قر ۇكىمەتىنىڭ زاڭ جوبالاۋ جۇمىستارىنىڭ 2017 جىلعا ارنالعان جوسپارىمەن 28 زاڭ جوباسىن ازىرلەۋ كوزدەلگەن بولاتىن. جىل بويى ەنگىزىلگەن تۇزەتۋلەردى ەسكەرە وتىرىپ, جوسپار 22 زاڭ جوباسىن ازىرلەۋدى كوزدەيدى.
«4 زاڭعا مەملەكەت باسشىسى قول قويدى, 9-ى پارلامەنتتىڭ قاراۋىندا, 4 زاڭ پارلامەنتپەن قابىلدانىپ, مەملەكەت باسشىسىنا قول قويۋعا جىبەرىلدى جانە اعىمداعى جىلدىڭ سوڭىنا دەيىن 5 زاڭ جوباسىن پارلامەنت ماجىلىسىنە ەنگىزۋ جوسپارلانۋدا. وسىلايشا, جوسپاردىڭ تولىق كولەمدە ورىندالعانىن اتاپ وتۋگە بولادى», — دەدى مارات بەكەتاەۆ.
ادىلەت مينيسترلىگى «قۇقىقتىق اكتىلەر تۋرالى» زاڭنىڭ جانە ۇكىمەت رەگلامەنتىنىڭ تالاپتارىنا سايكەس ۇكىمەتتىڭ زاڭ جوبالاۋ جۇمىستارىنىڭ 2018 جىلعا ارنالعان جوسپارىنىڭ جوباسىن ازىرلەدى. ادىلەت ءمينيسترىنىڭ ايتۋىنشا, جوسپار جوباسى بەكىتىلگەن تارتىپتە مەملەكەت باسشىسىمەن كەلىسىلدى.
«جوسپاردىڭ تۇپكىلىكتى جوباسى 18 زاڭ جوباسىن ازىرلەۋدى جانە پارلامەنتكە ەنگىزۋدى كوزدەيدى. ولاردىڭ 5-ءۋى دەربەس زاڭ جوباسى جانە 13-ءى قولدانىستاعى زاڭدارعا وزگەرىستەر مەن تولىقتىرۋلاردى ەنگىزۋدى قاراستىرادى», — دەپ اتاپ ءوتتى مارات بەكەتاەۆ.
ۇكىمەت وتىرىسىندا ماسەلەنى قاراۋ قورىتىندىسى بويىنشا زاڭ جوبالاۋ جۇمىستارىنىڭ 2018 جىلعا ارنالعان جوسپارى ءبىراۋىزدان بەكىتىلدى.
