2011 جىلعى 9 قىركۇيەك, استانا قالاسى
قازاقستان رەسپۋبليكاسى قورعانىس مينيسترلىگىنىڭ شوقان ءۋاليحانوۆ اتىنداعى كادەت كورپۋسىنا قابىلداۋ قاعيداسىن بەكىتۋ تۋرالى
«ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنىڭ 26-بابىنا جانە «قازاقستان رەسپۋبليكاسى قورعانىس مينيسترلىگىنىڭ كادەت كورپۋسىن قۇرۋ تۋرالى» قازاقستان رەسپۋبليكاسى پرەزيدەنتىنىڭ 1996 جىلعى 1 شىلدەدەگى № 3049 جارلىعىنا سايكەس بۇيىرامىن:
1. قوسا بەرىلىپ وتىرعان «قازاقستان رەسپۋبليكاسى قورعانىس مينيسترلىگىنىڭ شوقان ءۋاليحانوۆ اتىنداعى كادەت كورپۋسى» رەسپۋبليكالىق مەملەكەتتىك مەكەمەسىنە قابىلداۋ قاعيداسى بەكىتىلسىن.
2. قازاقستان رەسپۋبليكاسى قورعانىس مينيسترلىگى اسكەري ءبىلىم جانە عىلىم دەپارتامەنتىنىڭ باستىعى:
1) زاڭنامادا بەلگىلەنگەن تارتىپپەن وسى بۇيرىقتى مەملەكەتتىك تىركەۋ ءۇشىن ادىلەت ورگاندارىنا جولداسىن;
2) مەملەكەتتىك تىركەۋدەن وتكىزگەننەن كەيىن بۇيرىقتى رەسمي جاريالاۋ ءۇشىن بۇقارالىق اقپارات قۇرالدارىنا جولداسىن.
3. بۇيرىق العاش رەسمي جاريالانعان كۇننەن باستاپ ون كۇنتىزبەلىك كۇننەن كەيىن كۇشىنە ەنەدى.
4. بۇيرىقتىڭ ورىندالۋىن باقىلاۋ قازاقستان رەسپۋبليكاسى قورعانىس ءمينيسترىنىڭ ورىنباسارى ءا.ق.قۇرمانعاليەۆقا جۇكتەلسىن.
5. بۇيرىق لاۋازىمدى ادامدارعا, ولارعا قاتىستى بولىگىندە جەتكىزىلسىن.
ءا.جاقسىبەكوۆ.
قازاقستان رەسپۋبليكاسى قورعانىس ءمينيسترىنىڭ 2011 جىلعى 9 قىركۇيەكتەگى №367 بۇيرىعىمەن بەكىتىلگەن
قازاقستان رەسپۋبليكاسى قورعانىس مينيسترلىگىنىڭ شوقان ءۋاليحانوۆ اتىنداعى كادەت كورپۋسىنا قابىلداۋ قاعيداسى
1. جالپى ەرەجەلەر
1. وسى كادەت كورپۋسىنا قابىلداۋ قاعيداسى (بۇدان ءارى – قاعيدا) «ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنىڭ 26-بابىنا, «قازاقستان رەسپۋبليكاسى قورعانىس مينيسترلىگىنىڭ كادەت كورپۋسىن قۇرۋ تۋرالى» قازاقستان رەسپۋبليكاسى پرەزيدەنتىنىڭ 1996 جىلعى 1 شىلدەدەگى № 3049 جارلىعىنا جانە ءبىلىم جانە عىلىم ءمينيسترىنىڭ 2007 جىلعى 29 قاراشاداعى № 587 بۇيرىعىمەن بەكىتىلگەن تەحنيكالىق جانە كاسىپتىك ءبىلىمنىڭ كاسىپتىك وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا قابىلداۋدىڭ ۇلگى ەرەجەسىنە (نورماتيۆتىك قۇقىقتىق اكتىلەر تىزىلىمىندە № 5030 بولىپ تىركەلگەن) سايكەس ازىرلەندى. 2. قاعيدا «قازاقستان رەسپۋبليكاسى قورعانىس مينيسترلىگىنىڭ شوقان ءۋاليحانوۆ اتىنداعى كادەت كورپۋسى» رەسپۋبليكالىق مەملەكەتتىك مەكەمەسىنە (بۇدان ءارى – كادەت كورپۋسى) وقۋعا قابىلداۋ ءتارتىبىن ايقىندايدى. 3. كادەت كورپۋسىنا وقۋعا كانديداتتاردى قابىلداۋ «رەسپۋبليكالىق بيۋدجەتتەن قارجىلاندىرىلاتىن ءبىلىم بەرۋ ۇيىمدارىندا (قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ءبىلىم بەرۋ ۇيىمدارىندا ماماندار دايارلاۋدى قوسپاعاندا) جوعارى جانە جوعارى وقۋ ورنىنان كەيىنگى ءبىلىمى بار, سونداي-اق تەحنيكالىق جانە كاسىپتىك ءبىلىمى بار ماماندار دايارلاۋعا مەملەكەتتىك ءبىلىم بەرۋ تاپسىرىسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ جىل سايىنعى قاۋلىسىنا سايكەس جۇزەگە اسىرىلادى. 