سەمەيدە مۇمكىندىگى شەكتەۋلى جاندار كورمە ۇيىمداستىردى

كور­مەدە تار­بي­ەلەنۋشىلەردىڭ فوتو­سۋ­رەت­تە­رى, سونداي-اق گۋاش تەح­ني­كا­سىندا ورىندالعان شى­عار­­ما­شىلىق جۇمىستارى قوي­ىل­عان. وسىنداي قىزىقتى جا­نە ۇلكەن قاجىرلىقتى تالاپ ەتە­تىن عاجايىپ ونەردى با­لا­لار­عا ەستەتيكالىق تاربيە بە­رۋ سەك­تورىنىڭ مەڭگەرۋشىسى نا­تا­ليا بەلياكينا جالىقپاي ۇيرەتىپ كەلەدى.

– كورمە كورسەتكەندەي, جاڭا شى­عارماشىلىق ادىستەمەلەرىن پاي­دالانۋ ارقىلى اۋتيست بالا­نىڭ تالانتىن اشۋعا مۇمكىندىك تۋىپ وتىر, – دەيدى ول. – بۇگىندە بالالارى­مىز شىنايى جانە كوپ قىر­لى سۋ­رەتتەردى سالا الادى. وسى­لاي­شا, وزدەرىنىڭ ىشكى جان دۇ­نيە­سىنىڭ ءبىر قىرىن اشپاق.

اۋتيستىك اۋىتقۋلارى بار با­لالار سۇلۋلىقتى تاما­شا بەي­نەلەيدى ەكەن. ويت­كەنى اۋتي­ست بالالاردىڭ تۇي­ىق بو­لا­تىن­­دىعى جانە اينا­لا­سىن­دا­عى­لارعا ءوز نيەتىن جەتكىزە ال­ماي­تىندىعى ەشكىمگە قۇپيا ەمەس. سوڭدىقتان وسىنداي با­لا­لاردىڭ قورشاعان الەممەن قا­رىم-قاتىناسىن ورناتۋدى سۋ­رەت سالاسىنداعى ارنايى ارت-ادىس­تەردىڭ كومەگىمەن جۇزەگە اسى­رۋ كەرەك. وسى ادىستەردى ور­تا­لىق قىزمەتكەرلەرى جاقسى مەڭ­گەرىپتى.

«جارقىن بولاشاق» ورتا­لى­عى – سەمەي قالاسىنداعى اۋ­تيستىك اۋىتقۋى بار بالا­لار­­­عا ارنالعان ارنايى مامان­دان­­دىرىلعان جالعىز مەكەمە. «ەرە­كشە الەم» بالالار قورى­نىڭ باسشىسى ارايلىم ءالىسجانوۆا. ورتا­لىق 2015 جىلدان باستاپ جۇ­مىس جا­سايدى. «جارقىن بو­لاشاق» تۇ­زەتۋ جانە وڭالتۋ ور­تا­لى­عى­نىڭ ساباقتارىنا 20 شاق­تى تاربيەلەنۋشى قاتىسادى. ور­تالىقتا بالالارعا ءبىلىم جانە قور­شاعان ورتا جانە قوعام تۋرالى تۇسىنىكتەر بەرىلەدى. ءار ءتۇرلى ويىن­دار ويناۋ, ماڭىزدى ويلاۋ جا­نە شىعارماشىلىققا جاتاتىن ىسكەرلىك پەن يكەمدىلىكتەرىن ارتتىرادى.

راۋشان نۇعمانبەك,
جۋرناليست

سەمەي