06 جەلتوقسان، 2017

كووپەراتيۆتەر – اۋىل ءومىرىنىڭ ايناسى

240 رەت كورسەتىلدى

قازىر ەلىمىزدە اۋىل شارۋاشى­لىعىن كووپەراتيۆتەندىرۋ ۇدەرىسى ءجۇرىپ جاتىر.  بۇل شارۋانى ۇكى­مەت قولعا الىپ وتىر. ەلىمىزدىڭ اگرو­ونەر­كاسىپتىك كەشەنىن دامىتۋدىڭ 2017-2021 جىلدارعا ارنالعان مەم­لەكەتتىك باعدارلاماسىندا كورسە­تىلگەن 8 باسىم باعىتتىڭ ەڭ ءبىرىن­شىسى وسى اۋىل شارۋاشىلىعىن كوو­پە­راتيۆتەندىرۋ بولىپ تابىلادى. مىنە، وسىعان قاراپ-اق ەلىمىز، سونىڭ ىشىندە اۋىل حالقى ءۇشىن بۇل ءىستىڭ قانشالىقتى ماڭىزدى ەكەندىگىن تۇسىنۋگە بولادى.

قازىر ەلىمىزدە اۋىل شارۋاشى­لىعىن كووپەراتيۆتەندىرۋ ۇدەرىسى ءجۇرىپ جاتىر. بۇل شارۋانى ۇكى­مەت قولعا الىپ وتىر. ەلىمىزدىڭ اگرو­ونەر­كاسىپتىك كەشەنىن دامىتۋدىڭ 2017-2021 جىلدارعا ارنالعان مەم­لەكەتتىك باعدارلاماسىندا كورسە­تىلگەن 8 باسىم باعىتتىڭ ەڭ ءبىرىن­شىسى وسى اۋىل شارۋاشىلىعىن كوو­پە­راتيۆتەندىرۋ بولىپ تابىلادى. مىنە، وسىعان قاراپ-اق ەلىمىز، سونىڭ ىشىندە اۋىل حالقى ءۇشىن بۇل ءىستىڭ قانشالىقتى ماڭىزدى ەكەندىگىن تۇسىنۋگە بولادى.

گەرمانيادان ەلىمىزگە كەلىپ، اۋىل­شا­رۋاشىلىق كووپەراتيۆتەرى تۋرالى زاڭداردىڭ دۇرىس ازىرلەنۋىنە كومەك كورسەتكەن ساراپشى ۋۆە شيونە ەلدە كوو­پەراتيۆتىك قوزعالىستىڭ دۇرىس قالىپ­تاسىپ، دامۋى ءۇشىن قاجەت بولاتىن باستى ەكى قاعيدانى اتاپ كورسەتكەن ەدى. ونىڭ ءبىرىنشىسى – ادامداردىڭ كووپەراتيۆكە ەرىكتى تۇردە بىرىگۋى، ەكىنشىسى – باستاپقى كەزەڭدە مەملەكەتتىڭ ولارعا قولداۋ كورسەتۋى. سوندىقتان دا قازىرگى كۇنى بۇل ءىستى مەملەكەتتىڭ ءوزى قولعا الۋدا.

اۋىل شارۋاشىلىعى مينيسترلىگىنىڭ ۇستىمىزدەگى جىلدىڭ 10 قاراشاسى كۇنگى مالىمەتىنە سۇيەنسەك، ەلىمىزدە جىل باسىنان بەرى 770 اۋىلشارۋاشىلىق كووپەراتيۆى قۇرىلىپ وتىر. بۇل بيىلعى جىلعا جوسپارلانعاننان ەكى ەسە ارتىق كورسەتكىش. قۇرىلعان كووپەراتيۆتەردىڭ 273-ءى ءسۇت قابىلداۋ پۋنكتتەرىمەن، 375-ءى مال سوياتىن پۋنكتتەرمەن جابدىقتالعان. اۋىلدارداعى ءۇي قاسىنداعى قوسالقى شارۋاشىلىقتار نەگىزىندە 6 627 وتباسىلىق مال بورداقىلاۋ الاڭدارى قالىپتاسىپ وتىر.

بۇرىن اۋىلدارداعى وزدەرىن وزدەرى جۇمىسپەن قامتىعان ازاماتتار ساندا بولعانىمەن، ساناتتا بولعان جوق. ەندى ولار جەكە كاسىپكەر رەتىندە تىركەلدى. وسىنداي شارالاردىڭ ناتيجەسىندە ەلىمىزدىڭ اۋىلدارىندا 8،2 مىڭعا جۋىق جەكە كاسىپكەر جانە 13 مىڭنان استام جۇمىس ورنى پايدا بولدى. سونداي-اق اۋىلدارداعى 56 مىڭنان استام ءۇي قاسىنداعى قوسالقى شارۋاشىلىقتار قۇرىلىپ جاتقان اۋىلشارۋاشىلىق كووپەراتيۆتەرىنە تارتىلىپ وتىر. بۇل كاسىپكەرلەر مەن ءۇي شارۋاشىلىقتارى بىلايعى ۋاقىتتا مەملەكەتتىڭ قامقورلىعى مەن قاداعالاۋىنا يە. ماسەلەن، شارۋاشىلىعىن وركەندەتەمىن دەسە جەڭىلدىكپەن نەسيە الا الادى.