4. كادەت كورپۋسى 1122000 «اسكەري باسقارۋ» ماماندىعى بويىنشا قابىلداۋدى جۇرگىزەدى. 5. كادەت كورپۋسىنا: 1) كاسىبي ىرىكتەۋدىڭ بارلىق تالاپتارىنا جاۋاپ بەرەتىن وقۋعا قابىلداناتىن كۇنى ون جەتى جاسقا تولعان, بىراق جيىرما ءبىر جاستان ۇلكەن ەمەس ورتا ءبىلىمى (جالپى ورتا ءبىلىمى, تەحنيكالىق جانە كاسىپتىك ءبىلىمى), ورتا بىلىمنەن كەيىنگى ءبىلىمى بار قازاقستان رەسپۋبليكاسىنىڭ ازاماتتارى قاتارىنان ادامدار, گەنەرال س.ق. نۇرماعامبەتوۆ اتىنداعى «جاس ۇلان» رەسپۋبليكالىق مەكتەبىنىڭ جانە رەسپۋبليكالىق اسكەري مەكتەپ-ينتەرناتتارىنىڭ بىتىرۋشىلەرى; 2) كاسىبي ىرىكتەۋدىڭ بارلىق تالاپتارىنا جاۋاپ بەرەتىن جيىرما ءتورت جاستان ۇلكەن ەمەس جاستاعى ءوزىنىڭ اسكەري ماماندىعى مەن قىزمەت مەرزىمىنەن تىس اسكەري قىزمەتشىلەر, مەرزىمدى قىزمەت اسكەري قىزمەتشىلەرىنىڭ زاپاسقا بوساتىلعاندارى قاتارىنان اسكەري مىندەتتىلەر قابىلدانادى. 6. ازاماتتاردى جانە اسكەري قىزمەتشىلەردى قابىلداۋ ولاردىڭ وتىنىشتەرى (باياناتتارى) بويىنشا كونكۋرس نەگىزىندە ءۇش كەزەڭدە جۇزەگە اسىرىلادى: ءبىرىنشى كەزەڭدە – اسكەر تەكتەرىنىڭ قولباسشىلارى, وڭىرلىك قولباسشىلىقتار اسكەرلەرىنىڭ قولباسشىلارى, جەرگىلىكتى اسكەري باسقارۋ ورگاندارىنىڭ باستىقتارى (كانديداتتىڭ ەسەپكە تىركەلگەن جەرى بويىنشا) وقۋعا كانديداتتاردى الدىن الا ىرىكتەۋدى ۇيىمداستىرادى جانە جۇرگىزەدى, وعان بارلىق نيەت بىلدىرۋشىلەر قاتىسادى; ەكىنشى كەزەڭدە – كادەت كورپۋسىنىڭ قابىلداۋ كوميسسياسى كەلگەن تالاپكەرلەرگە ىرىكتەۋ جۇرگىزەدى, وعان 1-كەزەڭنەن وتكەن تالاپكەرلەر قاتىسادى; ءۇشىنشى كەزەڭدە – كادەت كورپۋسىنىڭ قابىلداۋ كوميسسياسى وقيتىندار سانىنا تالاپكەرلەردى قابىلدايدى. 7. كادەت كورپۋسىنا وقۋعا تۇسۋگە نيەت بىلدىرگەن اسكەري قىزمەتشىلەر وقۋعا تۇسەتىن جىلدىڭ 1 ناۋرىزىنا دەيىن اسكەري ءبولىم (مەكەمە) كومانديرىنىڭ (باستىعىنىڭ) اتىنا بايانات بەرەدى. باياناتتا اسكەري اتاعى, تەگى, اتى, اكەسىنىڭ اتى (بار بولعان جاعدايدا), اتقاراتىن لاۋازىمى, تۋعان جىلى جانە ايى, ءبىلىمى كورسەتىلەدى. 8. كوماندير (باستىق) اسكەري قىزمەتشىنىڭ باياناتىن العاننان كەيىن ونى وقۋعا جارامدىلىعىن ايقىنداۋ ءۇشىن مەديتسينالىق كۋالاندىرۋدان وتۋگە اسكەري-دارىگەرلىك كوميسسياعا جىبەرەدى, سونداي-اق وعان قاتىستى ارنايى تەكسەرۋدى وتكىزۋگە ماتەريالداردى رەسىمدەيدى. 