بۇل تۋرالى كاسىپوداقتار فەدەراتسياسىنىڭ اتقارۋشى كوميتەتىندەگى وتىرىسىندا بەلگىلى بولدى. جيىندا ۇيىمداستىرۋشىلىق ماسەلەلەر تالقىلاندى. سونىمەن قاتار, ءتورت وڭىردەگى كاسىپوداقتاردىڭ اۋماقتىق بىرلەستىكتەرىنىڭ توراعالارى سايلاندى. ىشكى كادرلىق اۋىس-ءتۇيىس بارىسىندا ەرلان سايىروۆ فەدەراتسيا توراعاسىنىڭ ورىنباسارى قىزمەتىنە سايلانعانى بەلگىلى بولدى.
ەرلان بياحمەت ۇلى سايروۆ 1970 جىلى شىعىس قازاقستان وبلىسىندا تۋعان. ءتۇرلى جىلدارى قر مادەنيەت, اقپارات جانە قوعامدىق كەلىسىم مينيسترلىگىندە, قر پارلامەنتى ماجىلىسىندە باسشىلىق لاۋازىمداردى اتقارعان. «مادەني دامۋ ينستيتۋتى» قوعامدىق قورىنىڭ عىلىمي جەتەكشىسى, قر كاسىپوداقتار فەدەراتسياسى توراعاسىنىڭ كەڭەسشىسى بولعان.
