋا بولىپ وتىرمىز. قازاق ءۇشىن ءسوز – كيە, جىر – نامىس, ولەڭ – ءومىردىڭ ءمانى. سۆەتقالي نۇرجان پوەزياسىنا بويلاعان سايىن «رۋحاني جاڭعىرۋ» ۇدەرىسىن جۇزەگە اسىرۋدا تاپتىرماس قۇرال بارىنا كوزىڭ جەتە تۇسەدى. سۆەتقالي ءوز جىرلارىندا ۇلتتى بىرلىككە جەتەلەيدى. وسى باعدارلاما اياسىندا, اقىن شىعارمالارىنىڭ تولىق جيناعىن شىعارۋدى قولعا العانىمىز دۇرىس. كەلەسى جىلى, استانامىزدىڭ 20 جىلدىعى اياسىندا اقىننىڭ كەشىن ەلوردانىڭ تورىندە وتكىزگەنىمىز ءجون. سۆەتقالي شىعارماشىلىعىن ناسيحاتتاۋداعى شارانىڭ ءبىرى – «حان كەگى» داستانىنىڭ ساحنالانۋى بولماق. بۇل باعىتتاعى ازىرلىك جۇمىستارى باستالىپ كەتتى, بۇيىرسا, 2018 جىلدىڭ اقپان ايىنىڭ باسىندا سپەكتاكلدىڭ پرەمەراسى وتپەك. ادەبيەت الەمىندە وزىندىك قولتاڭباسى بار قالامگەر, قوعامدا ەلدىك يدەياسى بار اقىن!»,-دەدى.
ۇلتتىق رۋحتى تانىتىپ, ءتۇپ-تامىرىمىزدى جىرلاعان قالامگەردىڭ كەشى اراعا جيىرما جىل سالىپ ءوتىپ وتىر. ساعىندىرىپ وتكىزگەن كەشىندە اقىن ساحناعا شىعىپ ءوز تۋىندىلارىن وقىدى.
كەشكە جيىلعان قاۋىم قوشەمەت كورسەتىپ, جىر كەشى يەسىنە دەگەن قۇرمەتپەن تاراستى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
