ەۋروپاداعى بۇل شەتەلدىك تۋر – «Astana Musical» جاس تەاترىنىڭ تاريحىنداعى جاڭا بەلەس. قازاقستان قۇراماسىنىڭ ەكسكۋرسيالارى ەۋروپانىڭ بەرلين, پاريج, ۆەنا, بريۋسسەل, ماسكەۋ قالالارىندا وتەدى.
«مادەنيەت جانە سپورت مينيسترلىگى جۇزەگە اسىرىپ وتىرعان «جاھاندىق الەمدەگى زاماناۋي قازاقستاندىق مادەنيەت» جوباسى قازاقستاندىق شىعارماشىلىق جوبالار مەن قازاقستاندىق ۇجىمداردىڭ جاڭا يدەيالارىنا تىڭ سەرپىن بەرەدى دەپ ويلايمىن. بۇل ءوز مۇمكىندىكتەرىمىزدى جوعارى دەڭگەيگە كوتەرۋ جانە الەمگە ۇلتتىق مادەنيەتتىڭ جەتىستىكتەرىن كورسەتۋ ءۇشىن تاماشا مۇمكىندىك», دەيدى «Astana Musical» تەاترىنىڭ كوركەمدىك جەتەكشىسى اسحات ماەميروۆ.
قازاق تەاترى پاريج تۇرعىندارىنا ەتنو-فولكلورلىق ميۋزيكل «قىز جىبەك» قويىلىمىن سىيلادى. كورەرمەندەردىڭ ايتۋى بويىنشا, قويىلىم قازاق مادەنيەتىن ايرىقشا ەرەكشەلىكتەرىمەن ايشىقتايدى.
سپەكتاكلدى تاماشالاۋدان كەيىن كورەرمەندەر قازاق حالقىنىڭ پوەتيكالىق مۇراسىن ءوزىنىڭ الۋان تۇرلىلىگىمەن جانە سۇلۋلىعىمەن تاۋىپ العاندىعىن اتاپ ءوتتى. تانىمال قازاق اۋەندەرى مەن اندەرىنىڭ مۋزىكالىق دايەكتەمەلەرىنەن باسقا, كورەرمەندەر حالىقتىڭ باي مادەنيەتىن – باتا بەرۋ, جوقتاۋ, ايتىس سىندى داستۇرلەرىن كوردى.
ء«تىل كەدەرگىلەرىنە قاراماستان, ماعان وتە قاتتى ۇنادى. مەن ەشقاشان مۇنداي اتموسفەرادا بولىپ كورمەپپىن. مادەنيەتتەرىڭىز عانا ەمەس, تاريحتارىڭىزدى دا سەزىنە الدىم. سپەكتاكل عاجاپ. ءبارى دە وتە شەبەر جانە تەرەڭ ويلاستىرىلعان. دراماتۋرگيا دا, كيىمدەر دە ۇنادى», دەيدى فرانتسيالىق تەاترتانۋشى, رەجيسسەر داۆيد چاۆليس اسساتياني.
«اسقان سەزىمتال ۇلتتىق كولوريت نازاردى باۋراپ الادى, قازاق مادەنيەتىنە ايرىقشا اسەر بەرىپ تۇرعان – وزىندىك ىشكى دۇنيەسىمەن جانە ايقىندىعىمەن تارتادى. كەرەمەت قويىلىم. ارتىستەر مەن بيشىلەردىڭ ورىنداۋى سونشالىقتى عاجاپ, اينالانى تۇگەل باۋراپ, كوڭىل تۇكپىرىنە شەيىن جاۋلاپ الدى», دەپ پىكىرىمەن بولىسەدى تەاتر سىنشىسى, ونەرتانۋ دوكتورى ماري-كريستين سيريجول.
«ەگەمەن-اقپارات»
