شاراعا مادەنيەت جانە سپورت مينيسترلىگىنىڭ دەپارتامەنت ديرەكتورى الماز نۇرازحان, ەكسپەديتسيا جەتەكشىسى, پولياك ساياحاتشىسى جانە زەرتتەۋشىسى ياتسەك پالكەۆيچ, مادەنيەت جانە سپورت مينيسترلىگىنىڭ قازاق عىلىمي-زەرتتەۋ مادەنيەت ينستيتۋتىنىڭ ديرەكتورى اندرەي حازبۋلاتوۆ جانە «Kazakh Tourism» ۇلتتىق كومپانياسى» اق باسقارما توراعاسىنىڭ ورىنباسارى تيمۋر دۇيسەنعاليەۆ قاتىستى.
جيىن بارىسىندا قاتىسۋشىلار ەكسپەديتسيا بارىسىندا قىتاي, قىرعىزستان, وزبەكستان, قازاقستان جانە رەسەي, بەلارۋس پەن پولشا ارقىلى ءوتۋ جوسپارلانعانىن جەتكىزىپ, جوبانىڭ نەگىزگى ماقساتى – ۇلى جىبەك جولىنىڭ مارتەبەسىن قايتارۋ, جانداندىرۋ جانە ازيا مەن ەۋروپا اراسىنداعى ساۋدا كەرۋەندەرى ارقىلى قاتىناسقان ەلدەردىڭ مادەني بايلانىسىن نىعايتۋ ەكەنىن تىلگە تيەك ەتتى.
«جاڭا جىبەك جولى – 2018» حالىقارالىق ەكسپەديتسياسى – استانانىڭ 20 جىلدىق مەرەيتويى اياسىندا ىسكە اسىرىلاتىن جوبا. سونىمەن قاتار شارا تاريحشىلار, ارحەولوگتار مەن ەتنوگرافتاردىڭ قاتىسۋىمەن, ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا ىسكە اسىرىلىپ, «قازاقستاننىڭ كيەلى جەرلەرىنىڭ گەوگرافياسى» جوباسىمەن ساباقتاسادى. بۇگىنگى كۇنى ءبىز وسى باعىتتا ۇلكەن جۇمىس جۇرگىزدىك. مادەني-تاريحي بەلدەۋگە كىرەتىن نىسانداردىڭ ءتىزىمى جاسالدى. قازاق عىلىمي زەرتتەۋ-مادەنيەت ينستيتۋتى قۇراستىرعان ۆيرتۋالدى كارتا ىسكە قوسىلدى. جوسپارلانعان ەكسپەديتسيانىڭ ناتيجەلەرى مادەني مۇرامىزدى تولىقتىرۋعا مۇمكىندىك بەرىپ, ونى بۇكىل الەمگە ايگىلەيدى», دەپ اتاپ ءوتتى الماز نۇرازحان.
ەكسپەديتسيا ءساۋىر ايىندا قىتايدان باستالىپ, ماۋسىمدا پولشادا مارەسىنە جەتەتىنىن ايتا كەتسەك دەيمىز. ونىڭ بارىسىن بارلىق قاتىسۋشى ەلدەر باقىلاي الادى, قۇرامى مەن باعىتى تۋرالى اقپاراتتى جانە وسى تاقىرىپ بويىنشا بارلىق جاڭالىقتار ەكسپەديتسيانىڭ رەسمي سايتىندا (http://silkroad-2017.com.) جاريالانادى.
راۋان قايدار,
«ەگەمەن قازاقستان»
