اتالعان تۋىندى ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى نەگىزىندە تۇسىرىلگەن. ونداعى ماقسات وڭىرىمىزدەگى تۋريزم سالاسىن دامىتا وتىرىپ, كيەلى قازىعۇرت تاۋىنىڭ ماڭىزدىلىعىن جاس ورەندەرگە كەڭىنەن ءتۇسىندىرۋ جانە كونەدەن كەلە جاتقان اڭىز-اڭگىمەلەردى ناسيحاتتاۋعا باعىتتالعان.
حالىق اۋىز ادەبيەتىندەگى جىر-داستاندارىمىزدى ەكرانعا شىعارىپ, سول ارقىلى وسكەلەڭ جاس ۇرپاققا ءوز ەلىنىڭ تاريحىن, سالت-ءداستۇرىن دارىپتەۋ ماقساتىندا تۇسىرىلگەن ءمۋلتفيلمنىڭ تۇساۋكەسەر كەشىنە وبلىس اكىمى ارنايى قاتىستى.
«ۇلتىمىزدىڭ بولاشاعى بۇلدىرشىندەرىمىزدىڭ تىلىنەن باستالادى. ولار جاستايىنان ۇلتتىق قۇندىلىقتارعا باي, قازاق ءتىلدى مۋلتفيلمدەردى كورىپ ءوسۋى كەرەك. ويتپەگەن جاعدايدا شەتەلدىك تۋىندىلارمەن سۋسىندايتىن بولادى. بۇل ءسوزسىز بالالارىمىزدى ۇلتتىق قۇندىلىقتارىمىزدان الىستاتادى. سوندىقتان دا مەن وسىنداي انيماتسيالىق فيلمدەر جاساۋدى تاپسىردىم», - دەدى يدەيا اۆتورى جانسەيىت تۇيمەباەۆ.
ايماق باسشىسىنىڭ يدەياسىمەن «بولاشاققا باعدار: رۋحاني جاڭعىرۋ» ماقالاسى اياسىندا وبلىستا «قاجىمۇقان», «وتىراردى قورعاۋ», «كيەلى قازىعۇرت» اتتى ءۇش انيماتسيالىق فيلم مەن «كونە جەتىگەننىڭ سىرى» اتتى 10 سەريالى تەلەحيكايا ءتۇسىرىلدى.
بۇل كوپ سەريالدى فيلم مەملەكەت باسشىسىنىڭ باعدارلامالىق ماقالاسىندا ايتىلعان كيەلى جەرلەر مەن تاريحى ورىندار جايىندا تۇسىرىلگەن ەلىمىزدەگى العاشقى كينو دەسەك تە بولادى. ءوڭىردىڭ تۋريزم سالاسىن دامىتۋعا, اسەم تابيعاتى مەن كيەلى جەرلەرىن جانە دوستىق پەن تاتۋلىقتى ناسيحاتتايتىن كينوكارتينادا ۇلتتىق رۋحتى كوتەرۋ كوزدەلگەن.
«پاريوتيزم ءوزىڭنىڭ كىندىك قانىڭ تامعان جەرىڭە, ءوزىڭنىڭ تۋعان اۋىلىڭا سۇيىشپەنشىلىكتەن باستالادى» دەگەن ەلباسىنىڭ ءسوزى بار. ءوزىنىڭ تۋعان اۋىلىن سۇيە الماعان ازامات, ەشقاشان ءوزىنىڭ تۋعان مەملەكەتىن سۇيە المايدى. بۇل اكسيوما. سوندىقتان دا ءبىز وڭتۇستىكقازاقستاندىقتار بولىپ, وسىنداي فيلمدەردى ءتۇسىرۋ ارقىلى تەك قانا وڭتۇستىكتىڭ مارسەبەسىن عانا ەمەس, قازاق حالقىنىڭ رۋحاني قۇندىلىعىنا اسەر ەتەتىن بۇكىل وبلىستاعى قازاق بالالارعا, باۋىرلارىمىزعا قوزعاۋ سالاتىن وسىنداي فيلمدەردى تۇسىرگەنىمىزگە قۋانىشتىمىز», - دەدى وبلىس اكىمى.
شارا بارىسىندا ءوڭىر باسشىسى «ساق» ستۋدياسىنىڭ ديرەكتورى نۋريددين پاتتەەۆتى وبلىسقا سىڭىرگەن ەڭبەگى ءۇشىن مەدالىمەن, ءفيلمنىڭ ستسەناريىن جازعان باتىرحان داۋرەنبەكوۆ پەن باقىتجان قۇلجابايدى العىس حاتپەن ماراپاتتادى.
ايتا كەتەيىك, ساق كينوستۋدياسى بۇگىنگە دەيىن 50-دەن استام انيماتسيالىق 5 تولىقمەتراجدى فيلم جاساعان. سونداي-اق, «تومپاق», «قالقانقۇلاق» اتتى سەريالدار ءتۇسىرىپ ۇلگەرگەن.
