حاميت ەسامان,
«ەگەمەن قازاقستان»
بۇگىندە وڭىردە 1537 مەملەكەتتىك ۇيىم بار. ال سونىڭ ىشىندە 252 مەكەمەگە زەردەلەۋ جۇمىستارى جۇرگىزىلگەن. ناتيجەسىندە, بىرقاتار جونسىزدىكتەردىڭ ورىن الىپ وتىرعانىن وبلىستىق ىشكى ساياسات باسقارماسىنىڭ باسشىسى عاليا بورانباەۆا ايتتى.
سارىسۋ اۋداندىق ىشكى ىستەر باسقارماسى, بايزاق اۋدانى, ۇلگىلى اۋىلدىق كلۋبى جانە جامبىل اۋدانى كولقاينار اۋىلدىق وكرۋگى اكىمى اپپاراتىنىڭ عيماراتى سىرتىندا ورناتىلعان مەملەكەتتىك تۋ جىرتىلعان بولسا, سارىسۋ اۋدانى, ساۋداكەنت اۋىلدىق بالالار ساز مەكتەبىنىڭ, جۋالى اۋدانى, قاراساز اۋىلدىق وكرۋگى اكىمى اپپاراتىنىڭ, شۋ اۋداندىق ىشكى ىستەر ءبولىمىنىڭ, شۋ قالالىق ەمحاناسىنىڭ, تاراز قالالىق اۋىل شارۋاشىلىعى ءبولىمىنىڭ باسشىلارىنىڭ, سونداي-اق شۋ اۋدانى, قوناەۆ اۋىلى اكىمىنىڭ كابينەتتەرىندەگى مەملەكەتتىك تۋعا داق ءتۇسىپ, كىرلەگەن.
مۇنداي ولقىلىقتار وبلىستىڭ وزگە دە اۋداندارىندا جەتىپ-ارتىلادى ەكەن. ماسەلەن, تالاس اۋداندىق ىشكى ىستەر باسقارماسىنىڭ, تالاس اۋداندىق ءبىلىم ءبولىمىنىڭ, قورداي اۋدانى بويىنشا مەملەكەتتىك كىرىستەر باسقارماسىنىڭ جانە مەركى اۋدانى توتەنشە جاعدايلار ءبولىمىنىڭ عيماراتتارىندا مەملەكەتتىك ەلتاڭبا مۇلدەم ورنالاستىرىلماعان. ال قورداي اۋداندىق حالىقتى جۇمىسپەن قامتۋ ورتالىعىندا, مويىنقۇم اۋداندىق جازىلبەك قۋانىشباەۆ اتىنداعى مۋزەيدە, مويىنقۇم اۋدانىنداعى №19 بالالار-جاسوسپىرىمدەر سپورت مەكتەبىندە مەملەكەتتىك تۋ ىلىنبەگەن. سونىمەن قاتار مۇنداي ولقىلىقتاردى تاراز قالالىق تۇرعىن ءۇي ينسپەكتسياسى ءبولىمى, جۋالى اۋداندىق جەر قاتىناستارى ءبولىمى, جامبىل وبلىسى بويىنشا ەكولوگيا دەپارتامەنتى, سۋ رەسۋرستارىن پايدالانۋدى رەتتەۋ جانە قورعاۋ جونىندەگى شۋ-تالاس باسسەيندىك ينسپەكتسياسى جانە تالاس اۋداندىق ستاتيستيكا باسقارماسى سياقتى مەكەمەلەردەن دە كورۋگە بولادى.
– كىرلەگەن تۋ, اۋىسپاعان ەلتاڭبا ەلدىگىمىزگە سىن. مۇندايدا امالسىزدان اتتەگەن-اي دەۋگە تۋرا كەلەدى. الداعى ۋاقىتتاردا جونسىزدىك جويىلىپ, اۋدان, اۋىل مەكەمەلەرىندە رامىزدەرگە دەگەن قۇرمەت ارتا تۇسسە, قانەكەي!
جامبىل وبلىسى