9. اسكەري قىزمەتشى مەديتسينالىق كورسەتكىشتەر بويىنشا كادەت كورپۋسىنا تۇسۋگە جارامدى دەپ تانىلعان جاعدايدا كومانديرلەر (باستىقتار) اسكەري قىزمەتشىگە كادەت كورپۋسىنا ءتۇسۋ كەزىندە مىناداي قۇجاتتاردى جيناۋ ءۇشىن وقۋعا تۇسەتىن جىلدىڭ 1 مامىرىنا دەيىن ۋاقىت بەرەدى: 1) قازاقستان رەسپۋبليكاسى ازاماتىنىڭ جەكە كۋالىك كوشىرمەسى; 2) اسكەري بيلەت كوشىرمەسى; 3) ءبىلىمى تۋرالى قۇجاتتىڭ (اتتەستاتتىڭ, كۋالىكتىڭ, ديپلومنىڭ) كوشىرمەسى; 4) تولىق ءومىربايان; 5) كادەت كورپۋسىنا وقۋعا ۇسىنىمى بار قىزمەت ورنىنان قىزمەتتىك مىنەزدەمە (اسكەري ءبولىم قولباسشىلىعى قول قويعان جانە ەلتاڭبالى مورمەن راستالعان); 6) قازاقستان رەسپۋبليكاسى پرەزيدەنتىنىڭ 2007 جىلعى 5 شىلدەدەگى № 364 جارلىعىمەن بەكىتىلگەن قازاقستان رەسپۋبليكاسى قارۋلى كۇشتەرى, باسقا دا اسكەرلەرى مەن اسكەري قۇرالىمدارى تارتىپتىك جارعىسىنىڭ 1-قوسىمشاسىنا سايكەس قىزمەتتىك كارتوچكا ء(بولىم كومانديرى قول قويعان جانە ەلتاڭبالى مورمەن راستالعان); 7) فوتوسۋرەتتەر (باس كيىمسىز 4ح6 – 6 دانا); 8) باسىمدىق قۇقىعىن بەرەتىن قۇجاتتار. 10. اسكەري ءبولىمنىڭ جانە مەكەمەنىڭ كومانديرى (باستىعى) اسكەري قىزمەتشىنىڭ باياناتىن جوعارى تۇرعان قولباسشىلىقپەن كەلىسەدى جانە قابىلداۋ كوميسسياسى قاراۋ ءۇشىن كادەت كورپۋسىنا قۇجاتتارمەن باياناتتى جولدايدى. 11. اسكەري قىزمەتتە تۇرماعان قازاقستان رەسپۋبليكاسىنىڭ ازاماتتارى قاتارىنان ادامدار وقۋعا تۇسەتىن جىلدىڭ 1 ساۋىرىنە دەيىن ەسەپكە تىركەلگەن جەرى بويىنشا جەرگىلىكتى اسكەري باسقارۋ ورگاندارىنا ءوتىنىش بەرەدى. وتىنىشتە تەگى, اتى جانە اكەسىنىڭ اتى (بار بولعان جاعدايدا), تۋعان كۇنى, ايى جانە جىلى, تۇرعىلىقتى جەرىنىڭ مەكەن-جايى كورسەتىلەدى. وتىنىشكە مىنالار قوسا بەرىلەدى: 1) جەكە كۋالىگىنىڭ كوشىرمەسى; 2) ءبىلىمى تۋرالى قۇجاتتىڭ (اتتەستاتتىڭ) كوشىرمەسى; 3) ءومىربايان; 4) جۇمىس نەمەسە وقۋ ورنىنان مىنەزدەمە; 5) وتباسى قۇرامى تۋرالى اتا-اناسىنىڭ (ولاردىڭ ورنىنداعى ادامداردىڭ) تۇرعىلىقتى جەرىنەن انىقتاما; 6) اتا-اناسىنىڭ (ولاردىڭ ورنىنداعى ادامداردىڭ) جۇمىس ورنىنان انىقتاما; 7) پوليتسياعا ەرىكسىز كەلتىرۋدىڭ بار-جوعى تۋرالى تۇرعىلىقتى جەرى بويىنشا ۋچاسكەلىك ينسپەكتوردىڭ انىقتاماسى; 8) 4ح6 فوتوسۋرەتتەر – 6 دانا (باس كيىمسىز); 9) باسىم قۇقىق بەرەتىن قۇجاتتار; 10) تىركەۋ كۋالىگى. اتا-اناسىنىڭ قامقورلىعىنسىز قالعان ون سەگىز جاسقا تولماعان ازاماتتار قوسىمشا مىناداي قۇجاتتاردى ۇسىنادى: 1) اتا-اناسىنىڭ قايتىس بولعانى تۋرالى كۋالىكتىڭ كوشىرمەسى; 2) قامقورلىقتى بەلگىلەۋ تۋرالى كۋالىكتىڭ نەمەسە سوت نەمەسە قامقورلىق ورگاندارى شەشىمىنىڭ كوشىرمەسى. 12. جەرگىلىكتى اسكەري باسقارۋ ورگاندارى كورسەتىلگەن قۇجاتتاردى زەردەلەيدى جانە اسكەري قىزمەتتە تۇرماعان ازاماتتاردى مەديتسينالىق كۋالاندىرۋدان وتكىزەدى. 13. قوسا بەرىلگەن قۇجاتتارمەن بىرگە ازاماتتاردىڭ وتىنىشتەرىن جەرگىلىكتى اسكەري باسقارۋ ورگاندارى قابىلداۋ كوميسسياسىنا قاراۋ ءۇشىن وقۋعا تۇسەتىن جىلدىڭ 1 ماۋسىمىندا كادەت كورپۋسىنا جولدايدى. 