سوتتا انىقتالعانداي, «فورتە لاين» جشس-ءنىڭ ديرەكتورى ۋكرايندىق ب. مەن «تراست-پرەمەر» جشس-ءنىڭ ديرەكتورى ت. 2014-2015 جىلدارى قاساقانا, پايداقورلىق نيەتپەن, بوتەن م ۇلىكتى الداۋ نەمەسە سەنىمدى تەرىس پايدالانۋ جولىمەن, ءىرى جانە اسا ءىرى كولەمدە پايدا تابۋ ماقساتىندا, اقتاۋ قالاسى اۋماعىندا زاڭسىز ينۆەستيتسيالىق كومپانيالار اشىپ, ارنايى جارنامالار تاراتىپ, قالا تۇرعىندارىنا جالعان اقپاراتتار بەرىپ, كليەنتتەرگە ىڭعايلى جانە قولجەتىمدى «دوم-35», «دوم-15», «كوپيلكا» باعدارلامالارى ارقىلى جالعان ينۆەستيتسيالىق كەلىسىم شارتتار جاساقتاپ, ءىرى مولشەردە اقشا الىپ وتىرعان.
ياعني, سوتتالۋشى ب. 2015 جىلدان باستاپ تۇرعىن ءۇي الۋعا كومەكتەسۋ ماقساتىندا ءار جابىرلەنۋشىمەن 1 ملن تەڭگەدەن 9 ملن تەڭگەگە دەيىن ءار ءتۇرلى كولەمدە جالعان كەلىسىم شارت جاساقتاپ, قارجىلاي شىعىن كەلتىرىپ وتىرعان. ال, ت. ءوزىنىڭ زاڭسىز اشىلعان كومپانياسى ارقىلى ازاماتتارعا قاراجات سالعان جاعدايدا از ۋاقىتتا ۇستەم اقىمەن اقشاسىن قايتارىپ الا الاتىنىن ايتىپ, سەنىمىنە كىرىپ, جالعان ينۆەستيتسيالىق باعدارلاماعا قىزىقتىرىپ, 200 مىڭ تەڭگەدەن باستاپ 4 ملن تەڭگەگە دەيىن ءار ءتۇرلى كولەمدە جالعان كەلىسىم شارت جاساسىپ, قارجىلاي شىعىن كەلتىرىپ وتىرعان.
سوت ۇكىمىمەن ب. مەن ت. قازاقستان رەسپۋبليكاسىنىڭ قىلمىستىق كودەكسىنىڭ 190-بابىنىڭ 4 بولىگىنىڭ 2-تارماعىمەن كىنالى دەپ تانىلىپ, زاڭسىز جولمەن تابىلعان نە زاڭسىز جولمەن تابىلعان قاراجاتقا ساتىپ الىنعان م ۇلىكتەرىن تاركىلەۋمەن, سايكەسىنشە, 6 جىلعا جانە 5 جىلعا باس بوستاندىقتارىنان ايىرۋ جازالارى تاعايىندالدى.
72 جابىرلەنۋشىنىڭ ازاماتتىق تالاپ ارىزدارى تولىق قاناعاتتاندىرىلىپ, سوت ۇكىمىنىڭ ازاماتتىق تالاپ بولىگىندە سوتتالۋشىلاردان ولاردىڭ پايداسىنا كەلتىرىلگەن شىعىن كولەمىن تولىق ءوندىرۋ تۋرالى كورسەتىلدى.
سوت ۇكىمى زاڭدى كۇشىنە ەنگەن جوق. تاراپتار ۇكىمگە ون بەس تاۋلىك ىشىندە اپەللياتسيالىق شاعىم بەرۋگە جانە اپەللياتسيالىق نارازىلىق كەلتىرۋگە قۇقىلى, دەلىنگەن ءباسپاسوز حابارلاماسىندا. سونداي-اق, اقتاۋ قالالىق سوتىندا ماڭعىستاۋ وبلىسى بويىنشا قاجد گم-172/6 مەكەمەسىنىڭ باسشىسى ت.-عا قاتىستى سوت ۇكىمى جاريالاندى.
سوتتا انىقتالعانداي, سوتتالۋشى ت. مەكەمە باستىعى قىزمەتىن اتقارىپ ءجۇرىپ, پايداقورلىق نيەتپەن, مەملەكەتتiك فۋنكتسيالاردى ورىنداۋعا ۋاكiلەتتiك بەرىلگەن لاۋازىمدى ادام بولا تۇرا, لاۋازىمدىق جاعدايىنا بايلانىستى پارا الۋعا ىقپال جاساي وتىرىپ, جالپى قامقورلىعى جانە جول بەرۋشىلىگى ءۇشىن مۇلiك سيپاتىنداعى پارا الۋ ماقساتىندا سىبايلاس جەمقورلىققا قاتىستى قىلمىس جاساعان. ياعني, جازاسىن وتەۋشىلەردىڭ بىرىنەن تۋىستارى ارقىلى جاڭا نوۋتبۋك العان.
سوت ۇكىمىمەن ت. قازاقستان رەسپۋبليكاسىنىڭ قىلمىستىق كودەكسىنىڭ 366-بابىنىڭ 3-بولىگىنىڭ 1 تارماعىمەن كىنالى دەپ تانىلىپ, جەكە مەنشىگىندەگى قىلمىستىق جولمەن تابىلعان مۇلكى تاركىلەنىپ, «ادىلەت مايورى» ارناۋلى اتاعىنان ايىرۋمەن بىرگە, مەملەكەتتiك قىزمەتتەگى بەلگىلى ءبىر لاۋازىمداردى اتقارۋ قۇقىعىنان ءومىر بويىنا ايىرا وتىرىپ, وعان 7 جىل مەرزىمگە باس بوستاندىعىنان ايىرۋ جازاسى تاعايىندالدى.
سوت ۇكىمى زاڭدى كۇشىنە ەنگەن جوق.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
