سىرت الاڭدا تاعى دا تاس-تالقان ۇتىلدىق. تاعى دەۋىمىزدىڭ سەبەبى, ەكى كۇن بۇرىن وسى "سيبير" ءبىزدىڭ حوككەيشىلەردى "سىلكىپ" العان.
كەزدەسۋدىڭ ءبىرىنشى كەزەڭىندە ءبىرىنشى بولىپ ەسەپتى ايدىن يەلەرى اشتى. ارتىنشا 5 مينۋت وتپەي نوۆوسىبىرلىك اندرەي ەرماكوۆ ەسەپتى ەسەلەدى. قوناقتاردىڭ ابدىراپ قالعان بايقاعان ايدىن يەلەرى شابۋىلدى ۇدەتە ءتۇستى. ابىروي بولعاندا تالعات جايلاۋوۆ باستاعان حوككەيشىلەرىمىز تەز ەس جيىپ, ەسەپ ايىرماسىن قىسقارتتى. ءتىپتى, كەزدەسۋدىڭ ءبىرىنشى كەزەڭى بىتپەي تۇرىپ, ەسەپتى تەڭەستىرىپ ۇلگەرگەن. ۇزىلىسكە ساناۋلى مينۋتتار قالعاندا ستەپان ساننيكوۆ قاقاپاشىمىزدى سان سوقتىرىپ كەتتى.
ەكىنشى كەزەڭدە ءبىزدىڭ حوككەيشىلەر تəپ-ءتəۋىر وينادى. ويلاعاندارى وڭاي جۇزەگە اسىپ جاتتى. "بارىستىقتار" باسىمدىلىققا يە بولىپ, ەكى شايبا سوقتى. نəتيجەلى ويىنىمەن تالعات جايلاۋوۆ جانە نايدجەل دوۋس كوزگە ءتۇستى. تارتىستى كەزدەسۋدىڭ ءۇشىنشى كەزەڭىنە ءنوۆوسىبىر جىگىتتەرى جۇلقىنىپ شىعىپ, جەڭىستى ج ۇلىپ الدى. بيىل بۇل كومانداعا "بارىستىڭ" شاماسى كەلەر ەمەس. قورىتىندى ەسەپ 6-4.
ويىننان كەيىن ءوز ويىمەن بولىسكەن ەۆگەني كورەشكوۆ سوڭعى بولىمگە كۇشىمىز جەتپەگەنىن قاداپ ايتىپتى.
"كەرەمەت كەزدەسۋ. 10 شايبانىڭ سوعىلۋى سوزىمە دالەل. وكىنىشتىسى جەڭىستى قولدان بەردىك. شارشاپ قالدىق. ءۇشىنشى بولىمدە ۇقىپتىراق ويناۋ كەرەك. دەگەنمەن, شəكىرتتەرىمنىڭ تالپىنىسىنا تالاسىم جوق. ەشقايسىسى ايانىپ قالمادى. قاتەلىكتەرىمىزدى قاپەرگە الىپ, الداعى ويىنعا دايىندالامىز" - دەپ قورىتىندىلاپتى باس باپكەرىمىز.
كەلەسى ويىندى 25 قاراشا كۇنى "بارىس" سىرت ايدىندا كوش باسىنداعى "اك بارس" كومانداسىنا قارسى وتكىزەدى.
ەركەبۇلان جومارت
"ەگەمەن قازاقستان"