14. كانديداتتاردىڭ جەكە ىستەرى نومىرلەنەدى, تىگىلەدى جانە اسكەري ءبولىمى كومانديرىنىڭ نە جەرگىلىكتى اسكەري باسقارۋ ورگانى باستىعىنىڭ بەدەرلى مورىمەن بەكىتىلەدى جانە كادەت كورپۋسىنا جولدانادى. كانديداتتىڭ جەكە ىسىندەگى قۇجاتتار قاتاڭ وسى قاعيدانىڭ 9, 11-تارماقتارىندا كورسەتىلگەن تىزبە بويىنشا ورنالاستىرىلادى. اتالعان قۇجاتتارعا قوسىمشا ەسەپكە تىركەلگەن جەرى بويىنشا جەرگىلىكتى اسكەري باسقارۋ ورگانى پسيحولوگىنىڭ قورىتىندىسى بار پسيحولوگيالىق تەستىلەۋ ناتيجەلەرى قوسا بەرىلەدى. ۇسىنىلعان قۇجاتتاردىڭ كوشىرمەلەرى ەركىن وقىلۋعا ءتيىس.2. كادەت كورپۋسىنا قابىلداۋ ءتارتىبى
15. وقۋعا كانديداتتاردى ىرىكتەۋدى جۇزەگە اسىرۋ ءۇشىن كانديداتتاردىڭ جەكە ىستەرىن زەردەلەۋ جونىندە, جەكە پسيحولوگيالىق قاسيەتتەردى زەردەلەۋ جونىندە, كەشەندى تەستىلەۋدى وتكىزۋ جونىندە, كانديداتتاردىڭ دەنە ءبىتىمى دايىندىعىنىڭ دەڭگەيىن تەكسەرۋ جونىندە قابىلداۋ كوميسسياسىن, جيىندار اكىمشىلىگىن جانە اپەللياتسيالىق كوميسسيا قۇرۋ تۋرالى كادەت كورپۋسى باستىعىنىڭ بۇيرىعى شىعارىلادى. بۇيرىق 1 شىلدەگە دەيىن شىعارىلادى جانە لاۋازىمدى ادامدارعا, ولارعا قاتىستى بولىگىندە جەتكىزىلەدى. كوميسسيا تالاپكەرلەردى ىرىكتەۋدى وقۋعا تۇسەتىن جىلدىڭ 20 شىلدەسى مەن 5 تامىزى كەزەڭىندە مىناداي كورسەتكىشتەر بويىنشا جۇرگىزەدى: مەديتسينالىق كۋالاندىرۋ, جەكە پسيحولوگيالىق قاسيەتتەرىن باعالاۋ, دەنە ءبىتىمىنىڭ دايىندىعىن تەكسەرۋ, جالپى ءبىلىم بەرۋ پاندەرى بويىنشا بىلىمدەرىن تەكسەرۋ. قابىلداۋ كوميسسياسىنىڭ توراعاسى كادەت كورپۋسىنىڭ باستىعى بولىپ تابىلادى. 16. جەكە ىستەردى زەردەلەۋ جونىندەگى كوميسسيا كانديداتتاردىڭ كەلىپ تۇسكەن جەكە ىستەرىنىڭ دۇرىس جيناقتالۋىنا باعالاۋ جۇرگىزەدى جانە ەگەر ولار بەلگىلەنگەن تالاپتارعا جاۋاپ بەرسە, ولاردى كونكۋرستىق كاسىبي ىرىكتەۋگە قاتىسۋ ءۇشىن شاقىرتۋ تۋرالى شەشىم قابىلدايدى. شەشىم حاتتامامەن رەسىمدەلەدى. 17. مەديتسينالىق كوميسسيا قازاقستان رەسپۋبليكاسى قارۋلى كۇشتەرى باس اسكەري-مەديتسينالىق باسقارماسى باستىعىنىڭ بۇيرىعى نەگىزىندە قۇرىلادى. مەديتسينالىق كوميسسيا كادەت كورپۋسىندا وقۋعا دەنساۋلىق جاعدايى بويىنشا جارامدىلىعىن ايقىنداۋ ماقساتىندا تالاپكەرلەرگە تۇپكىلىكتى مەديتسينالىق كۋالاندىرۋدى وتكىزەدى. تالاپكەرلەردى مەديتسينالىق كۋالاندىرۋ قازاقستان رەسپۋبليكاسى قورعانىس ءمينيسترىنىڭ 2009 جىلعى 28 جەلتوقسانداعى № 498 بۇيرىعىمەن بەكىتىلگەن قازاقستان رەسپۋبليكاسىنىڭ قارۋلى كۇشتەرىندە, باسقا دا اسكەرلەرى مەن اسكەري قۇرالىمدارىندا قىزمەت وتكەرۋ ءۇشىن ادامداردىڭ دەنساۋلىق جاعدايىنىڭ سايكەس كەلۋىنە قويىلاتىن تالاپتارعا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6033 بولىپ تىركەلگەن) سايكەس جۇرگىزىلەدى. مەديتسينالىق كۋالاندىرۋدان وتپەگەن تالاپكەرلەر ودان ءارى كونكۋرسقا قاتىسۋعا جىبەرىلمەيدى. 