«قازىر الەمدە نە بولىپ جاتقانىن كورىپ وتىرسىزدار. بۇل تۋرالى مولدالارمەن كەزدەسكەندە دە ايتقانمىن. جاقىندا جاڭادان ءمۇفتي سايلاندى. ءبىز قازاقستاندىقتار – زيالى ەلمىز. ءدىننىڭ ماسەلەسى مەملەكەتتەن بولەك تۇرادى. دەگەنمەن ونى باسقارماي, قاداعالاماي بولمايدى. سوندىقتان ارنايى مينيسترلىك قۇرىلدى», دەدى ەلباسى.
مەملەكەت باسشىسى ءدىندى جەلەۋ ەتىپ ەلگە ب ۇلىك سالعىسى كەلگەندەردى قاتاڭ قاداعالاۋ كەرەك ەكەنىن ايتىپ, ءدىننىڭ جۇمىسى مەملەكەتتىڭ قولىندا بولۋى كەرەك ەكەنىن اتاپ ءوتتى.
«قارا كيىم كيىپ, تۇمشالانعان قازاق تاريحىندا ەشۋاقىتتا بولعان جوق. ايەلدەردىڭ بەتىن جاۋىپ, ولاردى ەكىنشى سورتتى ادامدار دەگەن ەل ەمەسپىز. ونى دا قاراۋىمىز كەرەك. ساقالدارى بەلىنە ءتۇسىپ, شورتپەنەن جۇرگەن ول دا بىزگە جارامايدى. دىندە اتا-بابامىزدان قالعان ءوزىمىزدىڭ جولىمىز بار. سول جولمەنەن ءجۇرۋىمىز كەرەك. بارلىق مەملەكەتتەردە ءدىننىڭ جۇمىسى مەملەكەتتىڭ قولىندا. ناعىز مۇسىلمانبىز دەگەن اراب ەلدەرىنىڭ بارلىعىندا سولاي. سوندىقتان ءبىز دە قاداعالاپ وتىرۋىمىز كەرەك. قاي دىنگە بارامىن دەسە ەشكىمگە شەكتەلۋ جوق. دەگەنمەن ەلگە ب ۇلىك سالماۋى كەرەك. باسقا اعىمعا ءدىندى بۇرىپ اكەتىپ تەرروريستتەر ىشىمىزدەن شىقپاۋى كەرەك», دەدى ن.نازارباەۆ.
