كورنەكى سۋرەت
«مەكتەپ پرەزيدەنتىن سايلاۋ» جوباسى بولاشاق سايلاۋشىلاردىڭ قۇقىقتىق مادەنيەتىن ارتتىرۋ ماقساتىندا وقۋشىلارعا سايلاۋ قىزمەتىنىڭ پراكتيكالىق باعدارلانعان ءبىلىمدى, ماشىقتار مەن تاجىريبەنى بەرۋ ءۇشىن جاعدايلار جاساۋعا باعىتتالدى. مەكتەپ پرەزيدەنتتەرىنىڭ سايلاۋالدى ناۋقانى استانا قالاسىندا 20 قىركۇيەكتە باستالعان. بىرىڭعاي داۋىس بەرۋ كۇنى 22 قازاندا جالپى ءبىلىم بەرۋ مەكتەپتەرىنىڭ – №37 ورتا مەكتەپتىڭ, №6 مەكتەپ-گيمنازيانىڭ جانە №76 مەكتەپ-ليتسەيدىڭ بازاسىندا, ياعني ەلوردانىڭ ءار اۋدانىنىڭ ءبىر-ءبىر مەكتەبىندە ءوتتى. جوباعا اتالعان مەكتەپتەردىڭ 2-11- سىنىپ وقۋشىلارى (بارلىعى 6 026 وقۋشى) قاتىستى.
ءۇش مەكتەپ پرەزيدەنتتەرىنىڭ لاۋازىمىنا 22 كانديدات – 9-10-سىنىپ وقۋشىلارى ۇمىتكەر بولدى. №76 مەكتەپ-ليتسەيدە جەڭىمپاز سايلاۋشىلاردىڭ 50%-نىڭ داۋىسىن جيناپ, ءبىرىنشى كەزەڭ ناتيجەلەرى بويىنشا انىقتالسا, №6 مەكتەپ-گيمنازيا مەن №37 ورتا مەكتەپتە سايلاۋدىڭ ەكىنشى كەزەڭى ۇيىمداستىرىلدى. ەكىنشى كەزەڭدە ءبىرىنشى كەزەڭدە ەڭ كوپ داۋىس جيناعان ەكى كانديداتتىڭ اراسىنان كوشباسشى تاڭدالدى. ال سايلاۋ پروتسەستەرىن مەكتەپ سايلاۋ كوميسسيالارى ۇيىمداستىردى.
ورتالىق سايلاۋ كوميسسياسىنىڭ حاتشىسى سابيلا مۇستافينا مەكتەپتەردىڭ سايلانعان پرەزيدەنتتەرى – №37 ورتا مەكتەبىنىڭ 9ا-سىنىپ وقۋشىسى توميريس كۇلماەۆانى, №6 مەكتەپ-گيمنازياسىنىڭ 10ب-سىنىپ وقۋشىسى يۆان نەچاەۆتى, №76 مەكتەپ-ليتسەيدىڭ 10ا-سىنىپ وقۋشىسى ميراس سكەندرد, سونداي-اق مەكتەپ سايلاۋ كوميسسيالارىنىڭ توراعالارىن قۇتتىقتادى. ءىس-شاراعا قاتىسۋشىلاردىڭ بارلىعى ورتسايلاۋكوم توراعاسىنىڭ اتىنان العىس حات جانە ەستەلىك سىيلىقتارمەن ماراپاتتالدى.
ءاليسۇلتان قۇلانباي,
«ەگەمەن قازاقستان»