18. جەكە پسيحولوگيالىق قاسيەتتەردى زەردەلەۋ جونىندەگى كوميسسيا كادەت كورپۋسىنىڭ پسيحولوگتارىن تارتا وتىرىپ, پسيحولوگيالىق قىزمەت باستىعىنىڭ توراعالىق ەتۋىمەن پسيحولوگيالىق كورسەتكىشتەر بويىنشا تالاپكەرلەردى ىرىكتەۋدى جۇزەگە اسىرۋ ءۇشىن قۇرىلادى. تالاپكەرلەردىڭ جەكە پسيحولوگيالىق قاسيەتتەرىن باعالاۋ كادەت كورپۋسىن ءوز ادامگەرشىلىك قاسيەتتەرى, پسيحولوگيالىق دەرەكتەرى جانە پسيحوفيزيولوگيالىق ەرەكشەلىكتەرى بويىنشا وقۋ جانە اسكەري-كاسىپتىك قىزمەتتىڭ تالاپتارىنا سايكەس كەلەتىن كادەتتەرمەن جاساقتاۋعا باعىتتالعان. پسيحولوگيالىق تەستىلەۋدەن وتپەگەن (تەستىلەۋ ناتيجەلەرى بويىنشا كونكۋرستىق توپتا بارىنشا از بالل العان) تالاپكەرلەر باقىلاۋ جۇمىستارىنىڭ كونكۋرسىنا قاتىسۋعا جىبەرىلمەيدى. 19. كەشەندى تەستىلەۋدى وتكىزۋ جونىندەگى كوميسسيا كانديداتتاردىڭ ورتا ءبىلىم باعدارلاماسى كولەمىندەگى بازالىق ءبىلىم دەڭگەيىن ايقىنداۋ ماقساتىندا قۇرىلادى. ۇلتتىق بىرىڭعاي تەستىلەۋ سەرتيفيكاتتارى بولماعان جاعدايدا وقۋعا تۇسەتىندەر ورتا ءبىلىم باعدارلاماسى كولەمىندە ماتەماتيكا, قازاقستان تاريحى جانە قازاق نەمەسە ورىس ءتىلى بويىنشا كەشەندى تەستىلەر تاپسىرادى. كەشەندى تەستىلەر قازاقستان رەسپۋبليكاسى ءبىلىم جانە عىلىم مينيسترلىگىنىڭ ۇلتتىق تەستىلەۋ ورتالىعى ازىرلەگەن تەحنولوگيالار بويىنشا وتكىزىلەدى. كەشەندى تەستىلەۋ مەملەكەتتىك نەمەسە ورىس تىلدەرىندە وتكىزىلەدى.. 20. تەستىلەۋدى وتكىزۋ ۋاقىتىندا كانديداتتارعا: 1) رۇقساتسىز جانە ىلەسىپ ءجۇرۋسىز ءدارىسحانادان شىعۋعا; 2) ورنىن اۋىستىرۋعا; 3) كەزەكشىنىڭ كومانداسىنسىز تەست ماتەريالدارىن اشۋعا; 4) تەست جۇمىستارىنىڭ ماتەريالدارىن اۋىستىرۋعا, كوشىرۋگە; 5) تەستىلەردىڭ مازمۇنى جانە ولارعا دۇرىس جاۋاپتارىنىڭ كودتارىن اشاتىن مالىمەتتەردى پايدالانۋعا; 6) ەلەكتروندى جازبا كىتاپشالارىن, كالكۋلياتوردى, ۇتقىر قۇرالداردى (پەيدجەرلەر, ۇيالى تەلەفوندار جانە ت.ب.), كومەك قاعازدارىن جانە انىقتاما ماتەريالدارىن پايدالانۋعا تىيىم سالىنادى. 21. تەست ماتەريالدارى بار پاكەت ءدارىسحانادا كوميسسيا توراعاسىنان قابىلدانادى جانە تۇتاستىعى تەكسەرىلگەننەن كەيىن اشىلادى. 22. تەستىلەۋ وتكىزىلىپ جاتقان دارىسحاناعا كىرۋگە تەك كەشەندى تەستىلەۋدى قابىلداۋ جونىندەگى كوميسسيا توراعاسىنا جانە مۇشەلەرىنە رۇقسات ەتىلەدى. تەستىلەۋدى وتكىزۋ ۋاقىتىنداعى ءدارىسحانا بويىنشا كەزەكشى كوميسسيا قۇرامىنان تاعايىندالادى. 23. ۇيىمداستىرۋ ءبولىمى اياقتالعاننان كەيىن تەست جۇمىستارىن ورىنداۋ ۋاقىتى ەسەپتەلە باستايدى. تەست جۇمىسىن ورىنداۋدى باستاۋ جانە اياقتاۋ ۋاقىتىن كەزەكشى تاقتاعا جازادى جانە تالاپكەرلەرگە جاريالايدى. كەزەكشى دارىسحاناداعى ءتارتىپتى قاداعالايدى. وسى قاعيدانىڭ 20-تارماعى بۇزىلعان جاعدايدا كەزەكشى تالاپكەردى ءدارىسحانادان شىعارادى. تالاپكەردى ءدارىسحانادان شىعارعان كەزدە ەركىن ۇلگىدە اكت جاسالادى. 24. تاپسىرمالاردى بەلگىلەنگەن ۋاقىتتان بۇرىن ورىنداعان تالاپكەرلەر جۇمىسىن تاپسىرادى جانە ءدارىسحانادان شىعادى. تەست جۇمىسىن ورىنداۋعا بولىنگەن ۋاقىت اياقتالعاننان كەيىن كەزەكشى ول تۋرالى جاريالايدى, ودان كەيىن تەست جۇمىسىن ورىنداۋ ۆەدوموسىنا بەلگى جاساي وتىرىپ, جاۋاپتارى بار پاراقتاردى قابىلدايدى. 