ءبىلىم سالاسىنىڭ قىزمەتكەرلەرىنىڭ مارتەبەسىن كوتەرۋ, پەداگوگ قىزمەتكەرلەردىڭ ەڭبەگىن مەملەكەتتىك قولداۋ مەن ىنتالاندىرۋدى كۇشەيتۋ ماقساتىنداعى بايقاۋعا ء وڭىردىڭ ءار تۇكپىرىندەگى 33 ءبىلىم بەرۋ ۇيىمىنان 122 پەداگوگ قۇجاتتارىن ۇسىنعان. وبلىس اكىمى جانىنداعى ساراپتاۋ كوميسسياسى مۇشەلەرىنىڭ شەشىمىمەن جەڭىمپازدار انىقتالدى.
سالتاناتتى كەشتە ءسوز العان وبلىس اكىمى ەرالى توعجانوۆ: «جاڭا جىل قارساڭىندا رۋحى تازا, وي-ءورىسى بيىك, بارلىق ۋاقىتتا ءوز تۇعىرىندا قالا بەرەتىن تەكتى تۇلعا – ۇستازداردى ماراپاتتاۋعا ارنالعان بۇگىنگى سالتاناتتى مەرەكە قۇتتى بولسىن! «قىران تۇلەگىنە قايتپاس قانات سىيلايدى, ۇستاز شاكىرتىنە تالماس تالاپ سىيلايدى» دەگەندەي, مۇعالىم قاي كەزدە دە ءبىلىم ورداسىنىڭ جۇرەگى, قوعامنىڭ تىرەگى. ەل دامۋىنىڭ كەلەشەگىن كورەگەندىكپەن مەڭزەپ وتىراتىن ەلباسىمىز نۇرسۇلتان ءابىش ۇلى نازارباەۆ «بولاشاققا باعدار: رۋحاني جاڭعىرۋ» باعدارلامالىق ماقالاسىندا اتاپ وتكەندەي: بىرىنشىدەن, ۇلتتىق قۇندىلىقتاردى ساقتاي وتىرىپ, باسەكەگە قابىلەتتى جاڭا ۇرپاق بۋىنىن قالىپتاستىرۋ; ەكىنشىدەن, جاستاردىڭ ساناسىنا ۇلى دالا ەلىنىڭ پەرزەنتتەرى ەكەنىن, ەلىنە دەگەن سۇيىسپەنشىلىكتى, تىلىنە دەگەن قۇرمەتتى ءسىڭىرتۋ. ۇشىنشىدەن, كوزقاراسى ايقىن, پاراساتى بيىك وقۋشى تاربيەلەۋ, بارشامىزدىڭ مىندەتىمىز. ەندەشە, وسىنداي رۋحى بيىك ۇرپاق تاربيەلەۋدەگى ەڭبەكتەرىڭىزگە شىعارماشىلىق تابىس, قاجىماس قايرات تىلەيمىن!»,-دەپ ءوز تىلەگىن جەتكىزدى.
بيىل ماڭعىستاۋ وبلىسىندا 9 مەكتەپتىڭ قۇرىلىسى باستالىپ, 26 بالاباقشا اشىلعان. بوبەكجايدىڭ 96%-ى (25 بالاباقشا) جەكەمەنشىك ۇلەسىنە تيەسىلى. 3-6 جاس ارالىعىنداعى بالالاردى بالاباقشامەن قامتۋ بيىلعى جىلى 93%-دى قۇراپ, كەلەسى جىلى وسى كورسەتكىشتى 100% - عا جەتكىزۋ جوسپارلانعان. ءبىلىم سالاسىندا مەملەكەتتىك-جەكەمەنشىك ارىپتەستىك مەحانيزمى بويىنشا 8 جوبا قولعا الىنعان.
جەرگىلىكتى بيۋدجەت قارجىسىنا جاراتىلىستانۋ پاندەرىنىڭ 300 اۋىل مۇعالىمى اعىلشىن ءتىلىن مەڭگەرگەن. وبلىس اكىمدىگىنىڭ قولداۋىمەن 50 مەكتەپ باسشىسى مەنەدجمەنت بويىنشا ماگيسترلىك ءبىلىم الۋدا.
