سەمەيدە جاستار لاتىن قارپىندەگى كىتاپتارمەن تانىستى

شارا بارىسىندا سيرەك باسىلىمدار قورىنداعى ساقتالعان 1929-1940 جىلدار ارالىعىندا جارىق كورگەن باسىلىمدار تانىستىرىلىپ, شولۋ جۇرگىزىلدى.

– ەلباسى نۇرسۇلتان نازارباەۆتىڭ «بولاشاققا باع­دار: رۋحاني جاڭعىرۋ» ماقالا­سى ايا­سىندا وسى كورمەنى وزگە ۇلت وكىل­دەرىنە ۇسىنىپ وتىرمىز, – دەدى شىعىس قازاقستان وبلىستىق اباي اتىنداعى امبەباپ كىتاپحانانىڭ ديرەكتورى گۇلنار جىگىتباەۆا, تاتار, وزبەك, ورىس, بەلورۋس, كورەي ۇلتىنىڭ وكىلدەرى شارا بارىسىندا سيرەك باسىلىمدار قورىندا ساقتالعان لاتىن قارپىندە جارىق كورگەن كىتاپتارمەن تانىستى. 

– مۇندا 1929-1940 جىلدارى باسىلعان الىپپەنى كورىپ تاڭ-تاماشا قالدىم, – دەيدى وكسانا گرەبەنچۋك, ءتىپتى جاراتىلىستانۋ, حيميا, اناتوميا, جاعرافيا سياق­تى پاندىك كىتاپتار مەن اباي قۇنانباەۆ, سۇلتانماحمۇت توراي­عىروۆ, مۇحتار اۋەزوۆ, ءىلياس جانسۇگىروۆ, بەيىمبەت ماي­لين, ءسابيت مۇقانوۆتاردىڭ لاتىن قا­رىپ­تەرىمەن تەرىلگەن شى­عار­مالارى بار ەكەن. قازاق حالقىنا لاتىن قارپى بۇرىننان تانىس ەكەندىگىن بايقادىم.

ت.امانوۆ اتىنداعى №16 مەك­تەپ وقۋشىلارى دا ارنايى كەلىپ, كورمەنى تاماشالادى. ولار­دىڭ نازارىنا ءا.ەرمەكوۆتىڭ « ۇلى ماتەماتيكا كۋرسى» (1935 ج.), ا.مامىت ۇلىنىڭ «دەنساۋ­لىق جولىندا» (1935 ج.), ت.شونان­ ۇلىنىڭ «ورىستارعا قازاق ءتىلىن ۇيرەتكىش» (1931 ج.), «تاڭقىباي» ء(ى.جانسۇگىروۆ), «قۇق: ساتيرالىق اڭگىمەلەر جيناعى» (1935 ج.) سياقتى لاتىن تىلىندەگى باسىلىمدار ۇسىنىلدى.

راۋشان نۇعمانبەك,
جۋرناليست

سەمەي