وليمپيادا ءۇش كەزەڭدە ءوتىپ, ءبىرىنشى كەزەڭگە زياتكەرلىك مەكتەپتەردەن 500-دەن استام وقۋشى قاتىستى. ەكىنشى كەزەڭ رەسپۋبليكانىڭ بارلىق وڭىرلەرىندە ءبىر مەزگىلدە ونلاين رەجيمىندە وتكىزىلدى. سونداي-اق, بۇل كەزەڭدە ەسسە جازدى. ال ءۇشىنشى كەزەڭ, تەمىرتاۋ قالاسىندا ءوتتى.
-وليمپيادانىڭ ەكى كۇنىندە حيميا, بيولوگيا, ماتەماتيكا, فيزيكا پاندەرى بويىنشا تاپسىرمالار بەرىلدى. جارىستا جەڭۋىم مەنى ۇزبەي دايىنداعان مۇعالىمدەردىڭ ارقاسى. بۇل جەڭىس سولاردىڭ جەڭىسى دەپ بىلەمىن, - دەيدى جاڭگىر ماحمۋتوۆ.
زياتكەرلەر بايقاۋىنا اكادەميك مۇحتارباي وتەلباەۆ باستاعان ەلىمىزىڭ بەلدى ۋنيۆەرسيتەتتتەرىنىڭ ۇستازدارى تورەلىك ەتتى.
ايتا كەتەيىك, ماتەماتيكا, فيزيكا, حيميا جانە بيولوگيا پاندەرى بويىنشا وتەتىن پرەزيدەنتتىك وليمپيادا, تالانتتى جاستاردى انىقتاۋ جانە قولداۋ باعىتتارىنىڭ ءبىرى. وليمپيادانىڭ نەگىزگى يدەياسى - قازاقستاندىق وقۋشىلاردىڭ عىلىم جانە ماتەماتيكا پاندەرىنە قىزىعۋشىلىعىن كەڭەيتۋ, ولاردى پاتريوتيزم رۋحىندا تاربيەلەۋ.
سونداي-اق, جاڭگىر ماحمۋتوۆ, 11-سىنىپ وقۋشىسى نۇرداۋلەت مارالوۆپەن بىرىگىپ «Hello Tourist» جوباسىن جاساقتاۋدا. كوماندا استانادا وتكەن ۇلتتىق يننوۆاتسيالىق تەحنولوگيالار وليمپياداسىنا قاتىسىپ, جوبالارىن ۇسىنىپ تا كوردى.
-«Hello Tourist» جوباسى - بۇل ەلىمىزدىڭ كورىكتى جەرلەرىن تۋريستەرگە تانىستىرىپ قانا قويمايدى. سول جەرگە باراتىن كولىكتەردىڭ, ايماقتا بار تاماقتانۋ ورىندارى, ۇيىقتايتىن جەرلەر تۋرالى اقپارات, بايلانىس نومىرلەرى كورسەتىلگەن تەگىن ءموبيلدى قوسىمشا جانە سايتتان تۇرادى. اقپاراتتى جاڭارتىپ, ۇنەمى تولىقتىرىپ وتىرۋعا جاعداي جاساپ جاتىرمىز. «قازاقستان 2050» قوزعالىسىنىڭ ۇيىمداستىرۋىمەن تۇڭعىش رەت وتكەن وليمپياداعا بارىپ, جوبامىزدى تانىستىردىم, - دەيدى نۇرداۋلەت مارالوۆ.
رەسپۋبليكا بويىنشا بايقاۋعا 200-دەن استام ادام قاتىسۋعا نيەت بىلدىرگەن. تەك سونىڭ 55-ءى عانا ىرىكتەپ الىنىپ, ءتۇرلى سىناقتاردان ءوتتى. مارەگە تەك 10 وقۋشى عانا جەتىپ استانادا ءوز جوبالارىن قورعادى. ناتيجەسىندە نۇرداۋلەت مارالوۆ پەن جاڭگىر ماحمۋتوۆ «شاگ» كومپيۋتەرلىك اكادەمياسىندا ءبىر جىل تەگىن وقۋعا سەرتيفيكات جەڭىپ الدى.
وقۋشىلار جوباسىن ءالى دە جالعاستىرماق. زياتكەرلەردىڭ جوبا جەتەكشىسى ازامات ءتۋيتيننىڭ سوزىنشە, بۇل ەلىمىزدىڭ كورىكتى دە كورنەكى جەرلەرىن دامىتۋدا ايتارلىقتاي ۇلەس قوسادى, دەلىنگەن ءباسپاسوز حابارلاماسىندا.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
