فوتو: قانات الداباەۆ
وندىرىستىك تەحنيكانى قايتا جابدىقتاۋ ۇدەرىسىنە قاتىسقان جوندەۋشى-ماماندار, №2147 ەكسكاۆاتور بريگاداسى بۇل جۇمىستى مەرزىمىنەن بۇرىن اياقتادى.
جالپى, «بوگاتىر كومىر» كومپانياسى – «سامۇرىق-قازىنا» ۇلتتىق ءال-اۋقات قورىنىڭ «سامۇرىق-ەنەرگو» اق جانە رەسەيلىك «رۋسال» كومپانياسىمەن بىرگە كومىر وندىرەتىن بىرلەسكەن كاسىپورىن. بۇل كۇندەرى «بوگاتىر كومىر» جشس-ءنىڭ ۇلەسىنە ەكىباستۇز كومىر باسسەينىنەن وندىرىلەتىن كومىردىڭ 40 پايىزى, ەلىمىز بويىنشا وندىرىلەتىن كومىر كولەمىنىڭ 60 پايىزى تيەسىلى. الەم بويىنشا «بوگاتىر كومىر» جشس اشىق تاسىلمەن كومىر وندىرەتىن ءىرى كاسىپورىن ەكەنىن بىلەمىز.
سەرىكتەستىكتىڭ بىزگە بەرگەن مالىمەتىنشە, ەكىباستۇز قازانشۇڭقىرىنداعى كومىر الابىنىڭ قورى 2,75 ملرد توننانى قۇرايدى. ال كاسىپورىننىڭ وندىرىستىك قۋاتى جىلىنا 42 ميلليون توننا كومىر وندىرۋگە جەتەدى. ونىڭ 32 ميلليون تونناسى «بوگاتىر» كەنىشىنە, قالعان 10 ميلليون تونناسى «سەۆەرنىي» كەنى- شىنە تيەسىلى. بيىلعى جىلدىڭ 9 ايىندا «بوگاتىر كومىر» جشس 29 ميلليون توننا كومىر وندىرسە, ەلىمىزدىڭ كومىر نارىعىنا جونەلتىلگەن كولەم 22 ميلليون توننانى قۇرايدى.
وتكەن اپتادا كاسىپورىنداعى كۇردەلى جوندەۋ, جاڭارتۋ ۇدەرىسىنەن وتكەن №2147 روتورلى ەكسكاۆاتوردى قايتا ىسكە قوسۋ ءۇشىن ارنايى سىناق وتكىزىلدى. وندىرىسكە تۇسپەس بۇرىن جۇمىس بارىسىنداعى بارلىق مەحانيزمدەر مەن توراپتار تەكسەرىلىپتى. بۇعان دەيىن دە «بوگاتىر» كەنىشىندە ءار جىلداردا تەحنيكالىق قايتا جابدىقتاۋ ۇدەرىسىنەن بىرنەشە روتورلى ەكسكاۆاتورلار وتكەنىن جازعانبىز.
بيىلعى جىلدىڭ ون ايلىق جۇمىس بارىسىن «بوگاتىر كومىر» جشس-ءنىڭ جوندەۋ جونىندەگى ديرەكتورى ۆلاديمير كوچەرگا بىلاي دەپ قورىتىندىلادى:
– بۇگىن ءبىز سرس(ك)-2000 روتورلىق ەكسكاۆاتورىن جاڭارتۋ بويىنشا ۇزاق مەرزىمدى باعدارلامانى اياقتاپ وتىرمىز. كومپانيا ەكسكاۆاتوردىڭ تەحنيكالىق جاڭارتىلۋىنا عانا 3 ملرد تەڭگە جۇمسادى. جۇرگىزىلگەن جاڭارتۋ مەن كۇردەلى جوندەۋگە سەنىم مول, ەندى كومىر قازۋ ۇدەرىسىندە بۇل ەكسكاۆاتوردىڭ قۋاتتىلىعى ارتادى دەگەن ءسوز. اۆتوماتتى باقىلاۋ جۇيەسى كەنشىلەردىڭ جۇمىسىن جەڭىلدەتەدى. جاڭارتۋ بارىسىندا ەلەكتر جابدىقتارى, كابەلدى ءونىم, كونۆەيەر جەتەكتەرى, روتورلى دوڭگەلەكتەر اۋىستىرىلىپ, باسقارۋدىڭ زاماناۋي جۇيەسى مەن ماشينيستەرگە جاڭا كابينالار ورناتىلدى. جاڭارتۋ ەكسكاۆاتوردىڭ قىزمەت ەتۋ مەرزىمىن تاعى 10 جىلعا سوزۋعا مۇمكىندىك بەرەدى.
كومپانيا باسشىلىعى كادرلاردى دايارلاۋ جانە قايتا دايارلاۋ ۇردىسىنە ءمان بەرۋدە. ياعني جۇمىسشىلاردى بىردەن بىرنەشە ماماندىققا وقىتۋدى قولعا الۋ جۇمىسى جۇرگىزىلەدى. جۇرگىزىلگەن جاڭارتۋعا ۇلەس قوسقان سرس(ك)-2000
№ 2147 روتورلى ەكسكاۆاتوردىڭ بريگاديرى اندرەي پەشكوۆتىڭ ايتۋىنشا, بۇل ەكسكاۆاتوردا ول 30 جىلدان بەرى جۇمىس ىستەيدى. جوندەۋ بريگاداسى ءبارىن مۇقيات جانە ساپالى تۇردە ورىنداپ شىعىپتى. ويتكەنى ءبارى دە الداعى ۋاقىتتاردا وسى ماشينامەن جۇمىس جاسايتىندارىن بىلەدى. ءتىپتى جوندەۋ ۇدەرىسىندە جاڭا جابدىقتىڭ جۇمىس ىستەۋ قاعيداسىن دا زەرتتەپ كورىپتى. كەنشىلەردىڭ كوڭىل كۇيلەرى كوتەرىڭكى. الدا كەلە جاتقان مەرەكەلەرگە تارتۋ جاسادىق دەيدى ولار.
ءيا, اندرەي ايتقانداي, تاعى ءبىر جاڭعىرتۋ جۇمىستارى اياقتالدى. ەندى «بوگاتىر كومىر» جشس كەنشىلەرى جاڭارتۋعا بايلانىستى ۇزىلىستەن كەيىن باستالاتىن ەكپىندى جۇمىستى اسىعا كۇتۋدە.
فاريدا بىقاي,
«ەگەمەن قازاقستان»
پاۆلودار وبلىسى,
ەكىباستۇز قالاسى