مىنە، وسىلايشا اۋىلدارداعى ۇيىمداسپاعان كۇيى ءوز بەتىمەن ءومىر ءسۇرىپ جاتقان ادامداردىڭ تىرشىلىگى مەملەكەتتىڭ ارالاسۋىمەن ءبىرشاما رەتتەلىپ قالدى. ولاردىڭ جاڭادان اشىلىپ جاتقان قابىلداۋ پۋنكتتەرىنە كۇندەلىكتى تاپسىرعان ءسۇتى مەن ەتى ەندى ستاتيستيكالىق دەرەكتەر ارقىلى تىركەلەتىن بولدى. ماسەلەن، قۇرىلعان كووپەراتيۆتەر مالىمەت بويىنشا 66 مىڭ توننا ءسۇت، 15 مىڭ توننا ەت، 14،1 مىڭ توننا كوكونىس پەن جەمىس ونىمدەرىن دايىنداعان. مۇنىڭ ءوزى بيىلعى جىلى ءسۇت ونىمدەرىن وڭدەيتىن كاسىپورىنداردىڭ شيكىزاتپەن قامتىلۋىن قازىرگى 60 پايىزدان 65 پايىزعا، ەت جونىندە 55 پايىزدان 60 پايىزعا، جالپىلاي العاندا جۇكتەمە مولشەرىن 5 پايىزعا ارتتىرا تۇسۋگە مۇمكىندىك بەرەدى.

دەمەك، الداعى ۋاقىتتا اۋىلداردا قۇرىلىپ جاتقان كووپەراتيۆتەر اۋىل ءومىرىنىڭ ايناسىنا اينالا الادى. ويتكەنى ولاردىڭ وتكىزىپ جاتقان ەتى مەن ءسۇتى، باسقا دا ونىمدەرى ەسەپكە الىنادى. وسىلايشا مەملەكەت ءار كووپەراتيۆتىڭ، ءتىپتى ونىڭ ءار مۇشەسىنىڭ جاعدايىن بىلۋگە، ولارعا كومەك كورسەتۋدىڭ جولدارىن ايقىنداۋعا مۇمكىندىك الادى. ماسەلەن، كەڭەس وكىمەتىنىڭ كەزىندە ءاربىر ۇجىمشار مەن كەڭشاردىڭ جاعدايى، ولاردىڭ وندىرگەن ونىمدەرى مەن الىپ وتىرعان جالاقىلارى، كىرىستەرى مەن شىعىستارى تولىق ەسەپتە بولعان سوڭ، مەملەكەت ءۇشىن ايناداي ايقىن ەدى. ەندى وسى جاعداي ەلىمىزدىڭ اۋىلدارىندا قايتادان ورنىعۋى ءتيىس. «ويباي اۋىل قۇرىدى، اۋىلدىڭ شارۋاسى ءبىتتى» دەگەن جالپىلاما ءسوز جويىلادى. قاي اۋىل قۇرىدى، قاي اۋىلدىڭ شارۋاسى ءبىتتى، ال قاي اۋىل جاقسى دامىپ كەلەدى، مىنە، وسى جاعداي انىقتالا باستايدى. تەرەڭ تالداۋلار جاساۋ، سودان كەيىن بارىپ شەشىم قابىلداۋ ءۇشىن وسىنىڭ ءوزى ۇلكەن ۇتىس بولىپ تابىلادى.

ارينە، اۋىل كووپەراتيۆتەرىن قالىپتاستىرىپ، دامىتۋ وڭاي ءىس ەمەس. كەڭەس وداعى اۋىل تىرشىلىگىن كۇشپەن بىرىكتىرگەننىڭ وزىندە بۇعان تالاي ۋاقىتىن جۇمساعان. الدىمەن ارتەلدەر قۇرىلعان، ولار بىرتە-بىرتە ۇجىمشارلارعا اينالدىرىلعان. مۇنان كەيىنگى ىرىلەندىرۋ ناتيجەسىندە كەڭشارلار پايدا بولعان. سوندىقتان ءدال قازىرگى ساتتە ءبىزدىڭ ەلىمىزدە اۋىل ادامدارىن كووپەراتيۆكە بىرىگۋگە ناسيحاتتاۋ ءىسى ەرەكشە ماڭىزعا يە بولىپ وتىر. اۋىل شارۋاشىلىعى مينيسترلىگىنىڭ مالىمەتى بويىنشا، ەلىمىزدىڭ 160 اۋدانىندا سەمينارلار وتكىزىلىپ، بارلىق اۋىل اكىمدەرى كووپەراتسيا نەگىزدەرىنە وقىتىلدى. ەندى ءوز بىلگەندەرىن حالىققا ءتۇسىندىرۋ – ولاردىڭ مىندەتى.

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

ۇقساس جاڭالىقتار