ءسىم باسشىسى پرەزيدەنت نۇرسۇلتان نازارباەۆتىڭ يادرولىق قارۋدان ازات الەمدى قۇرۋ, الەمدىك جانە ءداستۇرلى دىندەر ليدەرلەرىنىڭ سەزدەرىن شاقىرۋ سەكىلدى باستامالارىنا جان-جاقتى توقتالىپ ءوتتى. سونىمەن قاتار ول قازاقستاننىڭ بۇۇ قاۋىپسىزدىك كەڭەسىنىڭ مۇشەسى رەتىندە ورتالىق ازياداعى قاۋىپسىزدىك, افريكاداعى بەيبىتشىلىك پەن تۇراقتىلىق, حالىقارالىق تەرروريزمگە قارسى تۇرۋ, سيرياداعى داعدارىستى, اۋعانستانداعى جاعدايدى رەتتەۋ ماسەلەلەرىنە جانە بۇۇ رەفورمالارىنا ەرەكشە نازار اۋداراتىنىن اتاپ ءوتتى.
ق.ءابدىراحمانوۆ بريتاندىق پارلامەنت دەپۋتاتتارىمەن, بوب ستيۋارت توراعالىق ەتەتىن قازاقستانمەن ىنتىماقتاستىق جونىندەگى بۇكىلپارتيالىق توبىنىڭ مۇشەلەرىمەن كەزدەستى. مينيستر بريتاندىق پارلامەنت مۇشەلەرىن پرەزيدەنت ن.نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىمەن تانىستىردى, «100 ناقتى قادام» ۇلت جوسپارى مەن جەكەشەلەندىرۋ باعدارلاماسىن ىسكە اسىرۋ تۋرالى, سونداي-اق «استانا» حالىقارالىق قارجى ورتالىعىن قۇرۋ جانە دامىتۋ جوباسى تۋرالى ايتتى.
قازاقستاندىق سىرتقى ساياسي ۆەدومستۆو باسشىسىنىڭ لوندونعا ساپارىنىڭ باستى ماقساتى الداعى ۋاقىتتا ەكىجاقتى ساۋدا-ەكونوميكالىق جانە ينۆەستيتسيالىق ىنتىماقتاستىقتى دامىتۋ بولدى. ەۋروپا قايتا قۇرۋ جانە دامۋ بانكىنىڭ پرەزيدەنتى سۋما چاكرابارتيمەن كەزدەسۋ بارىسىندا اعىمداعى جانە پەرسپەكتيۆالىق بىرلەسكەن جوبالار تالقىلاندى. ەققدب باسشىسىنىڭ ايتۋىنشا, قازاقستان بانكتىڭ ۇلگىلى سەرىكتەسى بولىپ تابىلادى. سوڭعى جىلدارى مەملەكەت جانە جەكە سەكتورمەن بىرلەسكەن جوبالاردىڭ سانى ايتارلىقتاي ءوستى جانە قازاقستاننىڭ ايماقتاعى جانە الەمدەگى ءرولى ارتتى. ەققدب مەملەكەت-جەكەمەنشىك سەرىكتەستىك جوبالارىن جانە ء«بىر بەلدەۋ – ءبىر جول» باستاماسىن ىسكە اسىرۋدا, سونداي-اق سىرتقى نارىقتاردا ەل ماركەتينگىن دامىتۋدا قازاقستانمەن ىنتىماقتاستىقتى نىعايتۋعا نيەتتى.
سىرتقى ىستەر ءمينيسترىنىڭ بەدەلدى كاسىپكەرلەر – بريتان-قازاق قوعامى مۇشەلەرىمەن كەزدەسۋىنىڭ كۇن تارتىبىندە ىسكەرلىك ىنتىماقتاستىق ماسەلەلەرىنە ەرەكشە نازار اۋدارىلدى. قازاقستاننىڭ مۇناي جوبالارىنان باسقا سالالارىنا ينۆەستيتسيا سالۋعا قىزىعۋشىلىق تانىتقان «Independent Power Corporation» جانە «United Green» كومپانيالارىنىڭ باسشىلارىمەن جەكە كەزدەسۋلەر بارىسىندا قازاقستان ەكونوميكاسىنا ينۆەستيتسيالاۋ جانە جاڭا ءوندىرىس ورىندارىن اشۋ ماسەلەلەرى تالقىلاندى. ساپار سوڭىندا ق.ءابدىراحمانوۆ ۇلىبريتانيادا «بولاشاق» باعدارلاماسى بويىنشا ءبىلىم الاتىن قازاقستاندىق ستۋدەنتتەر قاۋىمداستىعىمەن كەزدەستى.
دايىنداعان
جولدىباي بازار,
«ەگەمەن قازاقستان»
