نەگىزىنەن اقمولا وبلىسىنىڭ بوكس تاريحى ءوز باستاۋىن 1963 جىلدان الادى. سپورتتىڭ بۇل ءتۇرى دامۋىنىڭ باسى-قاسىندا بەلگىلى جاتتىقتىرۋشىلار امانگەلدى بالتاباەۆ, ورازالي اقانوۆ, ساعىنتاي جامانعۇزوۆ جانە قۋانىشبەك اجىعۇلوۆ تۇردى. قازىر ارامىزدا وزدەرى جوق بولعانىمەن, ولاردىڭ وسكەلەڭ ۇرپاق بويىندا زور دەنساۋلىق پەن مىقتى رۋح سىڭىرۋگە ارناعان ىستەرى ءوز جالعاسىن تابۋدا. ول جونىندە اقمولا وبلىسى دەنە شىنىقتىرۋ جانە سپورت باسقارماسىنىڭ باسشىسى نادەجدا پاتيۋتكينا بىلاي دەيدى: «مەنىڭ پايىمىمشا, اقمولا وبلىسى بوكسىنىڭ دامۋى جولىندا وتە كوپ تەر توككەن ادامداردى ەسكە الۋ جانە تاجىريبە الماسۋ – جاستار ءۇشىن وتە ماڭىزدى. تۋرنير جىلدان جىلعا دامىپ كەلەدى. ءبىز ءۇشىن بوكستىڭ ءار ءتۇرلى بوكس مەكتەپتەرى ءبىر ارنادا توعىسىپ, بالالار وزدەرىنىڭ كاسىبي دەڭگەيلەرىن كوتەرەتىن بولادى».
بۇل رەتتە «قاجىمۇقان» سپورت كەشەنىنىڭ رينگىندە ەلىمىزدىڭ ءار وڭىرىنەن كەلگەن سپورتشىلاردىڭ قاتارىندا رەسپۋبليكالىق جانە وبلىستىق تۋرنيرلەردىڭ جەڭىمپازدارى دا بار. سونىڭ ىشىندە اقمولالىق بوكسشىلار دا جەرگە قاراتپاي, وزدەرىنىڭ سپورتتىق دايىندىقتارىن بارلىق جاعىنان كورسەتە ءبىلدى.
اسقار تۇراپباي ۇلى,
«ەگەمەن قازاقستان»
اقمولا وبلىسى
