«بيلىك تارماقتارىن ءبولۋ ىسىندە ايتارلىقتاي ىلگەرى جىلجىدىق دەپ ەسەپتەيمىن. زاڭ بويىنشا پرەزيدەنتكە قاراستى 35 وكىلەتتىك پارلامەنت پەن ۇكىمەتكە بەرىلدى. وسىندايدا پرەزيدەنتتىڭ بولعانى جاقسى بۇكىل ءىستى موينىنا ارتا سالۋعا بولادى. ەگەر بىرنارسە بولماي قالسا, ۇسىنىس جاساۋدىڭ ورنىنا رۇقسات سۇراپ, «پرەزيدەنت ايتتى» دەي سالۋعا بولادى», دەدى ەلباسى.
«سوۆەت ۇكىمەتى كەزىندە ماسكەۋ ءبىزدىڭ «قورعانىشىمىز» بولاتىن. ول كەزدە دە بىرنارسە جەتپەي جاتسا, بارىپ, سۇراپ, كەلىسۋگە بولادى. سوندىقتان ۇكىمەتكە ناقتى ىستەرگە بايلانىستى وكىلەتتىك پەن جاۋاپكەرشىلىكتى كوبىرەك بەرۋ كەرەك. پارلامەنتتىڭ قۇقىعىن ارتتىرۋىمىز قاجەت», دەدى ەلباسى.
مەملەكەت باسشىسى كۇمان ىلعي دا بولاتىنىن, بىراق وسىنىڭ ارقاسىندا ماسەلەنىڭ شەشىمىن تابۋعا بولاتىنىن ايتتى.
ء«بىزدىڭ زاڭدارىمىز, سونىڭ ىشىندە نەگىزگىلەرى تۇراقتى بولىپ قالا بەرمەيدى. ۋاقىت وتە كەلە, زاماننىڭ اعىمىنا بايلانىستى ول وزگەرىپ وتىرۋى ءتيىس. مۇنداي وزگەرىس وسىعان دەيىن دە بولعان. سەبەبى, ۋاقىت سونى تالاپ ەتەدى. العا قاراي جىلجۋىمىز, دامۋىمىز كەرەك. حالقىمىزعا قاجەت تۇسىن انىقتاپ, سول باعىتپەن كەلەمىز. ەڭ باستىسى قازاقستان حالقىنىڭ كوڭىلىنەن شىقسا بولعانى», دەدى نۇرسۇلتان نازارباەۆ.
ايتا كەتەيىك, وسى جىلدىڭ ناۋرىز ايىندا مەملەكەت باسشىسى «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ» تۋرالى زاڭعا قول قويعان بولاتىن. كونستيتۋتسيانىڭ 19 بابىنا 26 تۇزەتۋلەر قاراستىرىلعان.