25. قۇجاتتارمەن راستالعان دەنساۋلىق جاعدايى نەمەسە باسقا دا سەبەپتەر بويىنشا تەست جۇمىسىن ورىنداۋعا مۇمكىندىگىنىڭ بولماۋى تۋرالى تالاپكەر ونى ورىنداۋ باستالعانعا دەيىن كوميسسياعا حابارلايدى. 26. كەستەمەن بەلگىلەنگەن ۋاقىتتا تەست جۇمىسىن ورىنداۋ ءۇشىن دالەلدى سەبەپتەرسىز كەلمەگەن تالاپكەرلەر ودان ءارى سىناقتاردى تاپسىرۋعا جىبەرىلمەيدى. 27. كەشەندى تەستىلەۋ ناتيجەلەرى ونى وتكىزگەن كۇنى جاريالانادى جانە اقپارات بەرۋ ءۇشىن باقىلاۋ-وتكىزۋ پۋنكتىندە ىلىنەدى. 28. دەنە ءبىتىمىنىڭ دايىندىعى مىناداي جاتتىعۋلار بويىنشا تەكسەرىلەدى: بيىك بەلاعاشتا ءىلىنىپ تۇرىپ تارتىلۋ; 100 مەترگە جۇگىرۋ; 3000 مەترگە جۇگىرۋ. 29. بارلىق كوميسسيالاردىڭ شەشىمدەرى حاتتامامەن رەسىمدەلەدى. 30. جيىندار اكىمشىلىگى كونكۋرستىق ىرىكتەۋ ۋاقىتىندا كانديداتتاردىڭ جەكە قۇرامى اراسىندا كۇندەلىكتى ءومىردى باقىلاۋدى جۇزەگە اسىرۋ جانە ىشكى ءتارتىپتى ساقتاۋ ماقساتىندا قۇرىلادى جانە كادەت كورپۋسى اسكەري قىزمەتشىلەرىنىڭ قاتارىنان تاعايىندالادى. 31. باقىلاۋ تاپسىرمالارىن باعالاۋ كەزىندە بىرىڭعاي تالاپتاردى ساقتاۋدى قامتاماسىز ەتۋ جانە داۋلى ماسەلەلەردى شەشۋ ماقساتىندا جانە تالاپكەرلەردىڭ قۇقىقتارىن قورعاۋ ءۇشىن اپەللياتسيالىق كوميسسيا قۇرىلادى. 32. اپەللياتسيالىق كوميسسيا تالاپكەرلەردىڭ وتىنىشتەرىن قابىلدايدى جانە قارايدى, جيناعان بالداردىڭ سايكەس كەلۋىن تەكسەرەدى, بالداردى قوسۋ تۋرالى شەشىم قابىلدايدى جانە اپەللياتسياعا بەرگەن تالاپكەرگە اپەللياتسيا قورىتىندىلارى تۋرالى اقپارات بەرەدى. 33. ەگەر تالاپكەر نەمەسە ونىڭ اتا-اناسى (ولاردىڭ ورنىنداعى ادامدار) ىرىكتەۋ ناتيجەلەرىمەن كەلiسپەسە, وندا ولار ناتيجەلەر جاريالانعاننان كەيiن اپەللياتسيالىق كوميسسياعا جازباشا ءوتiنiشتi كەلەسi كۇنi ساعات 15.00-گە دەيiن بەرەدi جانە ونى اپەللياتسيالىق كوميسسيا بiر تاۋلiك iشiندە قارايدى. ءوتiنiشتi اپەللياتسيالىق كوميسسيا توراعاسىنىڭ اتىنا تالاپكەردىڭ ءوزi نەمەسە ونىڭ اتا-اناسى (زاڭدى وكىلى) بەرەدi. ءوتiنiش يەسiندە وزiمەن بiرگە قازاقستان رەسپۋبليكاسى ازاماتىنىڭ جەكە كۋالىگى بولۋعا تيiس. تالاپكەر اپەللياتسيانى قاراۋ كەزiندە قاتىسادى, سونىمەن قاتار تالاپكەرمەن بiرگە اتا-اناسىنىڭ نەمەسە زاڭدى وكiلدەرiنiڭ بiرەۋi قاتىسادى. 34. اپەللياتسيانى قاراۋ بارىسىندا تەك وقۋعا ءتۇسۋ ەمتيحاندارىن تاپسىرۋ ناتيجەلەرiن باعالاۋدىڭ دۇرىستىعى تەكسەرiلەدi. 35. اپەللياتسيالىق كوميسسيانىڭ جۇمىسىن اپەللياتسيالىق كوميسسيانىڭ توراعاسى, ال ول بولماعان كەزدە – اپەللياتسيالىق كوميسسيا توراعاسىنىڭ ورىنباسارى باسقارادى. 