سول كەزدەسۋدەن كەيىن ستانيمير ستويلوۆ شاكىرتتەرى ءوز الاڭىندا 17 ويىن قاتارىنان ەشكىمگە ەسە جىبەرمەي كەلەدى. ءتىپتى, اۋزىن ايعا بىلەگەن ءمادريدتىڭ «اتلەتيكوسى» «استانا-ارەنادا» ءبىر ۇپايدى قاناعات ەتتى. تۇرىكتىڭ «گالاتاسارايىن» تəۋبەسىنە كەلتىرە جازداعان ەدى. جۇرت ماقتاعان «بەنفيكا» ءتىپتى تەڭ ويىنعا ءماز بولىپ كەتتى. گرەكيانىڭ «وليمپياكوس», كيپردىڭ اپوەل سياقتى ورتاڭقول كوماندالاردى ايتپاعاندا, شوتلانديانىڭ «سەلتيگىن» دە سان سوقتىرعانبىز. قىسقاسى, «استانا» ءوز الاڭىندا ۇتىلۋ دەگەندى ءۇش جىل بۇرىن ۇمىتقان كوماندا.
بىراق, بۇگىنگى كەزدەسۋ بۇرىنعىلاردان وزگەرەك. «ۆيلياررەال» يسپانيا فۋتبولىنداعى تاڭداۋلى كوماندالاردىڭ ءبىرى. ۇجىمدىق فۋتبولدىڭ كەرەمەت ۇلگىسىن كورسەتىپ جۇرگەن كوماندالاردىڭ بىرەگەيى. ىشكى بىرىنشىلىكتە وڭايلىقپەن ەشكىمگە ۇپاي ۇستاتپايدى. لا ليگاداعى سوڭعى ءۇش ويىندا ۇتىلماعان. تۋرنير كەستەسىندە التىنشى ورىندا تۇرسا دا الار اسۋى الدا. ۇزدىك ۇشتىكتەن كورىنۋگە ۇمتىلىپ جۇرگەن, ناقتى ماقساتى بار, مىقتى ۇجىم.
سايدىڭ تاسىنداي سايىپقىرانداردان جاساقتالعان «سارى سۋبماريندەر» سەدريك باكامبۋ مەن كارلوس باككاعا سەنىم ارتادى. كەشە ماتچ الدىنداعى ءباسپاسوز ماسليحاتىندا مۇنى باس باپكەر حاۆەر كالەحا جاسىرماي ايتتى. ەكەۋى دە ويىننىڭ تاعدىرىن شەشە الاتىن شەبەر شابۋىلشىلار. مانۋەل تريگوريستىڭ دە ورنى ەرەكشە. ول از دەسەڭىز, ورتالىق الاڭدا ويقاستايتىن پابلو فورنالستى قوسىڭىز. يتاليا ۇلتتىق قۇراماسىنىڭ ويىنشىسى نيكولا سانسونە دە العىرلاردىڭ ءبىرى. قورعانىستا كابانانگا مەن تۆۋماسيگە تۇساۋ سالۋعا تىرىساتىن ماريو گاسپار, حاۋمە كوستا, رۋبەن سەمەدۋ سياقتى تاسقامال قورعاۋشىلار بار.
ال ءبىز يۆان ماەۆسكي مەن سەرىكجان مۇجىقوۆتارعا سەنىم ارتامىز. ابزال بەيسەبەكوۆ تە بارىن سالارى انىق. مارين توماسوۆ تا تارتىنىپ قالماس. رومان مۇرتازاەۆتان دا ءۇمىت زور. ەڭ باستىسى دجۋنيور كابانانگا مەن پاتريك تۆۋماسي بار بىلگەندەرىنەن جاڭىلماسىن.
قوس كوماندا ءۇشىن دە كەزدەسۋدىڭ نəتيجەسى ماڭىزدى. قاي جەڭگەنى پلەي-وفف كەزەڭىنە ءبىر تابان جاقىندايدى. ستانيمير ستويلوۆ شəكىرتتەرىنەن ءۇمىتىمىز زور. سەبەبى, «استانا» بۇگىنگى قازاق فۋتبولىنىڭ ايناسى. بويتۇمارى. بۇگىنگى «استانا» ەلىمىزدەگى ميلليونداعان جانكۇيەردى كوك جəشىككە تەلمىرتەتىن جالعىز قازاق كومانداسى. جەڭىستى كۇندەر كوپ بولسىن!
ەركەبۇلان جومارت,
«ەگەمەن قازاقستان»
