«وزبەكستان – حالقى جاعىنان دا, ەكونوميكاسى جاعىنان دا ورتالىق ازياداعى ۇلكەن مەملەكەت. بۇل ەلمەن بايلانىس قازاقستان ءۇشىن وتە ءتيىمدى, قاجەت. قازىر قارىم-قاتىناسىمىز تۇزەلىپ كەلە جاتىر. ءبىر جىلدىڭ ىشىندە ساۋدا-ساتتىق ەكى ەسەگە – ءبىر ملرد-تان 2 ملرد-قا وسەتىن بولدى. ءبىز وزبەكستاننىڭ جاڭا پرازيدەنتى ميرزيوەۆ مىرزامەنەن 5 ملرد-قا جەتكىزەمىز دەپ كەلىستىك. قازىر قوستانايدا بىرىككەن ەلەكتر دۆيگاتەلمەن قوزعالاتىن اۆتوموبيل شىعارىپ جاتىرمىز. تاشكەنتكە پويىز, اۆتوبۋس جۇرەتىن بولدى. ۇشاقتار ۇشا باستادى. اينالىپ وتەتىن جولداردىڭ بارلىعى اشىلدى. ەكى اراداعى ساۋدا-ساتتىق, حالىقتىڭ بايلانىسى قاۋلاپ, وزگەرىپ كەلە جاتىر. ءبىز قولدايمىز», دەدى پرەزيدەنت.
مەملەكەت باسشىسى ەكى ەل اراسىنداعى ەجەلدەن كەلە جاتقان مادەني قارىم-قاتىناستىڭ دا دامي ءتۇسۋى ءۇشىن كەلەسى جىلى قازاقستاندا وزبەكستاننىڭ كۇندەرى وتەتىنىن دە اتاپ ءوتتى.
«بۇرىنعى بار قارىم-قاتىناستىڭ زيالى قاۋىمنىڭ, جاستاردىڭ اراسىندا بولۋى ءۇشىن كەلەسى جىلى وزبەكستاننىڭ كۇندەرى وتەدى. ودان ارعى جىلى وزبەكستانداعى قازاقستاننىڭ كۇندەرى بولادى. بۇل كورشى مەملەكەتتەردىڭ اراسىنداعى دۇرىس, ءتيىمدى, كەرەك قارىم-قاتىناس دەپ ساناۋ كەرەك», دەدى نۇرسۇلتان نازارباەۆ.
