ەكسپو-2017 • 04 جەلتوقسان، 2017

اليحان بايمەنوۆ بۇۇ مەن تۇركيا ۇكىمەتى ۇيىمداستىرعان ىنتىماقتاستىق فورۋمىنا قاتىستى

234 رەتكورسەتىلدى

استانا مەملەكەتتىك قىزمەت حابىنىڭ باسقارۋشى كوميتەت توراعاسى اليحان بايمەنوۆ بۇۇ مەن تۇركيا ۇكىمەتى ۇيىمداستىرعان «وڭتۇستىك-وڭتۇستىك ىنتىماقتاستىعى نەگىزىندەگى عالامدىق دامۋ 2017» ەكسپو اياسىندا وتكىزىلگەن ءۇشىنشى ايماقتىق ىنتىماقتاستىق فورۋمىنا جانە باسقا دا شارالارعا قاتىستى.

اراب مەملەكەتتەرى، ەۋروپا جانە تمد ەلدەرىنە ارنالعان ءۇشىنشى ايماقتىق فورۋمدا جاستار كوشباسشىلىعىن ىلگەرىلەتۋ ارقىلى ىنتىماقتاستىقتى كەڭەيتۋ مۇمكىندىكتەرى قاراستىرالدى. اليحان بايمەنوۆ ءوز سوزىندە مەملەكەتتىك قىزمەتتى دامىتۋ بويىنشا ماقساتتارعا جەتۋدە جاس كوشباسشىلارعا قاجەت فاكتورلاردى كورسەتتى. «بىرىنشىدەن، بۇل - قۇندىلىقتار. ادامنىڭ ابىرويىن، اركىمنىڭ قۇقىعى مەن مۇددەسىن، ەڭبەگى مەن ۇمتىلىسىن، سونىمەن بىرگە ۋاقىتىن ءوزارا قۇرمەتتەۋ مەن تۇسىنىستىكپەن قاراۋعا نەگىزدەلگەن كورپوراتيۆتى مادەنيەتتەن كەز-كەلگەن جۇيە نەمەسە ۇيىم تەك قانا ۇتادى. ەكىنشىدەن، بۇل – ورتا. ەگەر كوشباسشىلار ادام الەۋەتىن بارىنشا دامىتۋعا جانە پايدالانۋعا جاعداي جاساسا، ۇيىمدار تيىمدىلىگى ارتا تۇسپەك»، - دەدى اليحان بايمەنوۆ.

باسقارۋشى كوميتەت توراعاسى، سونداي-اق، «مەملەكەتتىك قىزمەت كورسەتۋ سالاسىنداعى يننوۆاتسيانى دامىتۋعا ارنالعان تسيفرلى ەكوجۇيە» اتتى دوڭگەلەك ۇستەلگە قاتىستى. ول ءوز سوزىندە «قازىرگى ءوزارا بايلانىستى ءارى وزگەرمەلى الەمدە يننوۆاتسيالاردىڭ ۇكىمەت پەن ازاماتتار قارىم-قاتىناسى سيپاتىنا اسەر ەتەتىن ءار ءتۇرلى جاڭا سىناقتار، مۇمكىندىكتەر جانە ديلەممالار تۋعىزاتىنىن» اتاپ ءوتتى.   

ەۋرازيالىق ايماقتاعى وڭتۇستىك-وڭتۇستىك ىنتىماقتاستىعىنىڭ تابىستى مودەلدەرىن تالقىلاۋ بويىنشا سەسسيادا «ارىپتەستىك تۇراقتى دامۋ ماقساتتارىنا جەتۋدەگى ەلدەردىڭ ترانسفورماتسياسى تابىستىلىعىنىڭ ماڭىزدى فاكتورى» ەكەنىن ايتتى.  

بۇۇ دامۋ باعدارلاماسى، تۇركىتىلدەس حالىقتار ىنتىماقتاستىعى كەڭەسى، سينگاپۋر جانە بانگلادەش وكىلدەرى سەسسيالار بارىسىندا استانا حابىنىڭ مەملەكەتتىك قىزمەت سالاسىنداعى تاجىريبە جانە ءبىلىم الماسۋدىڭ تۇعىرناماسى رەتىندەگى حالىقارالىق جانە ايماقارالىق ىنتىماقتاستىقتى دامىتۋداعى ءرولىن اتاپ ءوتتى.

جيىندار بارىسىندا اليحان بايمەنوۆ بۇۇ باس حاتشىسىنىڭ وڭتۇستىك-وڭتۇستىك ىنتىماقتاستىعى بويىنشا ۋاكىلى حورحە چەديەكپەن، بۇۇ باس حاتشىسىنىڭ گۋمانيتارلىق ماسەلەلەر بويىنشا ۋاكىلى احمەد ال-مەرايكحيمەن، بۇۇ دب ەۋروپا جانە تمد ەلدەرى بويىنشا بيۋروسىنىڭ ايماقتىق ديرەكتورىنىڭ ورىنباسارى راستيسلاۆ ۆربەنسكيمەن، تۇركىتىلدەس ەلدەر ىنتىماقتاستىعى كەڭەسى باس حاتشىسى راميل حاسانوۆپەن، يسلام ىنتىماقتاستىعى ۇيىمىنىڭ زەرتتەۋلەر مەن وقىتۋ ورتالىعىنىڭ باس ديرەكتورى مۇسا كۋلاكليكايامەن، بانگلادەش، ماروككو جانە سينگاپۋر ەلدەرى وكىلدەرىمەن كەزدەستى.  

تاراپتار استانا حابىمەن ىنتىماقتاستىقتى كەڭەيتۋ جانە ءارى قاراي بىرلەسكەن ءىس-شارالار، ونىڭ ىشىندە مەملەكەتتىك باسقارۋ بويىنشا عىلىمي زەرتتەۋلەر جاساۋ، ساراپتامالىق ماتەريالدىر جانە زەرتتەۋلەر ناتيجەلەرىمەن الماسۋ، وقىتۋ باعدارلاماسىن دايارلاۋ بويىنشا پىكىر الماستى.  

حاب جۇمىسىنا 38 مەملەكەت، ونىڭ ىشىندە امەريكا، ەو، تمد، كاۆكاز جانە اسەان ەلدەرى قاتىسادى. 2014 جىلى، حابقا وڭتۇستىك-وڭتۇستىك ىنتىماقتاستىق بويىنشا بۇۇ باسقارماسىنىڭ سىيلىعى بەرىلدى. وڭتۇستىك-وڭتۇستىك ىنتىماقتاستىعى الەمنىڭ دامۋشى ەلدەرى اراسىنداعى ءوزارا قارىم-قاتىناس پەن رەسۋرستار، تەحنولوگيالار جانە ءبىلىم الماسۋدى بىلدىرەدى.

سوڭعى جاڭالىقتار

ارىماس ابىروي

رۋحانيات • كەشە

كونەدەن كەلگەن كونەك

رۋحانيات • كەشە

شىمبۇلاق شاڭعى ماۋسىمىن اشتى

قىسقى سپورت • كەشە

اتباسار

رۋحانيات • كەشە

ۇقساس جاڭالىقتار