ماسەلەن, وسى جىلدىڭ سەگىز ايىندا وڭىردەن 330 توننادان استام ءىرى قارا مال مەن قوي ەتى جانە «ورداباسى قۇس» جشس-گى سوماسى 1 ملرد. 708 ملن تەڭگە بولاتىن 2 485 توننا كۇركە تاۋىق ەتىن الىس-جاقىن شەتەلدەرگە ەكسپورتتالعان.
جالپى ايماقتا بيىلعى جىلدىڭ ون ايىندا 173,2 مىڭ توننا ەت وندىرىلگەن.
ءوڭىردىڭ ەكسپورتتىق الەۋەتىن ارتتىرۋ بويىنشا يران يسلام رەسپۋبليكاسىنا جۇگەرى مەن قوي ەتىن تاسىمالداۋ ماسەلەسى بويىنشا قارقىندى جۇمىستار جۇرگىزىلىپ جاتسا, بۇگىندە ساۋد اراۆيا, ءباا مەن يراك مەملەكەتتەرىنە قوي ەتىن ەكسپورتتاۋ بويىنشا الدىن-الا كەلىسىمدەر بار.
بۇل باعىتتاعى جۇمىستار ەلباسىنىڭ ۇلت جوسپارى – بەس ينستيتۋتسيونالدىق رەفورماسىن جۇزەگە اسىرۋدىڭ 100 ناقتى قادامىنىڭ 61 قادامىندا كورسەتىلگەن ەت ءوندىرىسى مەن وڭدەۋدى دامىتۋ ءۇشىن ستراتەگيالىق ينۆەستورلاردى تارتۋ بويىنشا اتقارىلعان جۇمىستاردىڭ ناتيجەسى.
ايتا كەتەيىك, 2016 جىلى وبلىستان ەتكە 6 700 باس ۇساق مال, 400 باس ءىرى قارا مال مەن 200-گە تارتا جىلقى ەتى ەكسپورتتالدى. ونىڭ ىشىندە «قايىپ اتا» جشس بىرىككەن اراب امىرلىگىنىڭ MYCo Trading FZE كومپانياسىمەن بىرلەسە وتىرىپ 2000 باس قويدى فۋدجەيرا قالاسىنا جەتكىزگەن. سونىمەن قاتار, جىلىنا 3 مىڭ توننا قوي ەتىن ەكسپورتتاۋ بويىنشا يراندىق GO HARD TALAYI PASARGAD كومپانياسىمەن كەلىسىم-شارت تۇزىلگەن.
جالپى وڭتۇستىك قازاقستان وبلىسىندا مال شارۋاشىلىعى باعىتىندا ءوسىم بايقالادى. ماسەلەن, ءىرى قارا مالدىڭ سانى وتكەن جىلدىڭ ءتيىستى كەزەڭىمەن سالىستىرعاندا 5,9 پايىزعا ارتىپ 925,6 مىڭ باستى, قوي مەن ەشكى 1,2 پايىزعا ارتىپ 4 ملن 092 مىڭ باستى, جىلقى 19,7 پايىزعا كوبەيىپ 285 مىڭ باستى, تۇيە 6,8 پايىزعا, ياعني, 25,5 مىڭ باستى, ال قۇس سانى 2,3 پايىزعا كوبەيىپ 2,5 ملن باستى قۇراعان.
