قور دەلەگاتسياسىمەن كەزدەستى

ءماجىلىستىڭ حالىقارالىق ىستەر, قور­عانىس جانە قاۋىپسىزدىك كوميتەتىنىڭ مۇشەسى, پرەزيدەنت جانىنداعى ادام قۇقىقتارى جونىندەگى كوميسسيانىڭ توراعاسى  ساعىنبەك تۇرسىنوۆ ادام قۇقىقتارىن دامىتۋ جونىندەگى قىتاي قورىنىڭ دەلەگاتسياسىمەن كەزدەستى. ادام قۇقىقتارىن دامىتۋ جونىندەگى قىتاي قورى باس حاتشىسىنىڭ ورىن­با­سا­رى ۆانگ جيانلين قازاقستان تاۋەلسىزدىك العالى بەرگى جيىرما جىل ىشىندە وسىنشا وركەندەپ, ونىڭ جاس استاناسىنىڭ زامانعا ساي گۇلدەنىپ كەلە جاتقانىنا قايران قالىپ وتىرعانىن جاسىرمادى. قازاقستان رەسپۋبليكاسى پرەزيدەن­تى­ جانىنداعى ادام قۇقىقتارى ءجو­نىن­دەگى كوميسسيانىڭ توراعاسى ساعىنبەك تۇر­سى­نوۆ قازاقستاننىڭ قۇقىق قورعاۋ جۇيەسى جايلى بىلگىسى كەلگەن قوناققا: «قا­زاق­ستاندا ادام قۇقىعىن قورعايتىن ەكى ينس­تيتۋت بار. سونىڭ ءبىرى – پرەزيدەنت جار­لىعىمەن قۇرىلعان ادام قۇقىقتارى ءجو­نىندەگى كوميسسيا. قۇرامىنا قۇقىق قور­عايتىن بىلىكتى زاڭگەرلەر, دەپۋتاتتار, ىشكى ىستەر, ادىلەت, ەڭبەك جانە حالىقتى الەۋ­مەت­تىك قورعاۋ مينيسترلەرى, ءدىن ۇي­ىم­دا­رىنىڭ وكىلدەرى كىرەدى. جىل سايىنعى با­زالىق بايانداما الەمدىك تاجىريبەدەن ءۇي­رەنىپ, ەۋروپالىق, ازيالىق, تاياۋ شى­عىس ەلدەرى حالىقتارىنىڭ مەنتاليتەتىن ەسكەرىپ, كەشەندى ءارى جۇيەلى جاسالادى. كوپ­تەگەن حالىقارالىق ۇيىمدارمەن, ەۋروكوميسسيامەن, ەۋرووداقپەن بايلانىس جاساپ وتىرامىز. جىل سايىن ادام قۇقى جونىندە بايانداما جاساپ, قر پرەزيدەنتىنە ەسەپ بەرەمىز. ونى حالىقارالىق ۇي­ىم­دار مەن ەقىۇ-نىڭ بۇۇ جۇيەسىنە تا­نىس­تى­رۋ­عا تىرىسامىز», دەپ وزدەرى اتقارىپ جات­قان ىستەر جونىندە باياندادى. «ەگەمەن-اقپارات».