«قانداستارىن ەلىنە شاقىرىپ جاتقان دۇنيەدە ءۇش-اق مەملەكەت بار. سونىڭ بىرەۋى – قازاقستان. باستاپقى كەزدەردە ءبىز ادەيى سول ەلدەرگە بارىپ, جاعدايلارىن سۇراپ, ءبىرىنشى قۇرىلتايدى وتكىزدىك. ۇلى كوشتى باستادىق. سودان بەرى ءبىر ميلليون قانداسىمىز كەلدى. ولاردان ءوسىپ جاتقان ۇرپاقتار ودان دا كوپ. كوش توقتاعان جوق. ەشقاشان دا توقتاتپايمىز. ەشكىمگە قارسىلىعىمىز جوق, كەلەم دەگەندەرگە ەسىك اشىق. اسىرەسە جاستار وقۋعا ءتۇسىپ, بارلىعى قالىپ جاتىر. ارتىنان ۇلكەندەرى دە كەلىپ قوسىلۋدا. ونى ءبىز ءبىلىپ وتىرمىز. ول ءۇشىن قۋانىشتىمىز. شەتەلدە ءالى دە 4 منل-نان اسا قانداسىمىز بار», دەدى پرەزيدەنت ولاردى قولداۋعا ءاربىر قازاقستاندىق مۇددەلى ەكەنىن جەتكىزدى.
ء«بىزدىڭ قازاقستاندىقتار, قالتالى ازاماتتار قانداستارىمىزدى قابىلداۋعا جاقىن بولۋى كەرەك. ولارعا كومەكتەسۋ ءۇشىن ارنايى قور قۇرىلدى. سول قورعا قول ۇشىن بەرىپ, جۇمىسقا ورنالاسۋعا, باسپانا سالۋعا كومەكتەسۋ كەرەك. شاقىرىپ سوعان ءبارىمىز مۇددەلى بولۋىمىز ءتيىس. بۇل بىزگە قاجەت», دەدى ەلباسى.
ايتا كەتەيىك, سۇحبات بارىسىندا قازاقستان پرەزيدەنتى استانادا وتكەن «ەكسپو-2017» مامانداندىرىلعان كورمەسىنە قاتىستى سۇراقتارعا جاۋاپ بەرىپ, جۋرناليستەرگە بۇل ءىس-شارا ەل ەكونوميكاسىنا مۋلتيپليكاتيۆتىك تۇرعىدان وڭ اسەر ەتكەنىن ايتتى. ەڭبەك ميگراتسياسى, «جاسىل» ەكونوميكا قاعيداتتارىن ەنگىزۋ جانە «تسيفرلىق قازاقستان» باعدارلاماسىن ىسكە اسىرۋ ماسەلەلەرىنە ەرەكشە توقتالدى.سونداي-اق, ەلباسى قوعامدىق سانانى جاڭعىرتۋدىڭ جانە قازاق ءتىلىن لاتىن قارپىنە كوشىرۋدىڭ ماڭىزدىلىعىن اتاپ ءوتىپ, «قازاقستانداعى 100 جاڭا ەسىم» جوباسىن ىسكە اسىرۋدىڭ ناتيجەلەرى جونىندە وي ءبولىستى.
