تاۋەلسىزدىككە تارتۋ

ءۇش ءجۇز جىل اڭساعان تاۋەلسىزدىگىمىزدىڭ 20 جىلدىعىن اتاپ وتۋگە دە ساناۋلى كۇندەر قالدى. وسى قاسيەتىمىزدى قاستەرلەۋ ىسىندە جەكە ادامنان باستاپ, ۇجىمدار دا ءوز ۇلەستەرىن قوسۋدا. سونىڭ ءبىر دالەلىندەي, ەلورداداعى ۇلتتىق اكادەميالىق كىتاپحانادا مەملەكەت تاريحى ينستيتۋتىنىڭ ۇيىتقى بولۋىمەن كىتاپ كورمەسى بولدى. مەملەكەت تاريحى ينستيتۋتى ەلباسى نۇرسۇلتان نازار­باەۆ­تىڭ قولداۋىمەن وسىدان 3 جىل بۇرىن شاڭىراق كوتەرگەن ەدى. اتاۋلى ۋاقىتتان بەرى بۇل مەكەمە 30-عا تاياۋ ەڭبەكتى جارىققا شىعارىپتى. ال تاۋەلسىزدىكتىڭ 20 جىلدىعىنا 24 كىتاپتى جوسپارلاسا, سونىڭ العاشقى 10 تومى جارىق كورىپتى. سول كىتاپ­تاردىڭ تۇساۋكەسەر راسىمىندە جاڭا كوزقاراس پەن ەلدىك تۇرعىدا جازىلعان رۋحاني قۇندىلىقتاردىڭ ارقاۋى اڭگىمە بولدى. جارىققا شىققان عىلىمي دۇنيەلەردىڭ قاتارىندا «قازاق حاندىعى تاريحى: قۇرىلۋى, ورلەۋى, قۇلدىراۋى», «نوۆەيشايا يستوريا كازاحستانا: كريزيس ي راسپاد سوۆەتسكوي سيستەمى. ءى توم», «نوۆەيشايا يستوريا كازاحستانا: ۆىحود يز كريزيسا. ءىى توم», «نوۆەيشايا يستوريا كازاحستانا: ۋستويچيۆىي كازاحستان. ءىىى توم.», «نەزاۆيسيمىي كازاحستان ي ليدەر ناتسي», «تاۋەلسىز قازاقستان مادەنيەتى: جىلناما قۇجاتتارى», «تاۋەلسىز قازاقستان تاريحىن زەرتتەۋدىڭ وزەكتى ماسەلەلەرى. وقيعالار حرونيكاسى», تاعى باسقا ەڭبەكتەر بار. بۇل كىتاپتاردا قازاق مەملەكەتىنىڭ قالىپتاسۋى مەن دامۋىنىڭ كەزەڭدەرى, قازىرگى قوعامدىق ساياسي, الەۋمەتتىك-ەكونوميكالىق ۇردىستەر باياندالعان. تۇساۋكەسەر راسىمىندە مەملەكەت تاريحي ينستي­تۋتىنىڭ ديرەكتورى ب.اياعان, ءماجىلىس دەپۋتاتى ك.بۇرحانوۆ, تاريحشى ا.قاشقىنباەۆتار سويلەپ, تاۋەلسىز ەلىمىزدىڭ تاريحىنا قوسىلعان تىڭ تۋىندىلار تۋرالى ءوز بايلام-پايىمدارىن ايتتى. سۇلەيمەن مامەت.