36. اپەللياتسيانى قاراعاننان كەيiن اپەللياتسيالىق كوميسسيانىڭ شەشiمi شىعارىلادى. اپەللياتسيالىق كوميسسيادا كەلiسپەۋشiلiكتەر تۋىنداعان كەزدە داۋىس بەرۋ جۇرگiزiلەدi جانە شەشiم كوپشiلiك داۋىس بەرۋمەن بەكiتiلەدi. داۋىستار تەڭ بولعان جاعدايدا كوميسسيا توراعاسىنىڭ داۋىسى شەشۋشi بولادى. اپەللياتسيالىق كوميسسيانىڭ جۇمىسى حاتتامامەن رەسiمدەلەدi, وعان بارلىق كوميسسيا مۇشەلەرi قول قويادى جانە كانديداتقا جەتكiزiلەدi (قول قويۋ ارقىلى). 37. كانديداتتاردى iرiكتەۋ جونiندەگi iس-شارالار باستالعانعا دەيiن كوميسسيالار قۇرامىنا تاعايىندالعان ادامدارمەن قابىلداۋ كوميسسياسىنىڭ توراعاسى نۇسقاۋ بەرۋ-ادiستەمەلiك كەڭەس وتكiزەدi. 38. قابىلداۋ كوميسسياسى قىزمەتىنىڭ مەرزىمدەرى جىل سايىن ءمينيستردىڭ ءبىرىنشى ورىنباسارى – قازاقستان رەسپۋبليكاسى قورعانىس مينيسترلىگى شتابتار باستىقتارى كوميتەتى توراعاسىنىڭ بۇيرىعىمەن, ولاردىڭ قۇرامدارى كادەت كورپۋسى باستىعىنىڭ بۇيرىعىمەن ايقىندالادى. 39. كانديداتتارعا كادەت كورپۋسىنا كەلۋ ۋاقىتى جەرگىلىكتى اسكەري باسقارۋ ورگاندارى جانە اسكەري بولىمدەر مەن مەكەمەلەردىڭ كومانديرلەرى (باستىقتارى) ارقىلى حابارلانادى. كانديداتتاردى جونەلتۋدى اسكەري بولىمدەر مەن مەكەمەلەردىڭ كومانديرلەرى (باستىقتارى), جەرگىلىكتى اسكەري باسقارۋ ورگاندارىنىڭ باستىقتارى جۇزەگە اسىرادى. 40. كانديداتتار كادەت كورپۋسىنا اسكەري بولىمدەر (مەكەمەلەر), جەرگىلىكتى اسكەري باسقارۋ ورگاندارى وكىلدەرىنىڭ جەتەكشىلىگىمەن كەلەدى. 41. وقۋعا ءتۇسۋ كەزەڭىندە كانديداتتاردى تاماقتاندىرۋ جانە تۇرۋ كادەت كورپۋسى ەسەبىنەن جۇرگىزىلەدى. 42. مەديتسينالىق كۋالاندىرۋدان, جەكە پسيحولوگيالىق قاسيەتتەردى باعالاۋدان جانە دەنە ءبىتىمى دايىندىعى تەكسەرۋىنەن تابىستى وتكەن تالاپكەرلەر ۇلتتىق بىرىڭعاي تەستىلەۋ سەرتيفيكاتتارى بالدارىنىڭ, كەشەندى تەستىلەۋ تۇرىندە وتكىزىلگەن وقۋعا ءتۇسۋ ەمتيحاندارىنىڭ ناتيجەلەرى بويىنشا بەرىلگەن سەرتيفيكاتتار بالدارىنىڭ كونكۋرستىق نەگىزىندە قابىلداۋ كوميسسياسىنىڭ باسىم داۋىس بەرۋ شەشىمى بويىنشا كادەت كورپۋسىنا قابىلدانادى. ءۇش ءپان بويىنشا (ماتەماتيكا, قازاقستان تاريحى, قازاق نەمەسە ورىس ءتىلى) 30 بالدان كەم جيناعان تالاپكەرلەر كادەت كورپۋسىنا ءتۇسۋ ءۇشىن كونكۋرسقا قاتىسۋعا جىبەرىلمەيدى. 43. وقيتىندار قۇرامىنا قابىلداۋعا كونكۋرستى وتكىزۋ كەزىندە بىردەي كورسەتكىشتەر بولعان جاعدايدا باسىمدىق قۇقىعىنا (راستايتىن قۇجاتتار بار بولعان جاعدايدا) مىنالار يە بولادى: 1) “التىن بەلگى” بەلگىسىمەن ماراپاتتالعان ادامداردىڭ; 2) اۆتونومدى ءبىلىم بەرۋ ۇيىمدارىنىڭ ءبىلىمى تۋرالى قۇجاتتارى بار ادامدار; 3) ءبىلىم بەرۋ سالاسىنداعى ۋاكىلەتتى ورگان تىزبەسىن ايقىندايتىن جالپى ءبىلىم بەرەتىن پاندەر بويىنشا حالىقارالىق وليمپيادالار مەن عىلىمي جارىستاردىڭ ء(بىرىنشى, ەكىنشى جانە ءۇشىنشى دارەجەلى ديپلومدارمەن ماراپاتتالعان), ورىنداۋشىلاردىڭ رەسپۋبليكالىق جانە حالىقارالىق كونكۋرستارى مەن سپورتتىق جارىستاردىڭ ء(بىرىنشى, ەكىنشى جانە ءۇشىنشى دارەجەلى ديپلومدارمەن