بەس وبلىستان كەلگەن 80 ستۋدەنت 11 قۇزىرەتتىلىك (ماماندىق) بويىنشا باقتارىن سىنادى. اتاپ ايتقاندا: كىرپىش قالاۋ, قۇرعاق قۇرىلىس, سىلاۋ جۇمىستارى, دانەكەرلەۋ, جەڭىل كولىكتەرگە قىزمەت كورسەتۋ, جوندەۋ, ەلەكترومونتاجداۋ, اسپازدىق ءىس, توكارلىق جۇمىس, IT جەلىسىن جۇيەلى باسقارۋ, كيىم ۇلگىلەۋ ماماندىعى بويىنشا سايىسقا ءتۇستى. شاراعا وبلىس اكىمدىگى, قر ءبىلىم جəنە عىلىم مينيسترلىگى, ءماسليحات دەپۋتاتتارى, وڭىرلىك "اتامەكەن" كəسىپكەرلەر پالاتاسى, رەسپۋبليكالىق كوللەدجدەردىڭ قاۋىمداستىعى وكىلدەرى مەن ساراپشىلارى قاتىستى.
ءۇش كۇنگە جالعاسقان بايقاۋدىڭ جابىلۋ سالتاناتى "بالداۋرەن" دەمالىس بازاسىندا ءوتىپ, جەڭىمپازدار ەسىمدەرى بەلگىلى بولدى. شارا تۇڭعىش پرەزيدەنت كۇنى مەرەكەسىنە جانە «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن, «رۋحاني جاڭعىرۋ» باعدارلاماسىن جۇزەگە اسىرۋ اياسىندا ءوتتى. «Batys Skills» بايقاۋى - «World Skills» جوباسى نەگىزىندە قالانعان. العاش رەت ۇيىمداستىرىلعان شارانىڭ ماقساتى - وڭىرلەردە جۇمىسشى ماماندىقتاردىڭ بەدەلىن كوتەرۋ. سونىڭ ىشىندە جۇمىسشى كاسىپتەرىنە جاستاردىڭ قىزىعۋشىلىعىن ارتتىرۋ بولىپ تابىلادى. سونىمەن قاتار, ايماقتار اراسىندا تاجىريبە الماستىرۋ. قازىرگى تاڭدا, وبلىستاعى كاسىپورىندارعا قاجەتتى جۇمىسشى كادرلارعا دەگەن سۇرانىس جىل ساناپ ارتىپ وتىر. سول سەبەپتى بۇل چەمپيوناتتىڭ ماڭعىستاۋدا وتكىزىلۋى كەزدەيسوقتىق ەمەس. ال چەمپيوناتتا تورەلىك ەتۋ ءۇشىن, قر كوللەدجىنىڭ قاۋىمداستىعى مەن ايماقتاردان بارلىعى 88 ساراپشىلار تارتىلعان. ماسەلەن, سايىستا ونەر كورسەتكەن 80 ستۋدەنتتىڭ 25-ءى جەرگىلىكتى كوماندادان قۇرالعان.
سايىستىڭ ەكىنشى كۇنىندە ستۋدەنتتەر زاۋىتتا, كوللەجدەردىڭ رەسۋرستىق جانە ترەنينگ ورتالىقتارىندا باقتارىن سىنادى. جارىس اقتاۋ قالاسى مەن قاراقيا اۋدانىنىڭ ورتالىعىندا ءوتتى. ايماقارالىق چەمپيوناتتىڭ جابىلۋ سالتاناتىنا ماڭعىستاۋ وبلىسى اكىمىنىڭ ورىنباسارى رۋسلان ساكەەۆ قاتىسىپ, جەڭىمپازدار مەن جۇلدەگەر اتانعان ستۋدەنتتەردى ماراپاتتادى. تەك ماڭعىستاۋلىق كوماندانى الاتىن بولساق, بارلىعى 11 قاتىسۋشى جۇلدەگە يە بولدى. ونىڭ بەسەۋى ۇزدىكتەر قاتارىنان كورىندى. اتاپ ايقاندا, مەيىرمان ۇيسەنوۆ «ەلەكترومونتاجدىق جۇمىستار», نايزاباي امانجولوۆ «كىرپىشتى قالاۋ», زامانبەك الىباەۆ «مايلاۋ جانە بەزەڭدىرۋ جۇمىستارى», بەرەكەت ەگەۋباەۆ «تەمىر جونۋشى», امانگۇل جالعاسباەۆ «ناۋبايشى ءىسى» جانە اقجارقىن كۋناەۆا «كيىم ۇلگىلەۋ» قۇزىرەتتىلىگى بويىنشا جەڭىمپاز دەپ تانىلدى. وڭىرلىك "اتامەكەن" كاسىپكەرلەر پالاتاسى ادامي كاپيتالدى دامىتۋ ءبولىمىنىڭ باسشىسى گۇلجان شايمەردەنوۆانىڭ ايتۋىنشا, ستۋدەنتتەردىڭ دەنى ۇلكەن دايىندىقپەن كەلگەن جانە چەمپيوناتتا ءوزارا سايىسقا ءتۇسىپ, شەبەرلىكتەرىن شىڭداۋعا مۇمكىندىك الدى. ء"بىز مۇنداي جوبالاردى قولدايمىز. ەڭ باستىسى جاستاردىڭ قىزىعۋشىلىعى جوعارى ەكەندىگىن بايقادىق. وزگە وبلىستاردان كەلگەن ستۋدەنتتەر دە چەمپيونات جوعارى دەڭگەيدە وتكەندىگىن العا تارتىپ وتىر. وسى شارانىڭ وتۋىنە ۇلەس قوسقان وقۋ ورىندارىنىڭ باسشىلارى جارادى. الداعى ۋاقىتتا, ءبىزدىڭ ستۋدەنتتەرىمىز جەڭىس جولىن جالعاستىرادى دەگەن سەنىمدەمىز", - دەدى ول. ايتا كەتۋ كەرەك, «Batys Skills» ايماقارالىق چەمپيونات ماڭعىستاۋ وڭىرىنەن باستاۋ الىپ, كەزەكتى سايىس كەلەر جىلى اقتوبەدە وتەتىن بولىپ
بەلگىلەندى, دەپ حابارلادى egemen.kz تىلشىسىنە ماڭعىستاۋ وبلىسى "اتامەكەن" كاسىپكەرلەر پالاتاسىنىڭ ساراپشىسى كامشات ءىزباساروۆا.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
