يرانبەك ءابىتاي ۇلىنىڭ شىعارماشىلىعى قازاق پوەزياسىنىڭ التىن قورىنا ەنگەن. ول 30-عا جۋىق درامالىق پوەمانىڭ اۆتورى. ونىڭ كوبى قازاقستان عانا ەمەس شەت ەلدەرگە دە تانىمال. ماسەلەن, "شىڭعىسحان", "ابىلاي حان", "قورقىتتىڭ كورى" ت.ب. تۋىندىلارى بىرنەشە شەت تىلدەرىنە اۋدارىلعان.
«قورقىتتىڭ كورى" ولەڭدەر جيناعى ءۇشىن يرانبەك ءابىتاي ۇلى 2002 جىلى قر مەملەكەتتىك سىيلىعىن يەلەندى. سونداي-اق, تاۋەلسىز قازاقستان تۋرالى جازبا ءمۇشايراسىندا گران-پري جۇلدەسىنە يە بولدى. «ەكسپو-2017" كورمەسى اياسىندا استانادا وتكەن قىزىلوردا وبلىسىنىڭ مادەنيەتى كۇندەرى شەڭبەرىندە يران عايىپتىڭ مەرەيتويى اتالىپ ءوتىلدى. استانالىقتارعا "قورقىت" سپەكتاكلىن قويدىق جانە قىزىلوردا وبلىسىنىڭ قۇرمەت گراموتاسىن تاپسىردىق», - دەدى وبلىس اكىمى قىرىمبەك كوشەرباەۆ.
كەش بارىسىندا اقىننىڭ وقىرماندارى, دوستارى مەن تۋعاندارى مەرەيتوي يەسىن قۇتتىقتاپ, جىلى لەبىزدەرىن جەتكىزدى.
انىقتاما ءۇشىن: ورازباەۆ يرانبەك ءابىتاي ۇلى (شىعارماشىلىق پسەۆدونيمى – يران عايىپ) قىزىلوردا وبلىسى, سىرداريا اۋدانىندا دۇنيەگە كەلگەن. 1970 جىلى قازاق پوليتەحنيكالىق ينستيتۋتىنىڭ تاۋ-كەن فاكۋلتەتىن اياقتاپ, 1980 جىلى م.گوركي اتىنداعى مادەنيەت ينستيتۋتىنىڭ جوعارى كۋرسىن ءبىتىردى. «جۇرەك جىرلايدى» (1974 ج.), «جەتى قازىنا» (1977 ج.), ء«تۇننىڭ كوزى» (1979 ج.), «سۇلۋلىقپەن سىرلاسۋ» (1980 ج.), ء«ومىر-ولەڭ» (1982 ج.), «سۇلۋلىق ساراسى» (1985 ج.), «دۇنيەجارىق» (1987 ج.), «باتقان كەمەنىڭ بەيباقتارى» (1990 ج.), «مۇنار, مۇنار, مۇنارىم...» (1992 ج.), «يران باعى» (1995 ج.), ء«سوز پاتشالىعى» (1996 ج.), «جىر الەمى» (1996 ج.), «قورقىتتىڭ كورى» (2001 ج.). كىتاپتارىنىڭ اۆتورى.
