08 جەلتوقسان، 2017

استانا مەن الماتى اراسىندا «222»-ءنىڭ ازابى بار

191 رەتكورسەتىلدى

كولىگىنىڭ دوڭعالاعى تاقتايداي اسفالت جولعا تۇسكەندە كوڭىلىنىڭ دوم­بىراسى كۇي ويناپ قويا بەرەتىن جۇر­گىزۋشىنىڭ جايىن كىم ۇعار، شىركىن؟! بۇل جۇمىر باستى پەندەڭىز جىل­دامدىققا نەگە سونشا قۇمار بولدى ەكەن؟! ات جالىن ۇستاپ جەلمەن جا­رىس­قان اتا-بابادان جۇققان، قانعا سىڭ­گەن قاسيەت-اۋ، پاي-پاي... 

كەڭەستىك جولدىڭ ازابىن كەرەمەتتەي تارتقان ۇرپاق كەيدە اينالاعا ءبىر كوز تاستاپ، بۇگىنگى كۇنگە مىڭ تاۋبە ايتادى. 90-جىلدارداعى الماتىنىڭ تولەبي (كومسومول) كوشەسىنىڭ ءبىر قيىرىنان ەكىنشى قيىرىنا ءجۇرىپ وتكەن اۆتوموبيل يەسى نە دوڭعالاقتىڭ مايىسقان ديسكىسىن تۇزەپ، نە جارىلعان شيناسىن جاماپ، جابىرقايتىنىن ۇمىتتى بۇگىن، سەنەسىز بە؟! تۇسكە دەيىن تارازعا، اسىعىپ شىقساق كەشكە دەيىن استاناعا جەتەمىز. جولدىڭ جاقسى بولعانى!.. تاڭ بوزىنداعى الماتىنىڭ كەپتەلىسىنە ۇرىنباي شىققان جەڭىل كولىكتى جولاۋ­شى جازدىگۇنى شىلدەدە، ءتىپتى جولاي بالقاشتىڭ تۇنىعىنا ءبىر سۇڭگىپ الىپ، قاس-قارايا استاناعا جەتىپ جىعىلادى. تاماشا ەمەس پە!؟ اتتەڭ... ءيا، وسى ارادا ايتپاسقا بولماس ءبىر «گاپ» بار-دى! 

استانانى بەتكە الىپ، كۇرە جولعا قالقىپ تۇسكەن جولاۋشىنىڭ الماتىدان 100 شاقىرىم ۇزاپ شىقپاي-اق «كوڭىل-كۇيى» نىلدەي بۇزىلادى. وعان سەبەپ كۇرتىدەن باستالاتىن ء«وزىمىزدىڭ» كە­ڭەستىك جول. كۇننىڭ قىزۋىنان شودىرايىپ شىعىپ، ىزعارىنان تاسەمەن بوپ قاتقان اسفالت تومپەشىكتەر ويدىم-ويدىم شۇڭقىرلارعا جالعاسادى. زىمىرانمەن جارىسقان جىلدامدىق ءاپ-ساتتە كوزدەن بۇل-بۇل ۇشادى. ەن­دى وسى شوقالاقپەن 222 شاقىرىم جۇرۋگە ءماجبۇرسىز! «يتشىلەپ» بۋرىل­بايتالعا جەتىپ، داڭعىلعا قايتا تۇ­سەسىز. ارينە، «امان» وتسەڭىز، الگى جول ازابى ءتۇس كورگەندەي بوپ قالادى. شىركىن، قايتا ورالعان جىلدامدىق! استانادان قايتقاندا دا وسى وقيعا... مىڭ شاقىرىمدى ارتقا تاستاپ بۋرىل­بايتالعا تۇمسىق تىرەگەندە زاڭمەن بەكىتىلگەن جىلدامدىقتى ساعاتىنا 30 شاقىرىمعا دەيىن تەجەيسىز. كولىگىڭىزدى اياعاننان عانا، التىن ۋاقىتتى سارپ ەتىپ، كونەسىز! سودان كۇرتىگە جەتىپ، نەگىزگى ماگيسترالعا ىلىككەندە، الدا – الماتى، الگى كۇيزەلىستىڭ ءبارى قايتادان ۇمىتىلادى... الماتى مەن استانا ارا­لىعىنداعى 222 شاقىرىمنىڭ ادەيى ويلاستىرىلماعان بار سيقىرلى سىرى سوندا! ءبارىن دە باستان كەشكەن كۋاگەر رەتىندە جاۋاپكەرشىلىكپەن مىنانى مالىمدەيمىن: كۇرە جول سونو-وۋ 2001، 2003 جىلدارى كۇردەلى جوندەۋدەن وتكەن. رەسمي راستالعان مالىمەت بويىنشا، 1213 شاقىرىم سول كەزدە زامانعا لايىقتاپ جوندەلگەن. بىراق، قاس قىلعانداي، ارالىقتاعى 222 شاقىرىم ۇمىت قالعان. ول جاعى وسى كۇنگە دەيىن بەيمالىم! ىزدەۋشى-سۇراۋشىسى بولماعان؟! بيىلعى جازدا الماتىلىق «زارداپ شەگۋشى» بيزنەسمەن بەيبىت الىبەكوۆ «222» تۋرالى الەۋمەتتىك جەلىدەگى «مەنىڭشە، مۇنداي ءداۋ شۇڭقىرلار الماتىنىڭ كارىزدەرىندە دە كەزدەسپەيدى» دەپ كۇيىنىپ جازدى. 15 جىلدىق جول ازابىنىڭ ەڭ زور تەڭەۋى وسى بولدى-اۋ دەيمىن!

