«گەجۋبا شيەلى تسەمەنت» جشس-ءنىڭ باسقارما توراعاسى لي مينگ جوبانىڭ جۇزەگە اسىرىلۋى تۋرالى باياندادى.
- بۇگىنگى جۇزەگە اسىپ وتىرعان بىرلەسكەن جوبا - قازاقستان-قىتاي ىنتىماقتاستىعىنىڭ بىردەن-ءبىر مىسالى. زاۋىتتىڭ نەگىزگى ءونىمى - تامپوناجدى تسەمەنتتىڭ 30 پايىزى تمد, قىتاي جانە ورتالىق ازياعا ەكسپورتتالاتىن بولادى. جوبا قۇنى 64 ميلليارد تەڭگەنى قۇرايدى, - دەدى لي مينگ مىرزا.
مەملەكەت باسشىسى كاسىپورىننىڭ جۇمىسىنا ساتتىلىك تىلەدى.
ەستەرىڭىزگە سالا كەتەيىك, زاۋىت قۇرىلىسى بيىل باستالدى. نىسان 2019 جىلى پايدالانۋعا بەرىلەدى دەپ جوسپارلانىپ وتىر. كاسىپورىندا 260 ادامعا تۇراقتى جۇمىس ورنى اشىلادى. بۇگىندە كومپانيا جەرگىلىكتى 200 ادامدى جۇمىسقا قابىلداۋدى باستادى, 100 جۇمىسشىنى قىتايعا وقۋعا جىبەرىپ, قالعان 100 قىزمەتكەر جەرگىلىكتى كوللەدجدە وقىتىلاتىن بولادى.
جوبا 51 بىرلەسكەن قازاقستاندىق-قىتايلىق جوبالار تىزىمىنە كىرگەن. باس مەردىگەر «چاينا تريۋمف ينتەرنەشنل» - حالىقارالىق كوشباسشى كومپانيالاردىڭ ءبىرى, ينجەنەرلىك جوبالاردى باسقارۋ جانە ينجەنەرلىك باس مەردىگەر بولىپ تابىلاتىن ۇزدىك 50 ۇلتتىق كاسىپورىننىڭ تىزىمىنە ەنگەنىن اتاپ ءوتۋ قاجەت. تامپوناجدى تسەمەنت زاۋىتىنىڭ ءونىمى قۇرىلىس, مۇناي-گاز جانە ۋران وندىرىسىندە كەڭ قولدانىلادى.
جالپىۇلتتىق تەلەكوپىردە وڭىرلەردەن 10 مىڭ جۇمىس ورنى بار 25 يندۋستريالدىق جوبا تانىستىرىلدى.
