ايتۋلى شاراعا 48 بۇركىت, 4 قارشىعا, 4 يتەلگى قاتىسۋدا. قىتايدان 3, موڭعوليادان 2 بۇركىتشى كەلسە, قالعانى قازاقستاننىڭ تۇكپىر-تۇكپىرىنەن كەلدى.
كەشە قانسوناردىڭ قولعا شاقىرۋ, شىرعاعا ءتۇسىرۋ ءبولىمى ءوتىپ, ودان ىرىكتەلىپ شىققان قىراندار بۇگىن قويانعا سالۋ بويىنشا بəسەكەگە ءتۇستى. نəتيجەدە 7 بۇركىت فينالعا شىعىپ, ەرتەڭ جارىستىڭ تۇلكىگە سالۋ بولىمىندە باق سىناسادى. ال, قارشىعا جəنە يتەلگى قىراندارى ءوز الدارىنا جەكە-جەكە جارىسقا تۇسەدى. ويتكەنى, قارشىعا كەپتەردى شەڭگەلدەي سىعىپ ۇستاسا, يتەلگى تەپكىنمەن الادى. سوندىقتان دا قارشىعا مەن يتەلگى بولەك جارىسقا ءتۇسىپ وتىر. سونداي-اق, بۇل سوناردا تەك بۇركىتشىلەر اراسىندا تۇڭعىش رەت اساۋ ۇيرەتۋ, تەڭگە ءىلۋ, قىزقۋ, ساداق اتۋ, اۋدارىسپاق, كوكپار تارتۋ بويىنشا جارىس وتكىزىلۋدە. بۇعان ءداستۇرلى ءان مەن كۇي سايسى دا قوسىلىپ وتىر.
ەلباسىنىڭ «بولاشاققا باعدار: رۋحاني جاڭعىرۋ» ماقالاسىندا العا قويىلعان ماقساتتاردى جۇزەگە اسىرۋ نەگىزىندە ءوتىپ جاتقان سوناردى قازاقستان رەسپۋبليكاسى مəدەنيەت جəنە سپورت مينسترلىگى سپورت جəنە دەنە شىنىقتىرۋ كوميتەتىنىڭ, ۇلتتىق سپورت تۇرلەرى قاۋىمداستىعىنىڭ جانە «قانسونار» اڭشىلاردىڭ قوعامدىق بىرلەستىكتەرى مەن اڭشىلىق شارۋاشىلىعى سۋبەكتىلەرىنىڭ رەسپۋبليكالىق قاۋىمداستىعىنىڭ قولداۋىمەن الماتى وبلىستىق تۋريزم, دەنە شىنىقتىرۋ جəنە سپورت باسقارماسى مەن «قىران» فەدەراتسياسى ۇيىمداستىرىپ وتىر.
سوناردىڭ اشىلۋىندا مەملەكەت جəنە قوعام قايراتكەرلەرى, ۇلتتىق سپورت قامقورشىلارى ورالباي Əبدىكəرىم, قانات احمەتوۆ, الاششىل اقىن, ء«دəستۇر» جۋرنالىنىڭ باس رەداكتورى قاسىمحان بەگمانوۆ جəنە «جالايىر شورا» قۇسبەگىلىك مەكتەبىنىڭ ىرگەتاسىنىڭ قالانۋىنان باستاپ باسى-قاسىندا جۇرگەن, بۇگىندە اتالمىش مەكتەپتىڭ جەتەكشىسى, ۇلتىمىزدىڭ قۇسبەگىلىك ونەرىنىڭ قايتا جاڭعىرىپ, دامۋىنا ەسەلى ەڭبەك ءسىڭىرىپ كەلە جاتقان قازاقتىڭ قايراتكەر قىزى, «قىران» فەدەراتسياسىنىڭ اتقارۋشى ديرەكتورى باعدات مۇپتەكەقىزى ءسوز سويلەپ, قاتىسۋشىلارعا سəتتىلىك تىلەدى.
قاندىبالاق قىرانداردىڭ قىزىقتى جارىسى ەرتەڭ اياقتالادى.
ۇلاربەك نۇرعالىم ۇلى,
«ەگەمەن قازاقستان».
الماتى وبلىسى, سىرىمبەت اۋىلى