مەملەكەتتىك «نۇرلى جول» باع­دارلاماسى بويىنشا تاياۋدا ەلىمىز بويىنشا جالپى ۇزىندىعى 4،4 مىڭ كيلومەترلىك 22 اۆتوموبيل جولى جوباسى جۇزەگە اسپاق. ول تۋرالى ينۆەستيتسيالار جانە دامۋ ءمينيسترى جەڭىس قاسىمبەك حابارلادى. تاڭدانباڭىز. بۇل ەكونوميكاسى قارىشتاعان قازاقستاننىڭ كولىك-لوگيستيكالىق شارتتارىنىڭ ءبىر بولشەگى عانا. الايدا، اڭگىمە تىكەلەي اۆتوموبيل جولدارىنا قاتىستى بول­عاندىقتان مينيستر ءسوزى قوعامدىق بارلىق كولىك پايدالانۋشىلار سالاسىن – قالاارالىق اۆتوبۋس جۇرگىزۋشىلەر مەن inDriver تاكسي جەلىسىندەگى ەشبىر دەلدالسىز سەرۆيستىك قىزمەت كورسەتەتىن جۇرگىزۋشىلەردى، استانا مەن الماتى اراسىنداعى بەلگىلى وسىناۋ قاشىقتىقتا سان رەت جول ازابىن تارتقان جەكەمەنشىك كولىك يەلەرىن ەلەڭ ەتكىزدى. ەلەڭ ەتكىزگەنى ءمينيستردىڭ جوسپارداعى شاقىرىمدارى ەمەس، «وڭتۇستىك-ورتالىق جوباسى بۋرىلبايتال مەن كۇرتى اراسىنداعى 228 شاقىرىم پايدالانۋعا بەرىلەدى. وعان دۇنيەجۇزىلىك جانە ەۋروپالىق بانك قارجى بولەدى» دەگەن ءسوزى ەدى. ءار شاقىرىمىن ۇمىتپاي جادىمىزدا ۇستاعان ەسەپ بويىنشا بۇل ارالىق 222 شاقىرىم ەدى، مينيسترلىك جول ايالدامالارى مەن بۇرىلىس-قيىلىستارىن ەسەپكە قوسقان شىعار دەپ تۇيدىك. ەڭ باستىسى، جىرى كوپ «222»، ايتەۋىر، نازارعا ءىلىنىپتى! 

...كولىگىنىڭ دوڭعالاعى تاقتايداي تەگىس بەتون جولعا تۇسكەندە كوڭىلىنىڭ دومبىراسى كۇي ويناپ قويا بەرەتىن جۇر­گىزۋشىنىڭ جايىن كىم ۇعار، شىركىن؟! بايقادىڭىزدار ما، بۇل جولى «اسفالت» ءسوزىن «بەتونمەن» الماستىردىق. ەندىگى اڭگىمە «باتىس قىتاي – باتىس ەۋروپا» ماگيسترالى تۋرالى. الماتى – تاراز ارالىعىنداعى قورداي اسۋى مەن ارىدەگى كۇيىك اسۋىنىڭ وي-قىراتىنا بەتونىڭىز ءتيىمسىز بوپ شىقتى. اسىرەسە، قىستىڭ كۇنى. ەكىنشى تارماعىنىڭ قۇرىلىسى اياقتالىپ بىتپەگەن اتالمىش كولىك ماگيسترالىندە بەتون ۇستىنە قازىر شاقتاپ-شاقتاپ اسفالت توسەلۋدە. نەگە؟ جاۋابى – كەلەسى جولعى باعاندا...

تالعات سۇيىنباي،
«ەگەمەن قازاقستان»
 

سوڭعى جاڭالىقتار

تۇرعىن ءۇي باعاسى قالاي قۇبىلادى؟

ەكونوميكا • بۇگىن، 07:24

ەسكىنىڭ جازىعى – جاڭانىڭ قازىعى

رۋحانيات • بۇگىن، 07:17

گۇلزادا تىككەن بەتپەردە

ايماقتار • بۇگىن، 07:12

شتاب قۇرىلدى

ايماقتار • بۇگىن، 07:08

ەلىن ورگە سۇيرەيتىندەر

رۋحانيات • بۇگىن، 07:06

باس قالا اۋەجايىنىڭ كودى وزگەردى

قازاقستان • بۇگىن، 06:59

تورىمىزدە تۇرۋى ءتيىس

اباي • بۇگىن، 06:46

ۇلى مۇرا – ۇلت مۇراتى

اباي • بۇگىن، 06:42

تۇتقاداعى تازالىق

قوعام • بۇگىن، 06:33

تاسقىنعا مونيتورينگ جۇرگىزىلدى

ايماقتار • بۇگىن، 06:31

جامان ىندەت جانازا كەزىندە جۇققان

كوروناۆيرۋس • بۇگىن، 06:27

جۇمىسسىزدار قولداۋعا مۇقتاج

پارلامەنت • بۇگىن، 06:25

ۇقساس جاڭالىقتار