قىزىلوردا وبلىسىنىڭ اكىمى قىرىمبەك كوشەرباەۆ سىرداريا اۋدانىندا بولىپ, نىسانداردىڭ اشىلۋىنا قاتىستى.
ايماق باسشىسى الدىمەن سىرداريا اۋدانى, اقجارما ەلدى مەكەنىندە شاعىن جانە ورتا كاسپكەرلىكتى دامىتۋ جۇمىستارىنىڭ ناتيجەسىندە اشىلعان "تولعاناي" كەشەنىندە بولدى. 80 ادامعا لايىقتالعان دۇكەن مەن ءدامحانانى جەكە كاسىپكەر نۇرسۇلۋ دۇيسەنوۆا اشىپ, جۇمىسىن دوڭگەلەتىپ وتىر.
ال تەرەڭوزەك كەنتىنەن اشىلعان قۇرمەتتى ازاماتتار اللەياسىندا اۋدان دامۋىنا ەلەۋلى ۇلەس قوسقان 99 ازاماتتىڭ ەسىمى جازىلعان ارنايى تاقتايشالار ورناتىلعان.
سونىمەن قاتار, اۋداندىق "ەڭبەك داڭقى مۋزەيى" تاريحي-ولكەتانۋ مۋزەيىنىڭ جۇمىسى دا جاندانا تۇسكەن.
«سىر ەلى – ەل ازاماتتارىن بىركىسىدەي ەڭبەككە جۇمىلدىرا بىلگەن قىزىلوردالىق 102 سوتسياليستىك ەڭبەك ەرى شىققان قاسيەتتى ولكە. ولاردىڭ ەسىمدەرى وبلىس تاريحىندا التىن ارىپتەرمەن ماڭگىلىككە جازىلادى. اتاقتى كۇرىششى ىبىراي جاقاەۆپەن يىق تىرەستىرە ەڭبەك ەتىپ, مەملەكەت بايلىعىن ەسەلەپ وسىرگەن ايماعىمىزدان شىققان ەڭبەك ەرلەرى كۇلاندا ءابدىرامانوۆا, قاسىم بودەەۆ, يبادۋللا اقنيازوۆ, شىركەيلىلىك بالدىرعان مۇستاپاەۆا جانە باسقا دا اعا-اپالارىمىز ەلىمىزدىڭ ماقتانىشى. دالا ءتوسىن دۇبىرلەتكەن ەڭبەككەرلەردىڭ ءىزىن جالعاپ, ادال ەڭبەگىنىڭ ناتيجەسىندە ەل ەكونوميكاسىن نىعايتقان جانداردىڭ بارلىعى جاس بۋىن ءۇشىن ۇلگى-ونەگە. سىر ءوڭىرىن دامىتۋعا ايتۋلى ۇلەس قوسقان ازاماتتارعا قۇرمەت كورسەتۋ – ءبىزدىڭ ازاماتتىق پارىزىمىز", - دەدى وبلىس اكىمى قىرىمبەك كوشەرباەۆ.
مۇنان سوڭ, اۋدان ورتالىعىندا ايماق باسشىسى ەلدى مەكەندەردە شاعىن جانە ورتا كاسىپكەرلىكتى دامىتۋعا بايلانىستى اۋدان اكتيۆىمەن جينالىس وتكىزدى.
ەستەرىڭىزگە سالا كەتەيىك, بۇعان دەيىنگى وتكىزىلگەن كوشپەلى ماجىلىستەردە ايماق باسشىسى بارلىق اۋدان جانە اۋىل اكىمدەرىنە جاپپاي كاسىپكەرلىكتى دامىتۋعا بايلانىستى جۇمىستار اتقارۋدى تاپسىرعان بولاتىن.
وبلىس اكىمى اپتا سوڭىنا دەيىن ءدال وسىنداي 6 اۋداندا جانە قىزىلوردا قالاسىندا كەزدەسۋلەر وتكىزەدى.