وبلىستىڭ 30 مەكتەبىندە وقۋشىلارعا كاسىپكەرلىك نەگىزدەرىن ۇيرەتۋ باعىتىندا ارنايى كۋرس باستالاتىن بولادى. بۇگىندە 30 مۇعالىم ارنايى دايىندىقتان وتكەن. «رۋحاني جاڭعىرۋ» باعدارلاماسى اياسىندا العاش رەت وبلىستاعى بارلىق ءبىلىم بەرۋ ۇيىمدارىندا «جاسىل مەكتەبىم - جاسىل مەكەنىم» اتتى جوباسى ارقىلى بارلىق مەكتەپ جانىنان جىلىجايلار سالىنباق. سايىس قورىتىندىسى بويىنشا مىنا نوميناتسيانى يەلەنگەن ءار ءبىلىم بەرۋ ۇيىمدارىنا 1 ملن. تەڭگەدەن تابىستالدى:
- «ۇزدىك قوسىمشا ءبىلىم بەرۋ ۇيىمى» - اقتاۋ قالاسى «وقۋشى»
ورتالىعى;
- «ۇزدىك تەحنيكالىق جانە كاسىپتىك ءبىلىم بەرۋ ۇيىمى» - بەينەۋ
پوليتەحنيكالىق كوللەدجى;
- «ۇزدىك مەكتەپكە دەيىنگى ۇيىمى» - اقتاۋ قالاسى №22 بالاباقشا
«التىن بەسىك»;
- «ۇزدىك اۋىل مەكتەبى» - مۇنايلى اۋدانى «قىزىلتوبە ليتسەيى»;
- «ۇزدىك قالا مەكتەبى» - اقتاۋ قالاسى №11 مامانداندىرىلعان فيزيكا
ماتەماتيكا مەكتەبى.
10 نوميناتسيا بويىنشا ءار پەداگوگقا 500 مىڭ تەڭگەدەن تابىستالدى:
- «ۇزدىك شىعارماشىل مامان» - اتالىقوۆ ياكۋب قايىر ۇلى;
- «ۇزدىك پەداگوگيكالىق جاڭا يدەيالار» - تيتينوۆ قايرات ۇسەن ۇلى;
- «ۇزدىك ارنايى ءبىلىم بەرۋ شەبەرى» - شاعانوۆا وڭايگۇل;
- «ۇزدىك تەحنولوگيالاردى قولدانۋشى» - باەنباەۆا گۇلداريگا
قۇرمانبايقىزى;
- «ۇزدىك ۇلتتىق ءداستۇردى ناسيحاتتاۋشى» - ساۋلەباي جۇلدىز
قوسقاليقىزى;
- «ۇزدىك جەتىستىكتەر شەبەرى» - قاراسارتوۆ جۇماحان كەنجەباي ۇلى;
- «ۇزدىك قوسىمشا ءبىلىم بەرۋ شەبەرى» - ءبىتىموۆا تامارا
دۇيسەنبايقىزى;
- «ۇزدىك دارىندى بالالار جەتەكشىسى» - سۇلەيمەنوۆا قارلىعاش
امانگەلدىقىزى;
- «ۇزدىك ادىستەمەنى ۇسىنۋشى» - ايماعامبەتوۆا ءسانىم بيسەنبايقىزى;
- «ۇزدىك پوليگلوت مۇعالىم» - كۇلمىرزاەۆا ايگۇل الىمبايقىزى;
«ۇزدىك جىل پەداگوگى» نوميناتسياسى بويىنشا – ايمانوۆ باۋىرجان ساعيدوللا ۇلى اكىم وبلىسى ە. توعجانوۆتىڭ ارنايى ماراپاتىنا يە بولىپ, 1 ملن. تەڭگە سەرتيفيكات الدى. باۋىرجان ساعيدوللا ۇلى تۇپقاراعان اۋدانى اقشۇقىر مەكتەپ-ليتسەيىنىڭ تاريح ءپانى مۇعالىمى. «تۇركىستان-20» حالىقارالىق بايقاۋىنىڭ, «ۇزدىك عىلىمي بايانداما اۆتورى» نوميناتسياسىنىڭ يەگەرى, «ولكەتانۋ» وقۋلىعىنىڭ اۆتورى, «قازاق تاريحى», «قازاقستان تاريحى» رەسپۋبليكالىق ادىستەمەلىك باسىلىمداردىڭ ۇزدىك وقىرمانى جانە ماقالالار اۆتورى. 11 وقۋشىسى وبلىستىق, 9 وقۋشىسى رەسپۋبليكالىق پاندىك وليمپيادانىڭ جۇلدەگەرى.
سونىمەن قاتار, وبلىس اكىمى 10 پەداگوگقا ماڭعىستاۋ وبلىسى اكىمىنىڭ قۇرمەت گراموتاسى مەن العىسى, قر ءبىلىم جانە عىلىم مينيسترلىگىنىڭ قۇرمەت گراموتاسى مەن العىسىن تاپسىردى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
