سوڭعى ۋاقىتتا قالا تۇرعىندارى تاراپىنان كوپقاباتتى تۇرعىن ۇيلەردىڭ اۋلاسى مەن پودەزدەرىندە گاز ءيىسىنىڭ تاراپ كەتۋى نەمەسە گاز جەلىلەرىنىڭ ىستەن شىعۋىنا قاتىستى كوپ تۇسەدى. سونداي-اق اپاتتىق-ديسپەچەرلىك قىزمەت جوق.
بۇگىنگى تاڭدا گازدىڭ تاراۋ سالدارىن جويۋ جانە جوندەۋ جۇمىستارى ۇسىنىلعان سمەتا بويىنشا جينالعان ماقساتتى قارجى ەسەبىنەن جۇزەگە اسىرالادى. قاجەتتى قارجىنىڭ ۋاقىتىلى جينالماۋىنا بايلانىستى جوندەۋ جۇمىستارى سوقىزىپ كەتەدى.
وسىعان وراي ەلوردالىق تۇرعىن ءۇي ينسپەكتسيا باسقارماسى قالادا ۇيىشىلىك گاز قىزمەتىن قۇرۋدى ۇسىنىپ وتىر.
«اتالعان پروبلەمانى شەشۋ ءۇشىن ماتەريالدى-تەحنيكالىق بازا مەن پودەزدەردەگى گاز ءيىسىن جانە ونىڭ تارالۋ سەبەبىن جويۋمەن اينالىساتىن وقىتىلعان شتاتتىق ماماندارى بار ۇيىشىلىك گاز قىزمەتىن قۇرۋ ۇسىنىلادى. اتالعان قىزمەت ءتۇرى تۇتىنۋشىلاردان قوسىمشا تولەم جيناۋ جولىنا نەگىزدەلەدى», - دەدى قالالىق اكىمدىكتە وتكەن اپپارات جينالىسىندا استانا قالاسىنىڭ تۇرعىن ءۇي ينسپەكتسياسى باسقارماسى باسشىسىنىڭ مىندەتىن اتقارۋشى ازامات ءامىرجانوۆ.
الدىن الا ەسەپ بويىنشا, تولەم كولەمى ءار پاتەردەن جىلىنا 792 تەڭگەنى قۇرايتىن بولادى.
