سونداي-اق مەكەن-جايلار انىقتامالىعىندا اۋىلدىق وكرۋگتەر اكىمدەرىنىڭ اپپاراتتارى كورسەتىلمەگەندىكتەن, قىزمەت الۋشىلار نەگىزىنەن اۋدان اكىمىنىڭ اپپاراتىنا بارادى. الايدا, جەكەلەگەن قىزمەت تۇرلەرىن اۋىلدىق وكرۋگتەردىڭ اكىمدەرى كورسەتۋگە ءتيىستى. مىسالى, «ەلدى مەكەن شەگىندە وبەكت سالۋ ءۇشىن جەر ۋچاسكەسىن بەرۋ», «جەر ۋچاسكەسىنىڭ نىسانالى ماقساتىن وزگەرتۋگە رۇقسات بەرۋ» سياقتى قىزمەت كورسەتۋلەر جەر كودەكسىنىڭ باپتارىنا سايكەس جەكە جانە زاڭدى تۇلعالار جەر ۋچاسكەسى ورنالاسقان جەردەگى جەرگىلىكتى اتقارۋشى ورگانعا ءوتىنىش بەرەدى دەپ جازىلعان.
سونىمەن قاتار «ساۋدا-ساتتىقتى (كونكۋرستاردى, اۋكتسيونداردى) وتكىزۋدى تالاپ ەتپەيتىن مەملەكەت مەنشىگىندەگى جەر ۋچاسكەلەرىنە قۇقىقتار الۋ» جانە ««جول بويىنداعى سەرۆيس وبەكتىلەرىن ورنالاستىرۋ ءۇشىن جەر ۋچاسكەلەرىن تابىستاۋ تۋرالى شەشىم قابىلداۋ» مەملەكەتتىك كورسەتىلەتىن قىزمەت ستاندارتتارىندا جەرگە ورنالاستىرۋ جوباسى مەن كوميسسيانىڭ وڭ قورىتىندىسىن تاپسىرۋ قاراستىرىلماعان. الايدا, جەر كودەكسىنىڭ 43-بابىنىڭ 2-تارماعىنا سايكەس جەر ۋچاسكەسىن بەرۋ تۋرالى شەشىم اتالعان قۇجاتتاردىڭ نەگىزىندە قابىلدانادى. دەمەك, بۇل ستاندارتتار قولدانىستاعى زاڭناماعا قاراما-قايشى كەلەتىندىكتەن, ۇلتتىق ەكونوميكا ءمينيسترىنىڭ 2016 جىلعى 30 ناۋرىزداعى №151 بۇيرىعىنا ءتيىستى تۇزەتۋ ەنگىزۋ قاجەت.
بۇدان بولەك, مەملەكەتتىك كورسەتىلەتىن قىزمەتتەر رەەسترىنە سايكەس جەرگىلىكتى اتقارۋشى ورگاندار اۆتوبۋستارمەن, ميكرواۆتوبۋستارمەن قالاارالىق, وبلىسارالىق, اۋدانارالىق جانە حالىقارالىق قاتىناستاردا جولاۋشىلاردى تاسىمالداۋ ىسىمەن اينالىسۋ قۇقىعىنا ليتسەنزيا بەرۋ قىزمەتىن كورسەتەدى. الايدا, اتالعان قىزمەت «ە-ليتسەنزيالاۋ» پورتالىنىڭ «كولىك» بولىمىندە» جانە «قىزمەتتى ليتسەنزيالاۋ» بولىمىندە ۇشكە ءبولىنىپ كورسەتىلگەن. سونىڭ سالدارىنان كاسىپكەرلەر ءۇش ءتۇرلى قىزمەت بويىنشا ليتسەنزيا الۋعا ءماجبۇر بولىپ وتىر.
تاعى ءبىر جايت, حقو-لاردا كەزەكشىلىك جاسايتىن كەيبىر تار شەڭبەرلى ماماندىققا يە دارىگەرلەردىڭ تاپشىلىعى سالدارىنان كولىك جۇرگىزۋ قۇقىعىن العىسى كەلەتىن ادامدار كەيدە ۋاقىتتارىن تەككە جوعالتىپ, ورىندى رەنىش ءبىلدىرىپ جاتادى. وسىعان وراي ونى تۇرعىلىقتى جەرلەرىندەگى ەمحانالاردان الاتىن مەديتسينالىق انىقتامامەن الماستىرعان ءجون بولار.
وسى ماسەلەلەردى قاراستىرۋدى ءوتىنىپ, پرەمەر-ءمينيستردىڭ ورىنباسارى ا.جۇماعاليەۆكە دەپۋتاتتىق ساۋال جولداندى.
مايرا ايسينا,
ءماجىلىس دەپۋتاتى
