پورتالدىڭ حابارلاۋىنشا, Android بازاسىنداعى تەلەفوندار جاقىن جەردەگى ءموبيلدى بايلانىس ستانسالار تۋرالى اقپاراتتاردى جيناپ, ونى Google كومپانياسىنا بەرگەن. بۇل مالىمەتتەر سمارتفون يەسىنىڭ ناقتى مەكەن-جايىن كورسەتىپ بەرە الادى. اتالعان پروبلەما Google Play Services قوسىمشاسىن ىسكە قوسقان تەلەفونداردا بايقالعان.
جەكە مالىمەتتەردىڭ قۇپيا ساقتالۋىن قولدايتىن بەلسەندىلەر Google ء"وز تۇتىنۋشىلارىن ساتىپ كەتتى" دەپ مالىمدەدى.
Google Quartz سايتى جاريالاعان اقپاراتقا جاۋاپ بەرىپ, كومپانيا سەرۆەرلەرىندە تۇتىنۋشىلاردىڭ مەكەن-جايى تۋرالى اقپارات ساقتالماعانىن, گەولوكاتسيالىق مالىمەتتەردى جولداۋدى توقتاتۋ ءۇشىن Android جۇيەسىنە وزگەرىستەر ەنگىزەتىنىن ايتتى.
Google 11 اي بويى ستانسالاردىڭ مەكەن-جايلارىن حابارلاما جىبەرۋ جىلدامدىقعى مەن ساپانى ارتتىرۋ ءۇشىن جيناعان. كومپانيانىڭ ايتۋىنشا, جينالعان اقپارات بىردەن ءوشىرىلىپ وتىرعان.
ينتەرنەتتەگى تۇتىنۋشىلار قۇقىعىن قورعاۋمەن اينالىساتىن Privacy International ۇيىمى ادامدار قولدارىنداعى سمارتفونداردىڭ نە ىستەپ جاتقاندارىن بىلمەيتىنىن ايتتى. ء"بىز سمارتفون ساتىپ العاندا, مۇنداي ساتقىندىقتى كۇتپەيمىز. Google بۇل ارەكەتتەرىن توقتاتامىز دەپ ايتقانىمەن, ونىڭ بىزگە ايتپاي تاعى نە ىستەپ جاتقانىنان ءبىز بەيحابارمىز", دەيدى ۇيىمنىڭ زاڭگەرلەرى.
