سونىمەن قاتار تاراز قالاسىنداعى «دوستىق ۇيىندە» اۋداندىق ماڭىزى بار قالا, اۋىلدىق وكرۋگتەر جانە اۋىل اكىمدەرىنە ارنالعان ارنايى سەمينار-كەڭەس ءوتتى. مۇندا قارجى-ەكونوميكالىق ساياساتتىڭ وزەكتى ماسەلەلەرى, اۋىل شارۋاشىلىعى سالاسىنىڭ وزەكتى ماسەلەلەرى, كاسىپكەرلىكتى دامىتۋ, تۋريزم, ەڭبەك قاتىناستارىنىڭ وزەكتى ماسەلەلەرى جانە ينفراقۇرىلىمدى دامىتۋ, سونداي-اق دەنساۋلىق ساقتاۋ سالاسىنىڭ وزەكتى ماسەلەلەرى ءسوز بولدى. اتالعان سەمينار-كەڭەستى جامبىل وبلىسى اكىمىنىڭ ءبىرىنشى ورىنباسارى بەكبولات ورىنبەكوۆ اشىپ, جەرگىلىكتى مەملەكەتتىك جانە ءوزىن-ءوزى باسقارۋدى ودان ارى دامىتۋدىڭ ماڭىزدىلىعىنا توقتالدى. «بۇگىندە مەملەكەت باسشىسى تاراپىنان جەرگىلىكتى ءوزىن-ءوزى باسقارۋ ماسەلەسىنە باسا نازار اۋدارىلۋدا. ونىڭ ايقىن دالەلى رەتىندە ەلباسىنىڭ «100 ناقتى قادام» ۇلت جوسپارىنىڭ مەملەكەتتىك اپپارات قالىپتاستىرۋ دەپ اتالاتىن بەسىنشى بولىگىندەگى ەسەپ بەرەتىن اۋىلدىق وكرۋگ, اۋىل, اۋداندىق ماڭىزداعى قالا دەڭگەيىندە جەرگىلىكتى ءوزىن-ءوزى باسقارۋدىڭ دەربەس بيۋدجەتىن ايتساق تا بولادى», دەدى ول ءوز سوزىندە.
سونىمەن قاتار بارلىق دەڭگەيدەگى اكىمدەرگە مەملەكەتتىك قىزمەتتىڭ جاڭا مودەلى تۋرالى, رەسپۋبليكالىق جانە جەرگىلىكتى بيۋدجەتتىڭ كىرىس بولىگىن ورىنداۋ ماسەلەلەرى, سونداي-اق جەرگىلىكتى اتقارۋشى ورگاندارداعى ورىنداۋشىلىق ءتارتىپ ماسەلەلەرى تۋرالى باياندامالار وقىلىپ, قويىلعان سۇراقتارعا بايانداماشىلار تاراپىنان جاۋاپ بەرىلدى. سەمينار-كەڭەس بارىسىندا بەكبولات ورىنبەكوۆ ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا كورسەتىلگەن تاپسىرمالاردى اۋداندىق ماڭىزى بار قالا, اۋىلدىق وكرۋگتەر جانە اۋىلداردا قالاي ىسكە اسىرۋ كەرەكتىگىنە دە توقتالدى. سونداي-اق, ەلباسى ماقالاسىندا ايتىلعان لاتىن الىپبيىنە كوشۋ, «تۋعان جەر», «قازاقستانداعى 100 جاڭا ەسىم», «قازاقستاننىڭ قاسيەتتى رۋحاني قۇندىلىقتارى» جوبالارىن ىسكە اسىرۋ جايى دا تالقىلاندى.
حاميت ەسامان,
«ەگەمەن قازاقستان»
جامبىل وبلىسى
