وتىرىستى اشقان ۆيتسە-سپيكەر ۆ.بوجكو ۇستىمىزدەگى جىل ەلباسىمىز نۇرسۇلتان ءابىش ۇلى نازارباەۆتىڭ باستاماسىمەن ازيا ەلدەرىمەن قارىم-قاتىناس, سەنىم كەڭەسىنىڭ ازيا ەلدەرىمەن كەلىسىم جاساۋىنا 25 جىل تولۋىنا سايكەس كەلىپ وتىرعانىن جانە سىرتقى ىستەر مينيسترلىگى مەن كازاقستاندىق ديپلوماتيالىق كورپۋسىنىڭ ەكسپو-2017 كورمەسىنە ازيا ەلدەرىنىڭ ۇلەس قوسۋى ارقاسىندا بولعانىن اتاپ ءوتتى.
سونىمەن قوسا ۆ.بوجكو ەلىمىز ەگەمەندىك العان ساتتەن باستاپ ازيا ەلدەرىمەن (ورتالىق ازيا ەلدەرىن قوسپاعاندا) 173 ەلدىڭ پارلامەنتتەرىمەن كەلىسىمدەر جاساعانىن ايتتى. ماسەلەن, جاپونيامەن - 19 كەلىسىم جاسالسا, يران - 6, ساۋد ارابياسى - 8, ازيا دامۋ بانكى - 22, يسلام دامۋ بانكىمەن 7 كەلىسىم جاسالعان.
ءوز كەزەگىندە سىرتقى ىستەر ءمينيسترى ق.ءابدىراحمانوۆ قازاقستان رەسپۋبليكاسىنىڭ ازيالىق باعىتتاعى سىرتقى ساياساتىنا ەگجەي-تەگجەيلى توقتالدى.
سونىمەن قوسا وتىرىستا ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن اشىمباەۆ: "قازىرگى ۋاقىتتا ازيا, اسىرەسە, ازيا-تىنىق مۇحيت ايماعى ەكونوميكالىق دامۋ, يندۋستريالاندىرۋ, تسيفرلىق ەكونوميكاعا كوشۋ, ينۆەستيتسيا تارتۋ بويىنشا الەمدە كوش باسىندا كەلەدى. سوندىقتان, قازاقستان ءۇشىن ازيا ەلدەرىمەن جۇيەلى ىنتىماقتاستىق ورناتۋ اسا ماڭىزدى. بۇل ەلىمىزدە كەشەندى جاڭعىرۋ باعدارلاماسىن تابىستى ىسكە اسىرۋعا وڭ ۇلەسىن قوساتىنى انىق", دەدى.
م.اشىمباەۆ بۇگىنگى ۇكىمەت ساعاتى دەپۋتاتتار مەن مەملەكەتتىك ورگاندار وكىلدەرىنە وسى باعىتتاعى قازاقستاننىڭ سىرتقى ساياسات باسىمدىقتارىن تەرەڭ تۇسىنۋگە مۇمكىندىك بەرەدى دەپ ەسەپتەيتىنىن جانە تالقىلاۋ ەلىمىزدىڭ ماڭىزدى سىرتقى ساياسي مىندەتتەرىن ىسكە اسىرۋدا پارلامەنتتىك ديپلوماتيانىڭ رەسۋرستارىن الداعى ۋاقىتتا كەڭىنەن پايدالانۋعا ىقپال ەتەتىنىنە سەنىم ءبىلدىردى. تالقىلاۋعا قاتىسقان ءماجىلىس دەپۋتاتتارى مينيستر مەن مەملەكەتتىك ورگانداردىڭ باسشىلارىنا بىرقاتار سۇراقتار قويدى.
اتاپ ايتساق, دەپۋتات ق.جاقىپوۆ ەكونوميكالىق ديپلوماتيانىڭ قۇرالدارى تۋرالى, ە.تيموششەنكو مەن ر. كيم ازيا ەلدەرىمەن ينۆەستيتسيالىق جانە قارجىلىق ىنتىماقتاستىقتى جۇزەگە اسىرۋ ماسەلەلەرىنە توقتالدى. سونىمەن قوسا, ق.سۇلتانوۆ, ب.مامراەۆ, م.چيركوۆ مادەني-گۋمانيتارلىق, ءبىلىم بەرۋدىڭ ءوزارا ارەكەتتەسۋى جانە قازاقستاننىڭ ازيا ەلدەرىنە تۋريستىك تارتىمدىلىعىن ارتتىرۋ ماسەلەلەرىنە قاتىستى سۇراقتار قويدى.
وتىرىس ناتيجەسىندە ۇكىمەتتىك ورگاندارعا قازاقستاننىڭ سىرتقى ساياساتىنىڭ ازيالىق باعىت بويىنشا جۇرگىزىلىپ جاتقان جۇمىستاردىڭ تيىمدىلىگىن ارتتىرۋ جونىندە ۇكىمەتكە جىبەرىلەتىن ۇسىنىمدار قابىلدادى.
