جىل سايىنعى چەمپيوناتتا استانا, الماتى قالالارى مەن قاراعاندى, الماتى, پاۆلودار وبلىستارىنىڭ سپورتشىلارى باق تالاستىرۋدا دەپ حابارلايدى ەلوردا اكىمدىگىنىڭ مەديا ورتالىعى.
25 جەلتوقساندا «الاۋ» مۇز سارايىندا كونكيمەن مانەرلەپ سىرعاناۋدان قازاقستان چەمپيوناتى باستالدى. جارىسقا ءار ءتۇرلى جاس ساناتىنداعى كوماندالار قاتىسىپ جاتىر. سپورتشىلار ءبىرىنشى رازرياد, سشك جانە سش باعدارلامالارى بويىنشا باقتارىن سىناۋدا.
چەمپيونات جىل سايىن جاڭا جىل قارساڭىندا وتەدى. اتالمىش جارىستىڭ قورىتىندىلارى بويىنشا قر ۇلتتىق شتاتتى قۇراما كومانداسىنىڭ قۇرامىنا كىرەتىن مۇشەلەر ىرىكتەلەدى.
شارا ۇيىمداستىرۋشىسى – ۇلتتىق كونكيشىلەر فەدەراتسياسى. جارىستىڭ باس تورەشىسى – حالىقارالىق ISU ساناتىنداعى تورەشى يۋري گۋسكوۆ.
جارىستار 29 جەلتوقسانعا دەيىن جالعاسادى.
