حالىقارالىق, رەسپۋبليكالىق ايتىستاردا جۇلدىزداي جارقىراپ, جاۋقازىن جىرلارىمەن ەندى تانىلىپ كەلە جاتقان شاعىندا جول اپاتىنان كوز جۇمدى. ونىڭ جۋرناليستيكا سالاسىنا قوسقان ەڭبەگى دە قىرۋار. جۋىردا جاس تالانت ءبىلىم العان ماعجان جۇماباەۆ اتىنداعى گۋمانيتارلىق كوللەدجدە ونىڭ اتىندا ءدارىسحانا اشىلىپ, تۇساۋكەسەر راسىمگە تۋعان-تۋىستارى, ونەرسۇيەر, زيالى قاۋىم وكىلدەرى قاتىستى.
ءدارىسحانانىڭ تۇساۋىن وبلىستىق ءبىلىم باسقارماسىنىڭ باسشىسى گۇلميرا كارىموۆا مەن مارقۇمنىڭ تۋعان ءسىڭلىسى ايمان تەلمانقىزى كەسىپ, ول تۋرالى تاعىلىمدى ەستەلىكتەر كوپتەپ ايتىلدى. «قىزىلجار-اقپارات» جشس ديرەكتورى جاراسباي سۇلەيمەنوۆ, قالالىق «قازاق ءتىلى» قوعامىنىڭ توراعاسى داستەن بايمۇقانوۆ, كوللەدج ديرەكتورى ەرلىك جانكەلدين, تاعى باسقالارى جاس اقىننىڭ ادامگەرشىلىك بولمىسى, سۋىرىپسالما ايتىسكەرلىك ەرەكشەلىكتەرى جايلى سىرلار شەرتتى. مول مۇرالارى جيناق بولىپ جارىق كورىپتى.
جۇرتشىلىق كابينەتتە ءومىربايانى, قىزمەت جولى, شىعارماشىلىعى جايلى توپتاستىرىلعان ستەندپەن, فوتوسۋرەتتەرمەن تانىستى.
تۇكپىردەگى اۋىلدان پوەزيا الەمىنە قانات قاعىپ ۇشقان ۇشقان شىناشاقتاي قىزدىڭ ۇلتتىق رۋحقا, وپتيميزمگە تولى كاۋسار جىرلارى مەن ەسسەلەرىن ستۋدەنتتەر تەبىرەنە وقىدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى
