قۇرىلىس باسقارماسى بيۋدجەتتىك باعدارلاما اكىمشىسى بولىپ تابىلاتىن نىساندار جايىن تارقاتىپ ايتساق.
ماسەلەن, الەۋمەتتىك سالا بويىنشا وڭىردە 134 نىسان قۇرىلىسى جۇرگىزىلۋدە. ونىڭ ىشىندە 82-ءسى جاڭا ءبىلىم بەرۋ ۇيىمدارى بولسا, 39 دەنساۋلىق ساقتاۋ, 7-ءۋى مادەنيەت جانە سپورت, وزگەدە 6 نىسان قۇرىلىسى.
سالا ماماندارىنىڭ ايتۋىنشا, جوعارىدا اتالعان ءبىلىم وشاقتارىنىڭ 79-ى جاڭا مەكتەپ, ال قالعان 3-ءۋى كاسىپتىك ءبىلىم بەرۋ ۇيىمدارى. وسى نىسانداردىڭ 27-ءنىڭ قۇرىلىسى وتكەن جىلى باستالعان ەكەن.
قۇرىلىسى «نۇرلى جول» مەملەكەتتىك باعدارلاماسى مەن رەسپۋبليكالىق, وبلىستىق بيۋدجەت قارجىسىنان جۇرگىزىلگەن ءبىلىم نىساندارىنىڭ 32-ءسى بيىل ەل يگىلىگىنە بەرىلسە, قالعان 50 ءبىلىم بەرۋ عيماراتى كەلەر جىلى تاپسىرلادى دەپ جوسپارلانۋدا.
سونىمەن قاتار, وبلىستا دەنساۋلىق ساقتاۋ سالاسىندا 39 نىساننىڭ قۇرىلىس جۇمىستارى جۇرگىزىلىپ, 34 نىسان پايدالانۋعا بەرىلدى. قالعان 4 ەمحانا مەن 1 دارىگەرلىك امبۋلاتوريا قۇرىلىسى 2018 جىلعا وتپەلى.
ال, مادەنيەت سالاسىندا 4 نىسان قۇرىلىسى جۇرگىزىلىپ, سارىاعاش پەن بايدىبەك اۋدانىندا مادەنيەت وشاقتارى تاپسىرىلسا, قالعان ەكى نىسان قۇرىلىسى كەلەر جىلى ەل يگىلىگىنە ۇسىنىلادى. سونداي-اق, سپورت سالاسىندا وبلىستىق بيۋدجەتتەن سالىنعان ءۇش نىسان قۇرىلىسى كەلەر جىلى تاپسىرلادى.
بۇدان بولەك, تۇركىستان قالاسىنداعى قاراشىق وزەنىندەگى كىشى سۋ قويمانىڭ قۇرىلىسى بەرىلسە, وتىرار اۋدانىنداعى ارىس وزەنىنىڭ جاعالاۋىن قايتا قۇرۋ مەن شىمكەنت قالاسىنىڭ بۇرىڭعى قوقىس پوليگونى اۋماعىندا ساياباق سالۋ, تۇركىستان ق. مۇراعات عيماراتى مەن ىشكى ىستەر ورگاندار وبەكتىسىنىڭ قۇرىلىسى جۇرگىزىلىپ, كەلەر جىلى تاپسىرلادى دەپ جوسپارلانۋدا. سونداي-اق, شىمكەنت قالاسىنداعى 18,4 گا جەر تەلىمىندەگى قوقىس قالدىقتارىن تاستاۋ ورنىن رەكۋلتيۆاتسيالاۋ ارقىلى قايتا قۇرۋ قۇرىلىس جۇمىستارى جۇرگىزىلدى.
قورىتا ايتقاندا بيىلعى جىلى وبلىستا 32 مەكتەپ پەن 34 دەنساۋلىق ساقتاۋ نىسانى, 2 مادەنيەت ءۇيى مەن وزگەدە 2 نىسان پايدالانۋعا بەرىلدى.