ماراپاتتالعان) سوڭعى ءۇش جىلداعى جەڭىمپازدارىنىڭ, سونداي-اق وزدەرى تاڭداعان ماماندىقتارى وليمپيادالاردىڭ, كونكۋرستىڭ نەمەسە سپورتتىق جارىستىڭ پانىنە سايكەس كەلگەن جاعدايدا, اعىمداعى جىلعى جالپى ءبىلىم بەرەتىن پاندەر بويىنشا رەسپۋبليكالىق وليمپيادالار مەن عىلىمي جارىستاردىڭ ء(بىرىنشى, ەكىنشى جانە ءۇشىنشى دارەجەلى ديپلومدارمەن ماراپاتتالعان) جەڭىمپازدارىنىڭ; 4) كەلىسىمشارت بويىنشا اسكەري قىزمەت وتكەرەتىن اسكەري قىزمەتشىلەر جانە اسكەري دايىندىق بويىنشا قوسىمشا باعدارلامالارى بار ءبىلىم بەرۋ ۇيىمدارىنىڭ تاربيەلەنۋشىلەرى. 44. ءبىلىم بەرۋ گرانتتارىن الۋعا ارنالعان كونكۋرستى وتكىزۋ كەزىندە كورسەتكىشتەر بىردەي بولعان جاعدايدا جەتىم بالالار مەن اتا-اناسىنىڭ قامقورلىعىنسىز قالعان بالالاردىڭ, ۇزدىك ءبىلىمى تۋرالى قۇجاتتارى (كۋالىكتەرى, اتتەستاتتارى, ديپلومدارى) بار ادامداردىڭ باسىم قۇقىعى بار. 45. ازاماتتاردى وقۋعا قابىلداۋ كادەت كورپۋسىن جاساقتاۋ جوسپارىنا سايكەس كونكۋرس بويىنشا قابىلداۋ كوميسسياسىنىڭ اشىق وتىرىسىندا جۇرگىزىلەدى. كادەت كورپۋسىنا وقۋعا قابىلداۋ (باس تارتۋ) تۋرالى كوميسسيانىڭ شەشىمى حاتتامامەن رەسىمدەلەدى. كادەت كورپۋسىنا تالاپكەرلەردى قابىلداۋ كادەت كورپۋسى باستىعىنىڭ بۇيرىعىمەن جۇرگىزىلەدى. كادەتتەردى قابىلداۋ تۋرالى بۇيرىقتاردان ۇزىندىلەر اسكەري باسقارۋ ورگاندارىنا جانە اسكەري بولىمدەرگە جولدانادى. 46. كادەت كورپۋسىنا قابىلداۋ تۋرالى بۇيرىقتاردان ۇزىندىلەر وقۋعا قابىلدانعان اسكەري قىزمەتشىلەردى اسكەري بولىمدەر تىزىمدەرىنەن شىعارۋ ءۇشىن نەگىز بولىپ تابىلادى. 47. قابىلداۋ كوميسسياسىنىڭ جۇمىسى اياقتالعاننان كەيىن كادەت كورپۋسىنىڭ باستىعى قازاقستان رەسپۋبليكاسى قورعانىس مينيسترلىگىنىڭ اسكەري ءبىلىم جانە عىلىم دەپارتامەنتىنە وتكىزىلگەن قابىلداۋ تۋرالى ەسەپ بەرۋدى ۇسىنادى. 48. كادەت كورپۋسىندا وقىتۋ مەرزىمى ءبىر جىل ون اي. 49. كادەت كورپۋسىنا وقۋعا تۇسكەن تالاپكەرلەر قازاقستان رەسپۋبليكاسى ءبىلىم جانە عىلىم ءمينيسترىنىڭ 2007 جىلعى 12 جەلتوقسانداعى № 621 بۇيرىعىمەن بەكىتىلگەن ءبىلىم بەرۋ قىزمەتتەرىن كورسەتۋدىڭ ۇلگىلىك شارتىنا سايكەس (نورماتيۆتىك قۇقىقتىق اكتىلەر تىزىلىمىندە № 5070 بولىپ تىركەلگەن) شارت جاساسادى. 50. كاسىبي ىرىكتەۋدەن وتپەگەندەر رەتىندە وقۋعا قابىلدانباعان تالاپكەرلەر: اسكەري قىزمەتشىلەر – بۇرىنعى قىزمەت ورنىنا; اسكەري قىزمەتتە تۇرماعان ازاماتتار قاتارىنان ادامدار – ەسەپكە تىركەلگەن جەرى بويىنشا جەرگىلىكتى اسكەري باسقارۋ ورگاندارىنا جىبەرىلەدى. 51. كادەت كورپۋسىنا تالاپكەرلەردى قابىلداۋ تۋرالى بۇيرىق شىققاننان كەيىن وقۋعا تۇسكەندەردىڭ جەكە ىستەرى حاتتامامەن (اكتىمەن) اۋىسپالى قۇرامنىڭ ەسەبىن جۇرگىزەتىن كادرلار بولىمىنە تاپسىرىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 19 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7172 بولىپ ەنگىزىلدى.
