وعان پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى ۆلاديمير جۇماقانوۆ, پرەمەر-مينيستر كەڭسەسى قورعانىس جانە قۇقىقتىق ءتارتىپ ءبولىمىنىڭ مەڭگەرۋشىسى مۇرات بايمۇقاشەۆ, سونىمەن قاتار ۇيلەستىرۋ كەڭەسىنىڭ مۇشەلەرى قاتىستى.
جيىندا ۇلت جوسپارىنىڭ 28-34-قادامدارىنىڭ ىسكە اسىرىلۋ ماسەلەلەرى تالقىلاندى. ناقتىلاي ايتقاندا, پوليتسيا قىزمەتكەرلەرىن ىرىكتەۋ جۇيەسىن جاقسارتۋ, قۇقىق قورعاۋ ورگاندارىنىڭ قىزمەتكەرلەرىن مەملەكەتتىك قىزمەت جۇيەسىنە قوسۋ, جەرگىلىكتى پوليتسيا قىزمەتىن قۇرۋ, ازاماتتاردىڭ ارىزىن قاراۋ جونىندەگى قوعامدىق كەڭەس جۇيەسىن قۇرۋ ارقىلى پوليتسيانىڭ اشىقتىعىن قامتاماسىز ەتۋ, «قىلمىستىق قۇقىق بۇزۋ كارتاسى» ينتەرنەت-پورتالىن قۇرۋ, سوتتالعانداردى الەۋمەتتىك وڭالتۋدىڭ ءتيىمدى جۇيەسىن قالىپقا كەلتىرۋ, پەنيتەنتسيارلىق ينفراقۇرىلىمدى جاڭعىرتۋ ماسەلەلەرى ءسوز بولدى.
كۇن ءتارتىبىنىڭ ەكىنشى جانە ءۇشىنشى سۇراقتارى ماسەلەلەرى قۇقىق قورعاۋ ورگاندارى جەكە قۇرامىنىڭ سىبايلاس جەمقورلىققا قارسى زاڭنامانى ساقتاۋ, سونداي-اق قىلمىستىق-اتقارۋ جۇيەسىنىڭ جەكەلەگەن ماسەلەلەرى بولدى.
باسقوسۋدا جاقىپ اسانوۆ شاراعا قاتىسۋشىلاردىڭ نازارىن كوتەرىلىپ وتىرعان ماسەلەلەردىڭ ماڭىزدىلىعىنا اۋداردى, سونداي-اق ۇلت جوسپارىنىڭ جەكەلەگەن قادامدارىن ىسكە اسىرۋ بارىسىنداعى كەيبىر جاعداياتتارعا توقتالدى.
ىشكى ىستەر ءمينيسترىنىڭ ورىنباسارى ەرلان تۇرعىمباەۆ ۇلت جوسپارىنىڭ 28,30,31,33 جانە 34-قادامدارى بويىنشا ۆەدومستۆو تاراپىنان اتقارىلىپ جاتقان جۇمىستار تۋرالى باياندادى. ال 32-قادامنىڭ جۇزەگە اسىرىلۋى جونىندە باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ توراعاسى (قسجاەك) باعدات مۋسين ەسەپ بەردى. ب.مۋسين قاتىسۋشىلارعا «قىلمىستىق قۇقىق بۇزۋ كارتاسىنىڭ» مۇمكىندىكتەرىنە توقتالىپ, اتالعان كارتانىڭ ازاماتتار ءۇشىن وتە ىڭعايلى قۇرالعا اينالعانىن ايتتى.
سونىمەن قاتار كارتانىڭ مۇمكىندىگىن ودان ءارى كەڭەيتۋ ماقساتىندا كوميتەت تاراپىنان «قىلمىستىلىقتى ساراپتاۋ» اتتى گەواقپاراتتى كارتا ازىرلەندى. بۇل باعدارلاما ەنگىزىلگەن پارامەترلەر نەگىزىندە وڭىردەگى قىلمىستىلىقتىڭ وشاعىن انىقتاپ, قىلمىستىڭ قۇرىلىمى مەن مەرزىمىنىڭ كەستەسىن كورسەتە الادى.
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ باسشىسى تالعات تاتۋباەۆ وتكەن جىلدىڭ جەلتوقسانىندا ۇسىنىلعان سىبايلاس جەمقورلىققا قارسى جول كارتاسىنىڭ ورىندالۋى, سونداي-اق ۇلت جوسپارىنىڭ 29-قادامىنىڭ ىسكە اسىرىلۋى جايلى باياندادى.
وتىرىستىڭ ناتيجەسىندە باعدارلامالىق قۇجاتتىڭ ءتيىستى دارەجەدە جۇزەگە اسىرىلۋى, سونىمەن قاتار سىبايلاس جەمقورلىق پەن ازاپتاۋعا قارسى جۇمىستاردى ءارى قاراي ۇيىمداستىرۋ بويىنشا ۇسىنىمدار ازىرلەندى.
«ەگەمەن-اقپارات»
