«لاتىن الىپبيىنە كوشۋ تۋرالى تاۋەلسىزدىك العان كۇندەردىڭ باسىنان باستاپ ايتىپ كەلە جاتىرمىز. ناعىز تاۋەلسىزدىك – ءتىلدىڭ دە تاۋەلسىزدىگى. ونىڭ ار جاعىندا جاتقان استارى سول», دەگەن پرەزيدەنت لاتىن الىپبيىنە كوشۋدىڭ ءتورت ارتىقشىلىعىن اتاپ ءوتتى.
«ونىڭ بەر جاعىندا بۇكىل دۇنيەنىڭ 70 پايىزى سول الىپبيمەن جۇمىس ىستەيدى. عىلىمنىڭ, تەحنولوگيانىڭ, ينتەرنەتتىڭ ءتىلى. ەكىنشىدەن, ءسىز – جۋرناليستەر مەنەن دە جاقسى بىلەسىزدەر, بۇل ءالىپبيدىڭ ءوزىمىزدىڭ قازاقتىڭ تىلىنە قانشا پايدا اكەلەتىنىن. كيريلليتسانىڭ ىشىندە بىزگە كەرەك ەمەس ءتىلىمىزدى بۇرعىزىپ, قيسايتاتىن نەشە ءتۇرلى ارىپتەر بار. ءبىزدىڭ قالىپقا كەلمەيتىن, ول جاعىن دا ويلاۋ كەرەك. ۇشىنشىدەن, ءبىز وركەنيەتتى 30 ەلدىڭ قاتارىنا تۇسەمىز دەسەك سولارمەنەن بىرگە بولۋىمىز كەرەك قوي. اقىرعىسى, قازاقتىڭ ءتىلىن باسقا جۇرتتار ۇيرەنۋ ءۇشىن دە بۇل ءالىپبيدىڭ پايداسى بار», دەدى مەملەكەت باسشىسى.
قورىتىپ ايتقاندا لاتىن الىپبيىنە كوشۋ قازاق ءۇشىن, ەلىمىز ءۇشىن پايدالى ەكەنىن ايتقان ەلباسى زيالى قاۋىمنىڭ بۇعان دەيىن جارىق كورگەن تۋىندىلارىنا الاڭداماۋىن تاعى دا اتاپ ءوتتى.
«زيالى قاۋىمنىڭ ءبىزدىڭ شىعارمالارىمىز, كىتاپتارىمىز قايدا قالادى دەپ قورىققان جەرلەرى بار. ونى دا تۇسىندىردىك. قازىرگى جاعدايدا گرافيكانى ينتەرنەت ارقىلى اۋدارۋ قيىنعا سوقپايدى. سوندىقتان بۇل ماسەلە بويىنشا نەگە, قالاي دەپ وتىرماي ەنگىزۋگە كىرىسۋ كەرەك», دەدى پرەزيدەنت.
