«بىزدە قازىرگى كەزدە ءبىرىنشى سىنىپتا ءۇش تىلدە وقىتىلۋدا. قازاق, ورىس جانە اعىلشىن تىلىندە ءبىلىم الۋدا. ال 2025 جىلعا قاراي مەكتەپ تۇلەكتەرى ءۇش تىلگە جەتىك بولادى. ارينە, اڭگىمەلەسۋ دەڭگەيىندە ءۇش ءتىلدى مەڭگەرگەن جانە جۇمىس ىستەۋگە قابىلەتتى بولادى. سول سياقتى الداعى ۋاقىتتا ءبىز لاتىن تاڭباسىنا نەگىزدەلگەن ءالىپبيىمىزدى قابىلداساق, بولاشاقتا بالالارىمىز ءۇشىن اعىلشىن ءتىلىن ۇيرەنۋ مۇمكىندىكتەرى ارتا تۇسەدى», دەدى پرەزيدەنت.
مەملەكەت باسشىسى سوندىقتان بۇل ماسەلەنى نەگە, قالاي دەگەن سۇراقتاردى دوعارىپ جاپپاي كىرىسە بەرۋىمىز كەرەك دەگەن پىكىرىن ءبىلدىردى.
«ەڭ باستىسى ايقىن ماقساتىمىز بار عوي. حالىقتىڭ كوپشىلىگى 95 پايىزدان استامى قولدادى. ونىڭ ۇستىنە بىزدە ءبىرىنشى سىنىپتان باستاپ بالالارىمىز ءۇش تىلدە وقيتىن بولادى. بۇرىنىراقتا ايتقانىمداي, 2025 جىلعا قاراي مەكتەپ تۇلەكتەرىنىڭ بارلىعى دا ءۇش تىلگە جەتىك بولادى. ال ەندى العاشقى سىنىپتان باستاپ مەكتەپتە اعىلشىن ءتىلىن وقىتاتىن بولسا, ول قاي تىلدە بولماق؟ ارينە, لاتىن تاڭباسىنا نەگىزدەلگەن ءتول الىپبيىمىزبەن جەڭىل ءارى تەز مەڭگەرەتىندىگى ءسوزسىز. دەمەك, بۇل باستاما بالالارىمىز ءۇشىن بۇل قيىندىق تۋعىزبايدى دەپ سانايمىن», دەدى ن.نازارباەۆ.
